ពេលវេលាកាន់តែកៀក ឯរាងតូចក៏មិនដឹងជានៅឯណា ជាហេតុធ្វើឱ្យគ្រប់គ្នាឆ្លេឆ្លាទាំងព្រួយបារម្ភ ថ្វីបើមួយសប្ដាហ៍មុន Tae ទើបនឹងជួបរឿងប្លែកៗមករួច ដែលមានមនុស្សរោគចិត្តផ្ញើកាដូរនោះឱ្យមកគេ ហើយថ្ងៃបន្តបន្ទាប់ទៀតក៏មានជាសំបុត្រគម្រាមឱ្យគេដកខ្លួនចេញពីការប្រកួតផងដែរ ដែលជាហេតុផលមួយធ្វើឲ្យគ្រប់គ្នាខ្វល់ខ្វាយពីសុវត្ថិភាពរបស់ Tae។
«ទាក់ទងទៅគេយ៉ាងម៉េចហើយ»man
«គេមិនព្រមទទួលទេ មិនដឹងជាគេមានកើតអ្វីឬអត់» Nancy នៅមិនស្ងប់ ដៃកាន់ទូរស័ព្ទជាប់ព្យាយាមទាក់ទងទៅ Tae ប៉ុន្តែបែរជាគ្មានការទទួល។
«បើចឹងយ៉ាប់ហើយ បើគេមិនមក តើបាននរណាជំនួស? កាន់តែយ៉ាប់ទៀតនោះតើពួកយើងត្រូវដោះស្រាយបែបណា»man
«គេប្រាកដជាមក តាមផ្លូវអាចនឹងស្ទះផ្លូវក៏ថាបាន គ្រប់គ្នាចាំបន្តិចសិនទៅ»
«ម្ដុំនេះគ្មានផ្លូវស្ទះទេ Nancy មិនមែននាងមិនដឹងឯណា ម៉ោងក៏កាន់តែកៀកហើយដែរ ទម្រាំនឹងគេមកតើទាន់កម្មវិធីដែរទេ?»
«ចុះពេលនេះមិនទាន់ដល់ម៉ោងឯណា តើអន្ទះសាធ្វើអី?»Nancy ប្រកែកឡើងតឹងសរសៃ.ក បើរកអ្នកជំនួសស្មើនឹង Tae ត្រូវដកចេញ ដូច្នេះគេប្រាកដជាគ្មានឱកាសដើម្បីប្រកួតបន្តទៀតទេ។ ក្ដីសង្ឃឹមដែលនាងមានគឺពឹងទៅលើក្មេងម្នាក់នេះ មនុស្សដែលមានសមត្ថភាពគួរណាស់តែបានសាកល្បង សាកសមជាម្ចាស់មេដាយពិតប្រាកដ។
«ខ្ញុំមកហើយបង!!»ខណៈដែលម្នាក់ៗកំពុងតែតំឡើងសរសៃ.កដាក់គ្នា ភ្លាមនោះសម្លេងនាយតូចដែលពោលឡើង ហាក់ធ្វើឱ្យចិត្តគ្រប់គ្នាបានធូរស្បើយឡើងវិញ។ Tae រត់ចូលមកទាំងត្រហេបត្រហប ចំណែកទឹកមុខក៏ស្លេកស្លាំង រឿងដែលកើតឡើងមុននេះ នៅបំបាក់ស្មារតីគេនៅឡើយទេ។
«Tae! Tae មានកើតអ្វីឬអត់? ហេតុអ្វីបងទាក់ទងទៅមិនបាន»Nancy រហ័សរហួនរត់ទៅរកនាយតូចទាំងចាប់គេបង្វែរមើលឆ្វេងស្ដេច ក្រែងមានប៉ះពារអ្វី។
«ឱ្យខ្ញុំសូមទោស ដោយសារតែមានបញ្ហាតាមផ្លូវតិចតួចទើបធ្វើឱ្យខកខាន»សំណាងដែលពួកគេគ្រាន់តែបាញ់គម្រាម រួចក៏ជិះចេញទៅបាត់ ទើប Tae អាចរួចខ្លួនមកបាន ប៉ុន្តែឡានរបស់គេវិញត្រូវខ្ទេចខ្ទីស្ទើរតែទាំងស្រុងទៅហើយ។
YOU ARE READING
ប្រពន្ធក្រៅបេះដូង (ចប់✓)
Romanceតើអាពាហ៍ពិពាហ៍មួយនេះកើតចេញពីស្នេហាឬគ្រាន់តែជាការសងសឹក? ព្រហ្មលិខិតហាក់លំអៀងមកកាន់ខ្ញុំណាស់ គ្រប់យ៉ាងគេជាអ្នកសម្រេចថាឱ្យខ្ញុំទៅឬក៏នៅ។ ជីវិតរបស់ខ្ញុំប្រៀបដូចនឹងចុះនរក ខ្ញុំខ្លាច! ខ្ញុំព្យាយាមណាស់រត់ចេញពីទីនោះ ប៉ុន្តែចុងក្រោយខ្ញុំបែរជាចាញ់ត្រឹមពាក្...
