ការពិតត្រូវបានលាតត្រដាង ប៉ុន្តែវាបែរជាសាងនូវភាពច្របូកច្របល់មកដល់នាយតូចដែលអង្គុយគិតពីសម្ដីរបស់ប្ដី។ Chaisa ជាអ្នកសម្លាប់ឪពុករបស់គេ ហេតុអីនាងចងគុំនំយ៉ាងនេះ? បើសិនជាទាក់ទងនឹង Natsu ក៏មិនគួររាលដាលដល់មនុស្សចាស់ដែលមិនដឹងអ្វីដែរ។
«ត្រូវហើយ គេប្រាកដជាដឹងថានាងនៅឯណា!!»JK ជាអ្នកចាប់នាងទៅ ប្រាកដណាស់ថានាយអាចជូនគេទៅរក Chaisa បាន។ គេត្រូវតែដឹងឱ្យបាន ថាហេតុអីនាងសម្លាប់លោកគីម ថែមទាំងទំលាក់កំហុសឱ្យថៅកែសុង ហាក់ដូចជានាងដឹងរឿងផ្ទៃក្នុងទាក់ទងនឹងគ្រួសារគេច្បាស់ណាស់។ នាងឃោរឃៅពេកទេដឹង។
Tae រហ័សរហួនរត់ចុះមកខាងក្រោមវិញ ខណៈដែលគ្រប់យ៉ាងហាក់ស្ងប់ស្ងាត់ មនុស្សដែលនៅព្រោងព្រាតមុននេះក៏បាត់អស់ ដូចជាលឿនពេកហើយ។ មិនរារែក នាយតូចក៏បន្តមកខាងក្រៅទៀតទើបប្រទាក់នឹងរាងក្រាស់ដែលរៀបនឹងឡើងឡានចេញទៅណាក៏មិនដឹង។
«Jungkook!!»Tae ហៅបង្អាក់ដំណើរនាយធំឱ្យនាយឈប់ត្រឹងមួយកន្លែង ទើបគេរហ័សរត់សំដៅមករក។
«លោកចង់ទៅណា?»កាយតូចច្រឡឹងត្រឹម.ករបស់គេ ងើយមុខសួរប្ដីដោយការចង់ដឹង ធ្វើឱ្យ Jungkook ចម្លែកចិត្ត ទើបសួរត្បកទៅវិញ។
«ឯងមានការអី?»
«គឺមាន! លោកអាចជូនខ្ញុំទៅរក Chaisa បានឬអត់?»
«ហេតុអី?»
«ព្រោះខ្ញុំចង់ជួបនាង!!»
«ទីនោះមិនល្អសម្រាប់ឯងទេ កុំទៅអី»
«លោកទៅបាន ហេតុអីខ្ញុំទៅមិនបាន?»
«វាមិនដូចគ្នាទេ»
«មិនដូចត្រង់ណា បើលោកដឹងថាទីនោះមិនល្អ អញ្ជឹងលោកយកនាងទៅឃុំនៅកន្លែងហ្នឹងធ្វើអី?»រាងតូចមិនចុះញ៉ម តសម្ដីមិនដាច់មួយម៉ាត់ យ៉ាងណាគេត្រូវតែជួបនាងឱ្យបាន។ ចំណែក Jungkook ឯណេះបានត្រឹមដកដង្ហើមធំ មើលពីភាពមានៈរបស់ប្រពន្ធ នាយមិនចង់ឱ្យគេទៅព្រោះទីនោះជាកន្លែងធ្វើទារុណកម្ម មិនសាកសមនឹងឱ្យគេទៅឃើញទិដ្ឋភាពអប្បលក្ខណ៍ទាំងអស់នោះទេ តែមើលគេចុះ ក្បាលរឹងសម្បើមណាស់។
«សម្រេចថាឯងត្រូវតែទៅឱ្យបាន?»
«មែនហើយ លោកមិនបាច់មកហាមខ្ញុំទេ ព្រោះទោះជាយ៉ាងណាខ្ញុំត្រូវតែទៅឱ្យបាន-ជា-ដាច់-ខាត!! » Tae បញ្ជាក់មួយៗច្បាស់ៗ ក្បាលរឹងដល់កំពូលហើយ រាងក្រាស់បានត្រឹមយកអណ្ដាតទល់ថ្ពាល់ ខ្នាញ់កូនហ្នឹងយកតែមែនទែនហើយ ចង់តែចាប់ញិចឱ្យដូចចៃទេ។
YOU ARE READING
ប្រពន្ធក្រៅបេះដូង (ចប់✓)
Romanceតើអាពាហ៍ពិពាហ៍មួយនេះកើតចេញពីស្នេហាឬគ្រាន់តែជាការសងសឹក? ព្រហ្មលិខិតហាក់លំអៀងមកកាន់ខ្ញុំណាស់ គ្រប់យ៉ាងគេជាអ្នកសម្រេចថាឱ្យខ្ញុំទៅឬក៏នៅ។ ជីវិតរបស់ខ្ញុំប្រៀបដូចនឹងចុះនរក ខ្ញុំខ្លាច! ខ្ញុំព្យាយាមណាស់រត់ចេញពីទីនោះ ប៉ុន្តែចុងក្រោយខ្ញុំបែរជាចាញ់ត្រឹមពាក្...
