(Unicode)
"မင်းကိုဘယ်သူခိုင်းတာလဲ"
"ဘယ်သူမှမခိုင်းဘူး...ကျုပ်ဘာသာကျုပ်လုပ်တာ"
"ထပ်မေးမယ်...တရားခံအစစ်ကဘယ်သူလဲ"
"တရားခံအစစ်က ကျုပ်ပဲ"
နောက်ကွယ်ကစေခိုင်းတဲ့လူရှိတယ်ဆိုတဲ့သံသယနဲ့ အကြိမ်ကြိမ်အခါခါမေးမြန်းပေမယ့် အဖြေက ထိုသို့သာ တစ်ခုတည်းထွက်လာသည်။
Interpol Thailand က စစ်ဆေးမေးမြန်းသည့်အခန်းငယ်လေးထဲမှာ အထူးမှုခင်းအဖွဲ့ကခေါင်းဆောင်ရယ်၊ သံသယတရားခံရယ်ဟာ အချေအတင်ဖြစ်နေကြသည်။
"ခင်ဗျားဒီကိုဝင်ခွင့်မရှိဘူးလေ"
ထိုအခန်းငယ်လေးထဲမှအဖြစ်အပျက်တွေကို နားလာစွင့်တဲ့ချမ်းထက်ခေါင်အား ထိုအထူးမှုခင်းအဖွဲ့မှလူတွေက နှင်ထုတ်ဖို့ပြင်သည်။ ချမ်းထက်ခေါင်က လှောင်ပြုံးတစ်ခုချန်ရစ်ကာ ကိုယ့်သဘောနဲ့ကိုယ် ထွက်လာခဲ့သည်။
ဒီအမှုရဲ့အဓိကကျတဲ့သက်သေတွေနဲ့ သံသယတရားခံကို ချမ်းထက်ခေါင်တို့အဖွဲ့က လက်လွှဲပေးခဲ့ပြီးဖြစ်တာတောင် ရှေ့ဆက်ဖော်ထုတ်ဖို့က ကြန့်ကြာနေသည်။ Team Cheetah ဖြစ်တဲ့ ချမ်းထက်ခေါင်တို့အဖွဲ့လောက် မြန်မြန်ဆန်ဆန်ဖော်ထုတ်နိုင်တဲ့သူ ဒီ Interpol မှာမရှိသေး။ ဒါ့ကြောင့် သူ့ဘက်က ဒီလောက်ကြီးအထိ ရေအဆင်သင့်ခပ်ပေးတာတောင် မသောက်နိုင်တဲ့အထူးမှုခင်းအဖွဲ့ကြောင့် သူရယ်ခဲ့သည်။
"ခေါင်းဆောင်...ဌာနမှူးခေါ်နေတယ်"
Interpol ရောက်ရောက်ချင်း သူ့ကို ဌာနမှူးကတွေ့ချင်သည်။ ဘာအမှုကိုင်ခိုင်းမလဲမသိပေမယ့် အဆုံးထိဖော်ထုတ်ခွင့်မရရင် မကိုင်ဘူးဟုဖြေရန် စိတ်ကူးထားသည်။
"ကျွန်တော်ရောက်ပါပြီ"
"မြို့စွန်မှာနေရတာဘယ်လိုလဲ"
"ဒီလိုပါပဲ...ကျွန်တော့်ကိုခေါ်တဲ့ကိစ္စကရော..."
ဌာနမှူးအပေါ် အခဲမကြေသေးတဲ့လေသံနဲ့ဖြေနေသေးလို့ ဌာနမှူးလည်း သက်ပြင်းချရသည်။
"ကဲ...ဆရာဟန်နွေးကိုခေါ်တဲ့ကိစ္စကို အခုထိမကျေနပ်နိုင်သေးဘူးလား"
YOU ARE READING
Darling Dearest
Romance[Book 4] Story Genre: Romance, Drama, Action (+Crime Investigation and Psychology Theme) Age Restriction: 15 years and older စိတ်ဒဏ်ရာတွေအပြည့်နဲ့မှုခင်းစုံထောက်တစ်ယောက်ကို စွဲစွဲလမ်းလမ်းချစ်မိသွားတဲ့ စိတ်ကုထုံးပညာရှင်ကောင်လေးရဲ့ သံယောဇဉ်တွေ၊ မေတ္တ...
