﷽
الشيهانة والعاصوف
بقلمي ياسمين حـ 46
٠
٠
صباح الخيرات حبايبي اسفة عالتاخير مريضة وكتبته كوة لعيونكم
لاتنسوني بالتصويت والتعليقات والمتابعة لحساباتي
انستا mgyth529
تيك توك um_ghaith33
٠
٠
بلسان حال الشهم...
باچر......... عگب باچر جايك للبيت
وكت فرغلي روحك حتى احاچيها
ولتگلي الگبر والچفـــــن والتابوت
فكرة موتك مامقتنع بيها..................
عدل وتضل عدل...............................
لو تندفن مرتين يامحبوب عيني
ومي سواجيها....................................
مسحت على گبرها بچف ايدي وبست التراب مغمض
متعلم واخذتها عادة محب اشهگ ترابها بسلام بقايا بشر روحه تعلگت بيها رشيت مي وگعدت جوة ظل شجرة اشتريتها وزرعتها منبت عشگ لخاطر فَي گبرها يتظلل من الحرارة وصدقة جارية لروحها
قريتلها قرآن بعيون محترگة وگلب عطشان لمي وجهها...لحد الان مازارتني بالطيف ولا حتى مرت عليه بالغلط مشتاقلها وبكل ليلة خميس ازورها اعاتبها بنفس اللوعة والعتاب وياريت تسمعني.
خلصت ختمة قرآن الها اجاني الحجي من بعيد يتعكز واحفاده يتمشون وياه طبگت الكتاب
رشيت عالشجرة مي تقرب مني سلم علية سالته عن صحة ابنه واحواله جاوبني يتشكر مني
_عسى الله يجازيك بخير وماتشوف شر بأحبابك
اولدي اصبح عالعلاج بخير وحنا ندعي للمرحومة
مثل مااوصيت وحتى الشجرة مراعيها يبة
بس بغيت اسالك نزرع شجرة لروحها بعد لو تبغى نتريى لهذا الحد والعدد
سحبت مبلغ من محفظتي وسلمته بيده كتله
_ ازرعوا حجي شگد متگدر ازرع..... ولاتنسون المرحومة بدعائكم والله يشافي ابنك ويعافيه لاولاده
سلمت عليه بعد سوالف اخذت من وكتي نص ساعة وطلعت من المگبرة لسيارتي
هالمرة ماكدرت ابات يمها ابوي محرج عليه نروح شهر عسل سياحة متذكر ما سفرت بت اخته
تغيرجو
ومن رفضت وصار بينا حجي صاعد نازل فرض عليه لو يجي غصب ياخذها او ابقى بالبيت مرابطها بالعناد
واختاريت الثاني في سبيل مااسافر ويااها
مو تعلقا بيها بس عناد بيه هوة
جنت مخلص اغلب وكتي بالشغل لو بشاليه جماعتي نسهر هناك شارد من نظراتها ولهفتها وراي
ادري بيها تحبني ومتولعة بيه
نظراتها ذكرتني بنفسي من جنت اشوف المرحومة بنفس اللهفة
الفرق جان بينا مشاعر متبادلة عكسها ماشايل بداخلي عليها اي مشاعر وشگد جرحتها متعمد حتى تگطع النهر دامه ضيگ وتروح لاهلها بس عنت وتجاهلت وبقت نفسها نفسها ماهتزت
وحتى نظرات العشگ صرت اشوفه بعيونها يزيد ماينقص المشكلة بلشت اعاني بوجودها اكثر ماجنت وحداني وعزابي وبدت من..............
