នេះជាថ្ងៃទីបីហើយដែលពួកគេចំណាយពេលនៅ Honshu ។ Tae ក៏មមាញឹកត្បិតគេត្រូវត្រួតពិនិត្យបញ្ជីចេញចូល និងចាំជួយសម្រួលដល់ភ្ញៀវដែលមានបញ្ហា។ រាល់ថ្ងៃសឹងតែលែងបានជួបមុខប្ដីទៅហើយ ព្រោះតែនាយមានការងារផ្សេងទៀត ដែលសំខាន់មិនព្រមអោយគេដើរតាមទាល់តែសោះ។
«ខ្ញុំត្រូវការកក់បន្ទប់!!»សម្ដីបុរសក្នុងឈុតអាវយឺតជាមួយនឹងខោខោប៊យជើងខ្លីត្រឹមជង្គង់ ជាមួយនឹងវេនតាខ្មៅជាប់នឹងភ្នែក បើមើលតាមការតុបតែងខ្លួនជាភ្ញៀវដែលមកដំណើរកំសាន្តច្បាស់ណាស់។
«អញ្ជើញមកស្នាក់នៅប៉ុន្មានថ្ងៃដែរលោក»
«មួយសប្ដាហ៍...»សម្ដីម៉ាត់ៗ ច្បាស់ៗមិនអោយច្រឡំ ភ្នែករំពៃមើលទៅជុំវិញបរិវេណទីធ្លា ដូចជាកំពុងតែស្វែងរកអ្វីម្យ៉ាង។
«បងផាយ...ចាំអោយមនុស្សទៅមើលបន្ទប់រីសត 4045 ផង ម៉ាស៊ីនត្រជាក់ដូចជាមានបញ្ហាហើយ»សម្ដីផ្អែមមុត ប្រាប់ទៅមនុស្សក្រោមឱវាទ តែបែរជាទាក់ទាញសោតវិញ្ញាណរបស់មនុស្សក្បែរនេះអោយរហ័សងាកទៅមើលភ្លាមៗ មុននឹងវាចាឡើង៖
«ចាស អ្នកប្រុស!!»
«Kim Taehyung!!»Seijun ពោលឡើងទៅកាន់មាឌល្អិតដែលខ្លួនស្គាល់ច្បាស់ តែ Tae ដែលបែរមករកគេបែរជាជ្រឹមភ្នែកដូចកំពុងស្មាន។
«លោក...?»
«ខ្ញុំឈ្មោះ Seijun ជាមិត្តរបស់ Jungkook »អ្នកកម្លោះញញឹមស្រស់ ស្រវាដោះវែនតាចេញបង្ហាញទម្រង់មុខសែនសង្ហាបែបជនជាតិជប៉ុននៅទីនេះ។
«អូ៎ ខ្ញុំស្គាល់ហើយ!! សួស្តីលោក Seijun »Tae ញញឹមបន្តិចបន្ទាប់ពីរកនឹកឃើញ Seijun ក៏ជាមនុស្សដែលជិតស្និទ្ធនឹងប្ដីគេណាស់ដែរ។ តែថាថ្ងៃមង្គលការដូចជាមិនឃើញនាយ។
«បាទ សួស្ដី!! ធ្លាប់តែលឺឈ្មោះនិងឃើញតាមបណ្ដាញសង្គម ជួបរូបពិតស្រស់ស្អាតជាងរូបថតទៅទៀត»
«លោកបញ្ជោរខ្ញុំពេកហើយ នេះមកដើរលេងឬ? តែម្នាក់ឯងទេហេស៎»
«បាទ មនុស្សអត់គូតើអោយមានគ្នាមកពីណា យ៉ាងណាក៏ចង់សម្រាកពីការងារមកលំហែកាយខ្លះ»
«បើ Jungkook ដឹង គាត់ប្រាកដជាមករាក់ទាក់លោកមិនខាន»
«រួចចុះគេទៅណា?»
YOU ARE READING
ប្រពន្ធក្រៅបេះដូង (ចប់✓)
Romanceតើអាពាហ៍ពិពាហ៍មួយនេះកើតចេញពីស្នេហាឬគ្រាន់តែជាការសងសឹក? ព្រហ្មលិខិតហាក់លំអៀងមកកាន់ខ្ញុំណាស់ គ្រប់យ៉ាងគេជាអ្នកសម្រេចថាឱ្យខ្ញុំទៅឬក៏នៅ។ ជីវិតរបស់ខ្ញុំប្រៀបដូចនឹងចុះនរក ខ្ញុំខ្លាច! ខ្ញុំព្យាយាមណាស់រត់ចេញពីទីនោះ ប៉ុន្តែចុងក្រោយខ្ញុំបែរជាចាញ់ត្រឹមពាក្...
