Uni
အခန်း (၄၈၇) လက်သီးတစ်ချက်
လေ့ကျင်းသည် တာ့ရှားဧကရာဇ် အကြောင်းကို ကောင်းစွာ သိထားသူ ဖြစ်လေသည်။ ဆန်းလျန်သည် လေ့ကျင်းထံမှ နားထောင်ရသည့် စကားများ အတွက် နောင်တရစရာ မရှိခဲ့ပါ။ သူ တိချိုးမြို့တော်သို့ ရောက်ကတည်းက သူ၏ တည်ရှိမှုကို ဖုံးကွယ်ထားရန် အတွက် သူ၏ နတ်ဘုရား စွမ်းအားများကို လျှော့ချ ထိန်းချုပ် ထားခဲ့လေသည်။ သို့သော် လူတစ်ယောက်ကို ကယ်တင်ရန် အတွက် တန်ခိုးစွမ်းအားများ ပြန်လည် ထုတ်ဖော်ရလျှင်လည်း ဆန်းလျန်အနေဖြင့် အခက်အခဲ မရှိလှပါ။
နိုင်ငံခြားရေး ဝန်ကြီး၏ သမီးငယ် တော်ဝင်မင်းသမီး လေ့ကျင်းသည် ရုပ်ရည် ချောမောလှပသည့် အချက်တစ်ချက် တည်းကိုသာကြည့်ပြီး ဆန်းလျန်ထံတွင် ပညာသင်ကြားရန် ရွေးခြယ်ခဲ့သည့်တိုင် သူမသည် ဆရာဖြစ်သူကို ပေါ့ပေါ့တန်တန် သဘောမထားခဲ့ပါချေ။
လေ့ကျင်းသည် အစကတည်းက ထူးခြားသည့် မိန်းမပျို တစ်ယောက် ဖြစ်လေသည်။ သူမ၏ သန့်စင်သည့် တော်ဝင် သွေးကြောင့်သာ ထူးခြားသည်မဟုတ် သူမ၏ ပင်ကို စိတ်နေစိတ်ထား ကလည်း ထူးခြားလေသည်။ အခြားသော တော်ဝင်မျိုးနွယ်များနှင့် မတူဘဲ ကိုယ့်ကိုယ်ကိုယ် အလွန်အမင်း အထင်ကြီးခြင်းနှင့် မောက်မာခြင်းများ သူမတွင် သိပ်မရှိပေ။ သူမက ကြွယ်ဝ ချမ်းသာမှုနှင့် ဂုဏ်အသရေများထက် လွတ်လပ်မှုကို မြတ်နိုးသူ ဖြစ်လေသည်။ ထို့ပြင် သူမသည် တော်ဝင် မျိုးနွယ်များထဲမှ မည်သည့် ယောကျ်ားပျိုကိုမှလည်း စိတ်ဝင်စားခြင်း မရှိပေ။
သို့သော် သူမ၏ မျက်ဝန်းထဲတွင် ပထမဆုံး သတိထားမိပြီး စိတ်ဝင်စားခဲ့မိသည့် လူငယ်မှာ ဆန်းလျန်သာ ဖြစ်လေသည်။ ယခုတော့ သူမသည် ဆန်းလျန်၏ ထူးခြားဆန်းကျယ်မှုများကို နားလည်သည်ထက် နားလည်ချင် နေမိတော့သည်။
ယခုတော့ သူမသည် ဆန်းလျန်၏ အမိန့်များကို နာခံရုံသာမက ဆန်းလျန်ကိုပင် သူမ၏ နတ်မြင်းပျံကြီးထက်သို့ တင်ခေါ် လာခဲ့သေးသည်။ သူတို့သည် ရှားတူးမြောင်းကို ဖြတ်ကာ ဆောက်လုပ် ထားသည့် တံတားလေးပေါ်သို့ ရောက်ရှိနေကြပြီ ဖြစ်လေသည်။
KAMU SEDANG MEMBACA
ချင်းရွှမ်လမ်းစဥ် ဆရာသခင် (Part 3) (Myanmar Translation)
FantasiZawgyi + Unicode Daoist Master of Qing Xuan မူရင္းေရးသားသူ - Zhong Yuan Wu Bai ဘာသာျပန္ဆိုသူ - ဇင္ေျပ Total episodes - 1024 Daoist Master of Qing Xuan မူရင်းရေးသားသူ - Zhong Yuan Wu Bai ဘာသာပြန်ဆိုသူ - ဇင်ပြေ Total episodes - 1024
