គិតហើយគិតទៀតនៅតែគិតមិនយល់ថានរណាដែលប៉ងសម្លាប់លោក Martha ទាំងដែលគាត់មិនធ្លាប់មានសត្រូវជាមួយនឹងអ្នកណាផងនោះ? ហើយមនុស្សដែលកើតទុក្ខជាងគេនោះគឺ Hamin នេះឯង។
«ធ្វើយ៉ាងម៉េចទៅៗៗៗៗ»Hamin ឆ្លេឆ្លានៅក្នុងបន្ទប់តែងខ្លួនដែលមានតែនាងនិង Larry ប៉ុណ្ណោះ។
«យើងមិនយល់ទេ បើវាមិនមែនជាឧប្បត្តិហេតុ ចឹងតើនរណាទៅដែលដៃឆៅចាប់មនុស្សយកទៅឱ្យខ្លាហែកក្នុងតំបន់ព្រៃហាមឃាត់បែបនេះ»
«ឯងជឿថាទីនោះមានខ្លាពិតមែនហ្ហេស៎?»
«យើងមិនដឹងទេ ប៉ុន្តែប៉ូលិសគេសន្និដ្ឋានមកបែបនេះថាមានស្នាមចង្កូមដូចជាសត្វខ្លា បើមិនមែនខ្លា តើជាស្អី?»
«ហុើយ យើងម៉េចនឹងដឹង មិនដឹងជាគាត់ទៅធ្វើស្អីអ្នកណាបានជាគេធ្វើបាបយ៉ាងនេះ ប៉ុន្តែអ្វីដែលសំខាន់បើគ្មានគាត់ តើឱ្យយើងទៅពឹងអ្នកណា? ការប្រកួតជិតខិតមកដល់ហើយនាង Larry »
«ឱ្យធ្វើយ៉ាងម៉េច រឿងក្លាយជាបែបនេះទៅហើយ មានតែពឹងលើសមត្ថភាពប៉ុណ្ណោះ!!»
«សមត្ថភាព? ឯងគិតថាយើងអាចយកឈ្នះវាដែរហ្អី? យើងមិនចង់ធ្លាក់ហើយត្រឡប់មកវិញទាំងអាម៉ាស់ទេ»នាងខំប៉ុណ្ណា តាំងពីពេលដែល Tae នៅហ្វឹកហាត់ម្ល៉េះ ប៉ុន្តែមានម្ដងណាដែលនាងអាចប្រជែងឈ្នះគេដែរទេ យ៉ាងច្រើនត្រឹមជាប់ចំណាត់ថ្នាក់ក្បែរគេក៏មិនអាចនឹងដណ្ដើមជ័យលាភីបានដែរ។
«ដែលយើងនិយាយពីសមត្ថភាព មិនមែនឱ្យឯងទៅលត់ដំឯណា សមត្ថភាពគឺជាសម្រស់ បើត្រីមួយស្អុយ ហេតុអីឯងមិនរកត្រីថ្មីដែលល្អជាងនេះ ថាមិនត្រូវជាត្រីសំណាងក៏ថាបាន»Larry ផ្តល់គំនិតដែលពិបាកស្មាន តែមិនមែនសម្រាប់ Hamin បនភឿនរបស់នាងឡើយ។ នាងក្រមុំញញឹមចុងមាត់ដឹងពីកិច្ចការបន្ទាប់ដែលនាងអាចនឹងឈ្នះក្នុងវគ្គនេះ។
«លោក Hae Un-hyung »Hamin ហាក់មានសង្ឃឹមកាលបើគិតឃើញពីបុរសវ័យសាមសិបផ្លាយរូបនោះ។ គេជាម្ចាស់កម្មវិធីនេះទាំងមូល ថែមទាំងជាអ្នកដាក់ពិន្ទុដោយផ្ទាល់ទៀត ទោះបីជាមានគ្រួសារហើយក្ដី ក៏មិនមែនជាឧបសគ្គសម្រាប់នាងដែរ។
YOU ARE READING
ប្រពន្ធក្រៅបេះដូង (ចប់✓)
Romanceតើអាពាហ៍ពិពាហ៍មួយនេះកើតចេញពីស្នេហាឬគ្រាន់តែជាការសងសឹក? ព្រហ្មលិខិតហាក់លំអៀងមកកាន់ខ្ញុំណាស់ គ្រប់យ៉ាងគេជាអ្នកសម្រេចថាឱ្យខ្ញុំទៅឬក៏នៅ។ ជីវិតរបស់ខ្ញុំប្រៀបដូចនឹងចុះនរក ខ្ញុំខ្លាច! ខ្ញុំព្យាយាមណាស់រត់ចេញពីទីនោះ ប៉ុន្តែចុងក្រោយខ្ញុំបែរជាចាញ់ត្រឹមពាក្...
