(Unicode)
Siri Residence Condo
၁၁ထပ်ကို ဓာတ်လှေကားမသုံးဘဲ ခြေထောက်နဲ့သာ ဖြည်းညင်းစွာတက်သွားသည်။ ၁၁ထပ်ဆိုတဲ့ပမာဏဟာ ခွန်အားအပြည့်မရှိသေးတဲ့ဟန်နွေးအဖို့ ကြေးကြီးတဲ့ပမာဏဖြစ်သည်။ သို့ပေမယ့် ထိုအရာတွေကို သူမမူနိုင်တော့။ ထုံထိုင်းနေတဲ့စိတ်ဟာ သူ့ကိုထုံပေစွာသတိခွါစေသည်။ ၁၁ထပ်ကိုရောက်တော့ အခန်းတံခါးဖွင့်ကာဝင်သွားပြီး မီးတွေမဖွင့်ဘဲ အမှောင်အတိုင်းနေသည်။ ဘောင်းဘီအိတ်ကပ်ထဲကဖုန်းကိုထုတ်ကာ ဧည့်ခန်းထဲကဆိုဖာပေါ်ပစ်တင်လိုက်ပြီး ကိုယ်တိုင်က ရေချိုးခန်းထဲဝင်သွားသည်။
ရေချိုးခန်းထဲရောက်တော့ မီးဖွင့်လိုက်သည်။ မှန်ကိုစိုက်ကြည့်နေရင်းနဲ့ အဝတ်တွေကိုချွတ်ပစ်လိုက်သည်။ ချမ်းထက်ခေါင်ရဲ့အဝတ်တွေဟာ သူ့ကိုနာကျင်စေသည်။ အဝတ်တွေချွတ်လိုက်တော့ မှန်ထဲမှာမြင်နေရတဲ့သူ့ပုံစံကို သူရယ်မိသည်။ နာကျင်ရိပ်တွေဖုံးလွှမ်းစွာရယ်မောမိသည်။
Marking တွေ... မြတ်နိုးစွာဖြင့် ချန်ရစ်ခံခဲ့ရတာမဟုတ်သော Marking တွေ...။ သူ့ခန္ဓာကိုယ်က ထို Marking တွေကို ဟန်နွေး နာကြည်းစွာကုပ်ဖဲ့ပစ်သည်။ ပျောက်မသွားမှာသိနေပေမယ့် ဆပ်ပြာရည်သုံးကာ အကြိမ်ကြိမ်ဆေးကြောပစ်သည်။ မျက်ရည်များဟာ မျက်လုံးအိမ်ကနေ စီးပြိုကြလာပြီး ရေတွေနဲ့ရောယှက်စီးဆင်းသွားသည်။ ကုပ်ဖဲ့လွန်းလို့ သွေးစို့လာသောအခါ တချို့သော Marking တွေဟာ ဒဏ်ရာအဖြစ်သို့ပြောင်းလဲသွားလေပြီ။
"ကျွန်တော်ကချစ်လို့...ချစ်လွန်းလို့ လိုက်လျောပေးခဲ့တာပါ၊ ကျွန်တော်အဲ့လောက်ထိမလွယ်ပါဘူး..."
Marking တွေကိုကုပ်ဖဲ့နေတာရပ်လိုက်ပြီး အက်ကွဲစိုးရွံ့စွာရေရွတ်သည်။
"ကျွန်တော့်အတွက် ပထမဆုံးအကြိမ်...အစ်ကို့အတွက်မို့လို့ နှစ်ခါမတွေးဘဲလိုက်လျောပေးခဲ့တာ...အဲ့တာကပဲ ကျွန်တော့်ကို အဲ့လိုသတ်မှတ်စေခဲ့တာလား...ကျွန်တော့်အချစ်တွေက..."
ရှေ့ဆက်လို့မရတဲ့စကားလုံးတွေဟာ ပါးစပ်ကနေထွက်မလာနိုင်တော့ဘဲ ရင်ဝမှာဆို့နင့်နေသည်။
YOU ARE READING
Darling Dearest
Romance[Book 4] Story Genre: Romance, Drama, Action (+Crime Investigation and Psychology Theme) Age Restriction: 15 years and older စိတ်ဒဏ်ရာတွေအပြည့်နဲ့မှုခင်းစုံထောက်တစ်ယောက်ကို စွဲစွဲလမ်းလမ်းချစ်မိသွားတဲ့ စိတ်ကုထုံးပညာရှင်ကောင်လေးရဲ့ သံယောဇဉ်တွေ၊ မေတ္တ...
