الكاتبه:: اساور احمد
يا اسود رمش
هنيال لون الليل
چي لنّه وية عينك دوم يتودد
عريان السيد خلف
ـــــــــــــــــــــــــــــــــــــــــــــــــــــــــــــــ
.
. البارت الاول1
.
.
.
.
.
.... المكان:- الموصل،،، ساعه 5:22 صباحا
.. كعدت ع صوت امي
الام:- يله امي كعدي حضري الريوك عندج دوام
دنيا:- كاعده ماما كاعده.... كمت غسلت وجهي وكلي نشاط رحت للمطبخ احضر ريوك لأن ماما عدها روماتيزم برجليها ويأذوها كوه تمشي
وصارلي كم شهر ع هل حال اكعد احضر الريوك وانضف واروح لجامعتي
كلش فرحانه بجامعه وحلمي هاذ انو ادخل جامعه
.. دااحضر ريوك اجه حيدر
حيدر:- صباح الخير دنيا
ــ هلو صباح النور
ــ الريوك صاير
.ــ اي هسه بس بابا يجي. اجه ابوي وكعدو ع ريوك صبيت وكعدو ياكلون
ردت اطلع من الصاله بابا كال.... وين دنيا بويه تعالي تريكي
ــ لا بابا مو جوعانا
حيدر:- عوفها بويه هسه عاد حيدر انطيني فلوس مانطيج لو تموتين تعالي تريكي ترا مانطيج فلس
ــ باوعت علي صفح.. شكرا ماريد وبابا ينطيني
بابا ابتسم.. يله بويه اني انطيج
... رحت لملمت البيت باوعت ساعه ٦:١٥ رحت لميت الريوك وغسلت المواعين ودخلت ابدل
لبست بنطرون جينز اسود وبدي ابيض وستره لحد الركبه سوده وحذاء رياضي ابيض وجنطه وحجاب بيجي هيج احب انسق بل الوان
اجه الخط... صعدت شفت البنات
ــ صباح الخير عمو
ــ هلا بنيتي صباح النور
ــ صبحت ع البنات هم
سميه:- اليوم كومه محاضرات مالي خلك وراسي يوجعني حتى يمكن مراح احضر
رشا:- والله لعبان نفس الجامعه كلت حلوه
دنيا:- انجبن عزيزاتي والله انتو مالكم خلك الا الجامعه تخبل والله والمحاضرات صح هواي بس لو تنتبهن تفهمن ومراح تصعب عليكم
ــ اسكتي اسكتي ست دنيا روحج بدراسه
ـ
ـ غير رايده احقق حلمي واكون اشطر احسن دكتوره بالموصل مخليه احلامي بين عيوني
.. باوعلي صفح وصلنه للجامعه البنات سلمن ع الشله وضحك ومباوس اني بطبعي انطوائيه ماحب اخالط العالم
وبس سميه ورشا صديقاتي من الابتدائيه وياهن احب اكعد وصادقن واكيد حسبني منهم شله بنات وشباب اصدقاء الشله حلوه وابد مابيها شي
والبنات والولد مثل الاخوه شايفتهم يتصرفون ف اني نادره
احجي واضحك وياهم بس سميه ورشا لا ٢٤ ساعه وياهم ضحك وسوالف
.. وطبعا راحن كعدن ويه الشله واني كعدت صفح واقره
ساره:- ياا دنيا ليش كعدتي وحدج تعاي هنا حبي
سميه:- عوفيها حبيبتي هاي الدكتوره الكبيره والمعروفه دنيا لو كعدت ولزمت الكتاب وتقرا مراح تسمعج ابد اهم شي عدها الدراسه
ساره:- ايي اكيد الدراسه مهمه واحنا هم ندرس ونريد نوصل احلامنا بس لازم فد شويه من وقت الدراسه نضحك ونسوالف بي
بس حقج حبيبتي اخذي راحتج اقري عود من ماافهم بالمحاضره اخذه منج
ابتسمت بوجهه... ورجعت احضر صار وكت المحاضره دخلنه واكيد اني كد مااحب الجامعه اشوف المحاضره حلوه وزينه وافهم ع شرح بساع
مر اليوم عادي بجامعه ورجعت للبيت ساعه ١:٢٣ الضهر لأن ازدحامات والجامعه بعيده تيت وكعدت اقره
شويه اتصلت خالتي فرحت هواي وجاوبت
ــ هلو خاله شونج
ــ هلا حبيبتي انتي شلونج شخبارج
ــ بخير الحمدلله اذا انتي بخير
ــ ياعمري اني بخير الحمدلله شكو ماكو امج شلونها ابوج اخوج
ــ كلنا بخير الحمدلله نسئل عليكم انتو شلونكم عمو والبنات
ــ كلهم بخير الحمدلله جامعتج شلونها
ــ كلش زينه وحلوه هواي
ــ عفيه ببنيتي اريد اشوفج احله واجمل دكتوره
ــ ههه ان شاء الله بدعواتكم والله خاله كلش مشتاقتلج ومشتاقه للبنات
ــ والله اني هم مشتاكتلج وكلبي طاك عليج وكلت اتصل
ــ حبيبتي خاله
ــ ماتجين علينا خل اخابر حيدر يجيبج ابقي كم يوم هنا مثل ذيج المره هم تتونسين هم نشوفج
ــ لا والله خاله ماكدر عندي دوام ومحاضرات مهمه هل ايام ان شاء الله بالعطله اذا ماما صارت احسن اجيكم
ــ الا صدك ذكرتيني امج شلون صارت
ــ والله نفس ماهيه مستمره ع العلاج والله كريم
ــ الله كريم كومي اخذي التلفون يمها خل احاجيها
ــ تمام... رحت انطيت التلفون ل ماما ورجعت ادرس
وره العشه كاعدين بصاله اني بيدي كتابي وامي وابوي وحيدر كاعدين يشربون جاي
ويحجون بموضوع الي سمعته انو اكو مجموعه ماعرف شنو يسمون نفسهم الدوله الاسلاميه ويسلبون بالعالم ويكتلون الي ميمشي ع كلامهم مهتميت كلش كمت لغرفتي وهمه يحجون
مر اسبوع نفس الروتين من الجامعه للبيت والشغل ومن البيت للجامعه
بس حتى صارو يحجون بجامعه ع هاي المجموعه الطالعه جديد الدوله الاسلاميه داعش
بيوم موعد دكتور ماما واني وبابا او اني وحيدر ناخذها ف اليوم اني وحيدر ناخذها وره الضهر بدلت ورحنا اخذناهه
ولهناك كعدنه بصاله الانتضار وحيدر طلع وكف برا لئن كله نسوان
ف اكو نسوان كاعدات يحجن واني وماما كاعدين وياهم ف سمعنه يحجن ع ذوله الدوله الاسلاميه انو يكولون الموصل مهدده وذوله يكولون انو همه ثوار ورافعين راياتهم ويدعون بالاسلام
المره باوعتلي ابتسمت كالت ل امي هاي بنتج
.
.
يتبع......
صوتو مو تنسون♥👍
