﷽
الشيهانة والعاصوف
بقلمي ياسمين حـ52
مساء الحب والورد عليكم
احتاج همتكم بهذا البارت تصعدوه وتفجروه بتفاعلكم تعليقاتكم لايكاتكم حتى انزل البارت البعده
بمثل هيج وقت بالضبط اذا ماشفت تفاعل اعطلكم ترة للجمعة 😹😹😹
لاتخلون فقرة خالية حبايبي انتم 🥰🥰
٠
٠
٠
✨واحبك گد حزن گلبي وخساراته✨
٠
٠
٠
صابرين....
لطش الباب وراه بجيت مهضومة منه ومن نفسي تمددت غطيت راسي بالبطانية واقنع روحي هو هذا الصح الى متى ابقى متحملة بعد
اييي واذا رحت لاهلي ابلغهم هو ماطايقني ولا يريدني.... احجي لامي وهية تصفيها وية ابوي
بس شلون خاف يجي خالي ويعاتبني لان عبرته ورحتلهم
لااا اروحله خاف يزعل واحجيله كلشي واكله انت گلت مستعد ترجعني لاهلي بيوم اليخلص صبري وياه
واخليه يرجعني
اييي هاي هية اخليه يرجعني هو خليه يتزوج ويرتبط ويحب ويـ................ بلعت ريگي وشفايفب رجفت بغصة...... گلبي يوجعني
شلون يحب؟؟؟ يعني هيج عادي بكل سهولة
اطوي كلشي وياه واتركه
زين اني لهاي الدرجة مابيه شي ينحب؟؟؟
والله اني نظيفة وامي جانت تگلي انتي حلوة وملامحج تشبه خالتج زهرة
شسوي بعد حتى يشوفني
بعدني جاي اتعاتب وية روحي
فجاة فتح الباب بنتر وحجى
_ گومي سويلي لگمة خل اتسمم السكر صعد من وراج
مانطيت رد فعل كاتمة صوتي لطش الباب بعصبية
ماعرفت عليمن اتعصب هو مو هذا اليريده
نفضت نفسي وگمت امسح بدموعي اعض شفتي من القهر
طلعت للمطبخ ولمضة خوف داخلي بس لايصب جوره بيه
حتى والحسين احجي لخالي عليه واگله يضربني
سويت تمن كبس عالسريع وزلاطة وطلعت مركة كباب محضرتها حميتها اله
طلع هو يعدل بتراكه شغل انارة الشقة كلها عاكد حاجبه ومخنزر
خليت وعبرته دخلت غرفتي علما يستوي التمن دخلت للحمام توضيت لصلاة المغرب
ماتاخر دقايق اجه فتح الباب مستغربة تصرفه بالعادة يستاذن الا يدخل هسة اقتحامات مفاجئة
جاي افرش السجادة حجى صافن عليه ماباوعتله
_ الاكل جاي يحترگ... ليش عفتيه واجيتي
جاوبته ببرود
_ هسة اجيه ماعفته
سكت لحظات عبالي راح كاتمة دمعتي غصب عني كلما اتذكر ذاك يقنعه يتزوج عليه وهو يگله خل افرغ واردلك جواب
