روايه احببت منقذي (داعش)
(بقلم) : اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
..............؟...؟.........
خاف أترّز بيك حد گطع النفَـس
وأزهَـگ و أضـرك
خاف تتطشَر ولَك وشلون ألمَك
________
مشهد من البارت السابق (للتذكير)
بقينه نباوع شويه وكامو صارو يطلعون جيوش زلم معكله وعساكر وشباب يطلعون ومايلحكون يم الباب ووكف ابو راهب ويه عمو علي وراهب هم تسالمو وراهبب هم اشوفه الضحكه شاكه حلكه سلم ع عمو واحمد وخلا شفقه سوده ع راسه ولبس نضارات وطلع يمشي بكل هيبه وبطولة قريت سوره الفلق بكلبي واني اشوفه طلعو....
________
بسم الله الرحمن الرحيم 🌹
من ودعوهم طلعو من الباب وعمو وأحمد طلعو يودعونهم شويه وسمعنه صوت السيارات مشت واني الاحساس الي بداخلي يعني لاكلمه توصفها ولا تصرف هيج اريد اصعد ع أعلى عماره واصيح من فووكها اني فرحاااانه اني احبه احبههه حيل
اجه مسج لتلفوني فتحته هوه كاتب:-( لوزه زينه انت)
كتبت:- اي ليش؟
-( على مود الرمي انا ادري تخافين من الرمي بالي ضل يمج من رمو)
ابتسمت رد كتب( لوزايتي الفاهيه)
كتبتله ( راهب فرحانه حيل فرحانه ماعرف شلون اوصفلك الاحساس الي بداخلي)
رد( دوم الفرحه بعيونج يعيوني انتٍ وعلي بعد وبعد هاذ القليل من السويته احمدي ربج صرتي دنيت راهب هههههه)
ابتسمت وكتبتله:-رويهب الحلو
-(ههههههههه روح رويهب)
:- احبك ترا اني
تأخر شويه ورد كتب:-( ايا ظالمه النفس قزوم من اكون وياج ماتكوليها وبرساله تكولينها وجه البومه صماخج هالكبره)
:- ههههههههههه هاي فوك ما اكلك احبك عابت
-( اخخ ولج والله لاذبحج برساله تكليلي احبك ومن نكون سوه تصيرين بزون اصير اجر الكلمه منج جر)
:- هههههههه ما اكلك من نكون سوه انته وكح وعندك سوالف ادبسززيه مو راحه
-( جا باجر أنا خطارج)
-يا خطاري شنو وين
-( باجر خطارج بالمستشفى جايج وراح اشوفج سوالف الادبسزيه شلون تصير)
-يااا عززه مو مرحب بيك
-(انجبي جايج جايج)
-والله مو مرحب ماريد لاتجي والله اخلي الأمن يجونك
-( هيه بكيفج حتى اعلكج بالبنكه من عطوبج واخلص منج)
- هههههههههه لا من صدك راهب ترا لحد الان بس قريتو الفاتحه وماعقدنه مايصير تلمسني لحد ما نعقد والله هاليومين من بقيت وحدي فكرت بكل الي صار وشفت شكد غلطنه وشيلتنه ذنوب راهب مايصير تحضن وتبوس وانته غريب عليه
:-( يا روُح روُحي انتٍ ادري والله بس اول وتالي انت حلالي لكن الايام الفاتت وعلي من اكون وياج انسى الدنيا ومابيها انسه اهلي وعشيرتي وماشوف بس انتٍ كبالي وماخلي براسي لا حلال لا حرام انسى كلشي وبس اشوف وجهج كبال عيوني )
ابتسمت وكتبتله:- وين انته هسه بهالسرعه وصلتو
-( لا عمري انا بالسياره وهسه راح انزل يمهم للمطعم)
-يااا مطعم شنو لعد صار ساعه يتوسلون بيكم عمو واحمد ومابقيتو تالي تاكلون بالمطعم هاي شنو
-( اخخ ولك لو الزمك هيج اعلسك بين سنوني واكلك انت ماترهم بس للاكل)
