روايه احببت منقذي (داعش)
(بقلم) : اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
...........................
يا حِزن ،
ياريت أعرفك وين تسكن..
جنت أسويلك حَديقة ياسمين
و مَمشىٰ من كاشي الفَرح چدام بيتَك..
يا حِزن ياريت أعرفك
جنت أكلك لا تجيني..
و تمشي كُل هاي المَسافة
و أنا وَحدي و جان أجيتَك..
__________
مشهد من البارت السابق (للتذكير)
تالي زهراء صارت تعيط وتصيح:- ااااالكح** البلااال شرف واصل ني*** الدواعش والعساكررر وخريييي منها بنت الليل اشرررف منج بربوووك
احس دين مابقى براسي من كالت هيج كمت من فوك هاي الموتتها جوايه واباوعلها واحس الدخان من اذاني يطلع وماشف غير مزهريه ع طارف الدرج فوك الميز شلتها وضربتها ع راسها وخليت دمها يفور ووكعت تخربطت بصف ذيج وبهاي الاثناء دخلو عمو وخالتي
__________
بسم الله الرحمن الرحيم 🌹
واني اباوعلهن احس دمي محروك ودموعي تجري وحالتي حاله شعري منكوش من دخلت خالتي عاطت من شافتهن واجت تركض عليهن زينب مامغمى عليها بس نايمه وتبجي وتتحسب عليه وتغلط بس زهراء من ضربتها كبل اغمى عليها شالوهن وزينب زهور مشتها وزهراء طلعها عمو وخالتي كوه شيل
واني كعدت ع بايه الدرج ومخليه ايدي ع وجهي وابجي يا الله ليش هيج يصير وياي شمسويه نوب راسي احسه ريد ينفجر والاصوات رجعت ع راسي اجت زهور كومتني:- كومي شو كومي مدري ادعي عليهن وع كلامهن وصلافتهن بس اذا هنه تدمن شدعي عليهن كومي كومي اصعدج فوك حسبي الله على الضالم
صعدتني تمشي بيه واني ابجي دخلتني للحمام غسلت وجهي واحس راسي يريد ينفجر كلتلها:- زهوور العلاج بساع راسيي راحح ينفجرر
زهور:- عزه بعيني ولج شعرف للعلاج وأحمد ماكو هنا
- مادري مادري بس جيبيلي شي يوخرر هالوجع متتتتتتت اخخخخخخ باباااااااا
طلعت هيه برا تركض واني لزمت راسي وعصرت علي حيل وابجي واصيح:- كااااافي كااااافي اخخخخخخ رااااهب وينك راااهب تعااال ابوس ايدك اااااااه
صرت اضرب ع راسي بديه بس اريد يهدء من الوجع وسكتن الاصوات الي براسي بس ماكو متت فقدت صرت اضرب راسي ع الجربايه حيل واريد راسي يهدء واعيط وابجي وزهور مااجت تأخرت بقيت ع هالحاله من الوجع بدون مااحس صرت اضرب راسي ع الحايط واصرخ واصيح للحظه انسحبت وشفته احمد نومني ع الجربايه وبيده ابرا وكال ل زهور:- تعااالي الزميهاا
اجت قيدتني واني ابجي اريد تعوفني ضربني الابرا نص ساعه واني ابجي هدء راسي وعيوني ثكلن واحس سأل زهور وجاي تحجيله طلع يركض من الغرفه غمضت عيوني وبعد ماحسيت ع شي
مادري بعد كم ساعه كعدت مفزوعه من نفس الحلم باوعت ماكو احد بالغرفه واتذكرت الصارت يا الله اني ليش هيج سويت شلون هيج ضربتهن والله جنت مو بوعيي والله لميت روحي وحضنت رجليه لصدري واني فوك الجربايه ودفنت راسي بين رجليه وابجي بصوت عالي واعاتب اهلي :- رحتوو وعفتووني ليش حرام عليكم والله العظيم حرام تعرفون ماالي أحد بعدكم ليش تعوفوني ليش بابا ابوس ايدك ارجع ابوس ايدك كافي طولتو الغيبه صارلكم سنه ماكافي مااشتاقيتولي مثل مااني مشتاقتلكم ارجعو الله عليكم ارجعو ضايعه بدونكم البنت ماتسوه شي بدون اهلها يمه تدرين اشتاقيتلج واشتاقيت ل اكلج الطيب واشتاقيت اكعد واخلي راسي ع رجلج واصير احجيلج شصار بيومي يمه انتي ماجنتي امي جنتي صديقتي كلشي احجييلج
الله عليج ارجعي اشتاقيت اكعد كبالج وتضفريلي شعري لو تدهنينه بالدهن التسوينه حتى يقوه اشتاقيت حييل اشتاقيت حييل اشتاقيت
بهاي الأثناء دخلت زهور مسحت عيوني وكمت عليها:- وينهن جابوهن شلونهن والله زهور مادري شلون هيج سويت والله صارت الاصوات براسي وفقدت والله
كلتها وصرت ابجي مسحت دموعي وكعدتني ع الجربايه:- لاتفكرين حبيبتي جابوهن زينب مابيها شي بس مداووين جروحها و زهراء مخيطين راسها مشكوك بس عينها كويه ولا بيها شي كاعده وتسفط جذب لامي وأبوي وأحمد عليج
