ពេលវេលាដែលនៅជាមួយគ្នាពេញមួយថ្ងៃប្រៀបបាននឹងមួយម៉ោង វាហាក់ដូចជាលឿនខ្លាំងណាស់ ខណៈដែលម្នាក់ៗកំពុងតែមានក្ដីសុខជាមួយនឹងស្នេហាដែលស្រពិចស្រពិល។ Jungkook នាយនៅមិនទាន់ច្បាស់ថាខ្លួនស្រឡាញ់គេឬអត់ តែក្នុងចិត្តបែរជាហួងហែងការពារមិនចង់ឱ្យអ្នកណាប៉ះ ចំណែក Tae គេប្រាកដចិត្តណាស់ ថាគេស្រឡាញ់ប្រុសម្នាក់នេះលើសជីវិតទៅទៀត។
ឈានមកដល់ពេលល្ងាច បន្ទាប់ពីស្រស់ស្រូបអាហាររួច ម្នាក់ៗក៏នាំគ្នាមកអង្គុយសម្រកពោះ ដោយមានតន្រ្តីជាការកំដរ។ Tae ទាញមេក្រូមកច្រៀងទាំងដាក់អារម្មណ៍ទៅលើចម្រៀងមួយបទនោះ ដោយមាន Jungkook ជាអ្នកអង្គុយស្ដាប់ទាំងភ្លាំងភ្លឹកសម្លឹងទៅមុខតូចច្រមិចមិនដាក់។ បទភ្លេង slow dancing ត្រូវបានប្រគុំឡើង តែគួរឲ្យស្ដាយដែលគ្មានអ្នករាំ។
🎶Maybe we could be
Slow dancing until the morning
We could be
Romacing the night away, yeah🎶
មួយឃ្លាចុងក្រោយ មុននឹងចម្រៀងត្រូវបានបញ្ចប់ ស្របពេលដែលស្នាមញញឹមរាងសង្ហាក៏បានបង្ហាញឡើងមកព្រមជាមួយនឹងស្នូរទះដៃរបស់នាយ។
«ហិហិ យ៉ាងម៉េចដែរ»រាងតូចញញឹមស្រស់ ងាកមកសួរបុរសក្បែរដៃដែលអង្គុយអោបស្មារបស់ខ្លួនយ៉ាងទំនង ដោយខាងមុខរបស់នាយក៏នៅមានស្រាមួយដបដាក់បញ្ឈរផងដែរ។
«ពូកែណាស់!!»
«មិនហ៊ានទទួលទេ ព្រោះខ្ញុំមិនមែនជាតារាចម្រៀង»
«តែក៏ចាត់ទុកថាគ្រាន់បើ មិនគិតថាយើងកំពុងតែលង់ជាមួយនឹងសម្លេងឯងទេឬ?»
«ពិតមែនហេស៎? លេងសើចទេដឹង»
«មើលមកយើងជាមនុស្សដែលចូលចិត្តលេងសើចតាំងពីពេលណា»
«តាំងពីពេលដែលខ្ញុំនៅក្បែរលោក»សម្ដីឡេះឡោះជាមួយនឹងសម្លេងសើចដ៏សែនក្រម៉េចក្រមើម បន្លឺឡើងឱ្យរាងក្រាស់សើចតាម។ តែក៏ពិត Jungkook ពីមុនមិនមែនបែបនេះ នៅមុខមហាជននាយប្រៀបបាននឹងរាជបុត្ររបស់គ្រប់គ្នា នរណាក៏មើលមកនាយជាបុរសឥតខ្ចោះ មានទាំងសមត្ថភាពនិងរូបសម្បត្តិ ជាមនុស្សដែលមិនចេះប្រកាន់ច្រើនហើយក៏រួសរាយចិត្តល្អថែមទៀត តែគ្មាននរណាដឹងទេថានោះគ្រាន់តែជាស្រោមមុខរបស់បុរសឈាមត្រជាក់ម្នាក់នេះប៉ុណ្ណោះ។
YOU ARE READING
ប្រពន្ធក្រៅបេះដូង (ចប់✓)
Romanceតើអាពាហ៍ពិពាហ៍មួយនេះកើតចេញពីស្នេហាឬគ្រាន់តែជាការសងសឹក? ព្រហ្មលិខិតហាក់លំអៀងមកកាន់ខ្ញុំណាស់ គ្រប់យ៉ាងគេជាអ្នកសម្រេចថាឱ្យខ្ញុំទៅឬក៏នៅ។ ជីវិតរបស់ខ្ញុំប្រៀបដូចនឹងចុះនរក ខ្ញុំខ្លាច! ខ្ញុំព្យាយាមណាស់រត់ចេញពីទីនោះ ប៉ុន្តែចុងក្រោយខ្ញុំបែរជាចាញ់ត្រឹមពាក្...
