កន្លងទៅមិនយូរប៉ុន្មានក៏ឈានដល់ថ្ងៃដែលរាងតូចត្រូវចាកចេញពីប្រទេសកំណើតដើម្បីទៅតាមប្ដីទៅហើយ។ លោក Kim ក៏មិនអោយខកខានមកជូនដំណើរកូនបណ្ដូលចិត្ត មុននឹងត្រូវឃ្លាត មិនច្បាស់ទៀតថានឹងបានជួបម្ដងទៀតនៅពេលណា គាត់គ្រាន់តែសង្ឃឹមថាកូននឹងមានក្ដីសុខផងទៅចុះ។
បក្សីស្លាបដែកកំពុងតែហោះលាតសន្ធឹងចាកចេញពីទឹកដីនៃប្រទេសកូរ៉េខាងត្បូង ឆ្ពោះទៅកាន់ទីក្រុងតូក្យូនៃប្រទេសជប៉ុន។ មកតាមផ្លូវនាយតូចចេះតែអង្គុយស្រងូតស្រងាត់ មិនមាត់អ្វីមួយម៉ាត់ សូម្បីតែមុខប្ដីក៏គេលែងខ្ចីខ្វល់ដែរ ព្រោះកំពុងតែនឹកស្រុក នឹកផ្ទះដែលត្រូវឃ្លាតឆ្ងាយ។
«អាហារធ្វើមកថ្លៃ ទុកចោលបែបនេះមិនគិតថាខ្ជះខ្ជាយពេកទេហេស៎»Jungkook បង្ហើបសម្លេងឡើងកាលបើឃើញប្រពន្ធគិតតែស្ងប់ស្ងាត់ អាហារក៏មិនខ្ចីញុាំ ឃើញធ្មឹងៗបែបនេះ នាយក៏ចេះភ័យដែរ។
«..........»Tae មិនតប គេដកដង្ហើមធំមួយខ្សាក មុននឹងចាប់អាហារយកមកញុាំ។
«អ្នកប្រុស កាហ្វេបានមកហើយចាស»នារីអូតេសនិយាយឡើងជាភាសាជប៉ុន ស្គាល់ច្បាស់ថាជាអ្នកបម្រើប្រចាំការនៅលើយន្តហោះនេះ ត្បិតអ្វីយានជំនិះមួយនេះជាកម្មសិទ្ធិផ្ទាល់របស់គ្រួសារ Masashi ប៉ុន្តែការរៀបចំគឺយកបែបស្តង់ដារតែម្ដង។
«ឯងត្រូវការអ្វីឬអត់?»រាងក្រាស់ងាកមកសួរមាឌល្អិត
«អត់ទេ!!»Tae ឆ្លើយតែមួយម៉ាត់ ក៏ឈ្ងោកញុាំបន្ត ប៉ុន្តែប្រយោគរបស់ Jungkook ធ្វើឱ្យគេភាំងបន្តិច។
«យកសូកូឡាក្ដៅឱ្យគេមួយកែវមក»នាយធំប្រាប់ទៅនារីអូតេសទើបនាងរហ័សទៅធ្វើតាមបញ្ជា តែក៏រៀងភ្ញាក់នឹងក្រសែភ្នែករបស់ Tae ដែរ។
«មើលអី?»
«ហេតុអីលោកដឹងថាខ្ញុំចូលចិត្តសូកូឡាក្ដៅ?»
«ដឹងស្អី? យើងមិនដឹងទេ យើងគ្រាន់តែស្មាន»
«ស្មានត្រូវយ៉ាងនេះហេស៎?»
«យ៉ាងម៉េច? គិតថាខ្លួនឯងសំខាន់ប៉ុណ្ណាដែលយើងត្រូវដឹងពីចំណង់ចំណូលចិត្តរបស់ឯង»
«ខ្ញុំមិនបាននិយាយអ្វីទេ លោកគិតតែខ្លួនឯង»
«នេះឯង!! ឈប់សិន...នេះឯងចេះស្ដាប់ភាសាជប៉ុន?»រាងក្រាស់បើកភ្នែកធំក្រឡោតសឹងមិនជឿ
«លោកហៅ hot chocolate ឬលោកគិតថាពាក្យនេះស្ដាប់បានតែជនជាតិជប៉ុន?»
«ហឹស ស្មានថាឆ្លាត ភ្លេចទៅថាឯងគ្រាន់តែជាភេឡេឡឺ»នាយធំប្រើត្រឹមសម្ដីមិនអស់ជិត នៅឆ្លៀតយកដៃរុញថ្ងាសគេតិចៗថែមទៀត។
«អូយ៎...លោក! មានសុជីវធម៌ខ្លះបានទេ»
«ហេតុអីយើងត្រូវមានសុជីវធម៍ជាមួយឯង?»
«ព្រោះវាបញ្ជាក់ពីភាពថ្លៃថ្នូររបស់មនុស្ស!!»រាងតូចនិយាយសង្កត់ពាក្យចំៗ ចង់ដៀលគេច្បាស់ណាស់។
«បន្លំដៀលយើងហេស៎?»
«អត់មានទេ អ្ហា...»និយាយមិនទាន់ផុតពីមាត់ផង Tae ក៏ត្រូវស្រែកឡើងកាលបើ Jungkook ស្រាប់តែស្ទុះមកក្រញិចគេ ដោយញីសក់ក្បាលរាងតូចខ្លាំងៗស្ទើរតែកប់នឹងកៅអីទៅហើយ។
YOU ARE READING
ប្រពន្ធក្រៅបេះដូង (ចប់✓)
Romanceតើអាពាហ៍ពិពាហ៍មួយនេះកើតចេញពីស្នេហាឬគ្រាន់តែជាការសងសឹក? ព្រហ្មលិខិតហាក់លំអៀងមកកាន់ខ្ញុំណាស់ គ្រប់យ៉ាងគេជាអ្នកសម្រេចថាឱ្យខ្ញុំទៅឬក៏នៅ។ ជីវិតរបស់ខ្ញុំប្រៀបដូចនឹងចុះនរក ខ្ញុំខ្លាច! ខ្ញុំព្យាយាមណាស់រត់ចេញពីទីនោះ ប៉ុន្តែចុងក្រោយខ្ញុំបែរជាចាញ់ត្រឹមពាក្...
