﷽
الشيهانة والعاصوف
بقلمي ياسمين
ابشركم من التعب والخطار كتبته لنص الليل اغفي ماحسيت روحي غير نمت والموبايل واگع على صفحة فزيت الصبح طالع حتى الصلاة فاتتني
عالعموم البارت تصبيرة مو اكثر والتنزيل الجاي بارتين بنفس اليوم تعويض الكم
٠
٠
٠
ولا وحدة اجت بالريش كلهن بالعظم دگن
٠
٠
٠
كيناز...
انطاه القلم وقع وشمر القلم گدامي دنگت وقعت متحكمة بدموعي ماتنزل غصب
انطاني الشيخ ورقتي اخذتها وطلعت بآخر لمحة اشوفه بيها
گاعد يدخن بشراهة عينه بالگاع مصدع
طلعت من السرايا كلها بدون مااندار دموعي هملت على خدي اقنع روحي السويته صح
حتى لو على حساب سعادتي السويته صح
الله يوفقه وي غيري
دخلت الفرع لمحت السيارة نفسها الخطفت زيون راكنة ورة الشجر مخفية
جدحت عيوني على بسام الحقير ابتسم من شاف الورقة بيدي شمرتها بوجهه ودفعته اصرخ بيه
_ كللللللب حقييييير الله لايوفقك ياااانذل
الله لاينطيك ياا نذل الله يخلصني منك ومن امثالك
بجيت كلما ادفعه يبتسم اكثر استفزني ردت اطلع قهري بيه بس زيوني مجلبين بيه ويبجي انذال
عفته ودنگت عليهم بيهم تلث زلم نفسهم الاجو للمطعم وشافونا وية بسام نتعشى
ونفسهم الخطفوا زيوني بحضور بسام
سحبته منهم حضنته وتفلت عليهم يبجي خايف منهم ومصخن ماله خلگ
شلته ونزلت الفرع اسمعه يخابر بالحجي يگله
_ تم كلشي حجي الدرب كدامك مبلط بعد
مسحت دموعي ضامته لصدري اقنعه يسكت
مايقبل دخلت البيت اخذته للحمام غسلتله بمي بارد
رجليه ووجهه وايده خلى راسه على جتفي ماله خلگ
_ كنوووو
_ يروح كنووو هسة تصير زين حبيبي هسة اشربك علاج وتصير زين
_ كنوووو بطني توجعني
_ هسة تصير زين لاتفكر بيها غسلتله وطلعته لگيت بسام گدامي تجاهلته شايلة زيوني نومته بجربايتي
غطيته بجرجف امسح بگصته يطك سن بسن
اجاني صوته يحذرني
_ اني طالع البيت ماتطلعين منه لحد مااجي اخذكم
واذا جازفتي وسويتيها ازلامنا برة ماتعرفين وين منتظريج ياخذون منج زين وانتي تتفرجين
مارديت عليه بس كلامه سوى عندي رد فعل سووها قبل ويسووها بعد حقراء
_ عليه حذرتج وانتي بكيفج
