#បួនថ្ងៃក្រោយមក
ជិតមួយសប្ដាហ៍មកនេះ រាងតូចនៅមើលថែប្ដីមិនដែលឃ្លាត បម្រើទឹកក្ដៅទឹកត្រជាក់ មិនឱ្យនាយទាស់ចិត្តទេ សឹងតែ Jungkook ចង់ឈឺលែងចង់ក្រោកទៅហើយ បើប្រពន្ធផ្គាប់ផ្គុនបានល្អយ៉ាងនេះ។
«ខ្ញុំថាលោកគួរតែសម្រាកឱ្យគ្រប់មួយសប្ដាហ៍សឹមចេញក៏បាន ព្រោះខ្ញុំនឹងបានតាមដានមុខរបួសរបស់លោកបន្ត...»លោកគ្រូពេទ្យ ហាក់ចង់ឃាត់ដំណើររបស់មនុស្សដែលរឹងរូសទាមទារចេញពីមន្ទីរពេទ្យ ទាំងដែលរបួសនៅមានទាន់ជាសះនៅឡើយ។
«ខ្ញុំលែងអីហើយ ឆាប់រៀបចំទៅ ខ្ញុំត្រូវការចេញថ្ងៃនេះ»Jungkook នៅតែមានៈ ទោះបីជាដឹងថាខ្លួននៅមិនទាន់ស្រួល។ មនុស្សស្អប់ក្លិនថ្នាំ ឱ្យមកសម្ងំដេកហិតបែបនេះ ធានាថាគ្រប់មួយសប្ដាហ៍ពេលណា អាការៈរបស់នាយកាន់តែធ្ងន់ធ្ងរមិនខាន ឬអាចឈានចូលដល់បន្ទប់សង្គ្រោះបន្ទាន់ផងក៏មិនដឹង
«តែខ្ញុំថា...»
«ខ្ញុំគួរតែឱ្យលោកមកដេកលើគ្រែនេះជំនួសខ្ញុំល្អដែរទេ?»Jungkook ស្រដីកាត់គ្រូពេទ្យឱ្យគាត់រហ័សខ្ជឹបមាត់ជិត កាន់តែខ្លាចជាមួយនឹងក្រសែភ្នែកមុតស្រួចដែលសម្លឹងមកគាត់មិនដាក់។
«អឺក ខ្ញុំថាលោកគ្រូពេទ្យទៅរៀបចំតាមអ្វីដែលគាត់ប្រាប់ចុះ»Tae ឃើញមិនស្រួលក៏ជួយសម្រួល។ ចរិតប្ដីរបស់គេបែបណា គេប្រាកដជាដឹង ថាគ្មានគ្រូបាអាចារ្យណាប្រដៅព្រះអង្គម្ចាស់នេះបានទេ។
«អ៎ បាទ!!»គ្រូពេទ្យលែងប្រកែក ប្រញាប់ទៅរៀបចំឯកសារនិងវិក័យប័ត្រជាបន្ទាន់។ លែងឃាត់ហើយ ស្លាប់រស់យ៉ាងម៉េចក៏យ៉ាងហ្នឹងទៅ។
នៅឡើយតែនាយតូចដែលឈរសម្លក់ប្ដីទាំងខ្នាញ់ គេប្រាប់នាយហើយតែមិនស្ដាប់ ថារបួសមិនទាន់ជាទេឱ្យសម្រាកនៅទីនេះសិន តែ Jungkook ប្រកែក នៅមកសម្លុតពេទ្យថែមទៀត ចំជាកំពូលមនុស្សពិតមែន។
«អូនសម្លក់បងធ្វើអី?»
«មនុស្សអាងតែអំណាច...»
«អា៎...ក៏បងប្រាប់ហើយតើ តែគេជាអ្នកដែលមិនយកត្រចៀកស្ដាប់ មកបន្ទោសបងមិនសមទេ»
YOU ARE READING
ប្រពន្ធក្រៅបេះដូង (ចប់✓)
Romanceតើអាពាហ៍ពិពាហ៍មួយនេះកើតចេញពីស្នេហាឬគ្រាន់តែជាការសងសឹក? ព្រហ្មលិខិតហាក់លំអៀងមកកាន់ខ្ញុំណាស់ គ្រប់យ៉ាងគេជាអ្នកសម្រេចថាឱ្យខ្ញុំទៅឬក៏នៅ។ ជីវិតរបស់ខ្ញុំប្រៀបដូចនឹងចុះនរក ខ្ញុំខ្លាច! ខ្ញុំព្យាយាមណាស់រត់ចេញពីទីនោះ ប៉ុន្តែចុងក្រោយខ្ញុំបែរជាចាញ់ត្រឹមពាក្...
