روايه احببت منقذي (داعش)
(بقلم) : اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
..........................
لا تخليني بدرب فرگاك
مثل التايه بليلة مطر
و العرف
سد بوجهه بابه
يلتهي بضيم الدرب ؟
لو يلتهي يضمد اصوابه ؟!
_________
مشهد من البارت السابق (للتذكير)
ثالث يوم كعدت هم نفس الشي اتصل ما يجاوب وأكثر الاوقات متصل ع الواتساب وحتى حالات ينشر كعدت الصبح هم دزيتله مسج وصله وما دخل ابد نزلت جوه شفت مكلوبه الامه شكو عمو واحمد حايرين ويلبسون يريدون يطلعون وعمامهم كلها برا طلعو مستعجلين وعماتهم هنا سحبت زهور ع صفحه:- شكوو ولجج شصايرر؟
_________
بسم الله الرحمن الرحيم 🌹
دنيا من سألتها كالت:- ولج هاذا الساقط مرتضى مدري شبي متعارك ويه عسكري مدري ضابط ويكلك مخلي بالتوقيف ومكسره تكسر من الضرب وصاير جثه يكولون يردون ياخذونه من ايده يوصلونه المستشفى قبل لا يفطس الضابط مانعهم وكايل اليتقربله ينحط ويا والا داكين على عمي كايليله اللحك ابنك هيج وهيج وهسه راحو يشوفون شنو السالفة
- زين من شوكت هوه هناك
- ولج مدري شو على كلام نهله الحيه تكول اول البارحه كايل رايح لاربيل ويه اصدقائه شو اليوم مصبحه الدنيا ومتصلين على عمي
بقيت ساكته وماعرف شكول اباوع لضيمهم لو لضيمي الي راهب مدري شجاه ما يحجي وياي مادري كل كلامه الي جان بس حجي ومل مني وبعد مايحبني
كالت زهور:- خير شبيج اليوم هم ماجاوبج
هزيت راسي لا كالت:- شبي ؟شصارله هيج تغير
-مادري حتى بعباس اتصلت سألته ع احوال راهب يحجي عادي يعني ما يدري راهب ما يجاوبني ومن شفته هيج ما حجيتله
- لا جان كلتيله سألتي مو هوه قريب منج ومنه اكيد راح يكلج شبي
- هسه حتى لو اكله اكيد يروح يحجي ويا وإذا بي شي او ما يحجي وياي هيج بدون سبب راح يقنعه عباس اكيد ويحجي علي ويرجع يحجي وياي مثل قبل اني اريده هوه يجي يكلي ليش ما يجاوبني يبررلي لا غلطانه ويا ولا حاجيه علي لو اكول لعباس اكيد يفر السالفه من عند راهب ويخيليني انسى اني اريده هوه يجي يكلي اذا طلع مايحجي وياي هيج بمزاجه أو لأن صارلنه كم يوم نحجي ليل ونهار ومل مني وعود من يحن ويشتاق يرجع يحجي وياي إذا طلع هيج ونبي يا راهب لو يصير ذهب هم بعد ما أريده ولا اخلي يسمع صوتي
زهور:- هدي يمعوده كولي يا الله لعد كل هل حب وانتضرج خمس سنوات تريدينه يمل منج بيومين اكيد الرجال الا عذره ومن يحجي وياج اكيد راح يبررلج ويفهمج
هزيت راسي:- الله كريم نشوف
بهل ثلاث ايام كومه افكار اجتني وتجاهل راهب الي خلاني اتندم ع كل دقيقه جنه سوه بيها مادري كومه احاسيس واصوات بداخلي انو بعد ما يريدني لو جان بس يمضي وقت وياي ويملي فراغه لدرجه صرت من اذكر شلون باسني لو من يحضني ويشم بيه ويبوس شحمه اذني وركبتي ابجي واكول لنفسي طبج مرض انتي الي انطيتي مجال وخليتي يتعده حدوده وياج وهسه لا ع اتصالاتج يرد ولا على مسجاتج يدخل ويشوفهن...
مادري شبي هيج تغير اخر مره حجيت ويا جان الصبح اني بالمستشفى كال هوه بالمركز ومن يخلص شغله يحاجيني وبعد من ذيج اللحظه ما اتصل اليوم كله كلت اكيد مشغول لليل هم ما اتصل صرت اراسله واتصل علي ما يجاوب مادري شبي
زهور كالتلي امشي نشوف الفلم مال نهله الحيه ع ابنها ماردت وردت اصعد فوك ماخلتني كالت امشي لاتبقين وحدج رحت وياهه عماتها ونسوان عمامها وبناتهم كلها ونهله كاعده وتبجي كالتلها خالتي:- هوه مو ع أساس رايح لاربيل شمودي لهاذ الضابط
كالت وهيه تبجي:- مدري مدري يا ام احمد هوه طلع ويه اصدقائه كال كم يوم لاربيل يتونسون ويرجعون وراح شو يومين ادك علي ما يجاوب اخوانه وأبو هم يدكون ما يجاوب كلنه اكيد التهه ويه اصدقائه ونسه تلفونه شو اليوم ع الريوك كاعدين اتصلوا بأبو عبدالله وكالوله تعال ابنم بالمركز وراحو
