روايه احببت منقذي (داعش)
(بقلم) أساور احمد
خلص درب
المحنة ، وناس عافت ناس
حتى اللي نودهم
مسحو الذكرى
__________________________________
مشهد من البارت السابق (للتذكير)
صوتهم مامفهوم صوت رمي وانفجارات كومه تطلع من الاسلكي وهاذ كضاهه يصيح:- تسمعنيي شكووو شنو هالضرب
يجاوبه وصوته يكطع
- ه ها اي اييي س سيدي هج هجوم علينا هجووم قوي تحاصرنه سيددي
- شنووو شنووو شللون خوما احد انصاااب ابووو جمره وييين
- سيدي مادري اب ابو جمره وين بس كوووومه شهداااء طاحووو...
______________ _______________
بسم الله الرحمن الرحيم 🌹
- سي دي مادري اب ابو جمره ويين بس كووومه شهداء طاحوووو
كال هيج وانكطع الخط والاسلكي بقي يوشوش
كام يصيح الضابط:- الوووو تسمعنييي
خ*** انعل ابوكم لابو اميركم ولد الكوووووو**
دخل مستعجل للبيت وطلع من الغرفه الجانو مخلين بيها اسلحه وبيده جهاز لاسلكي ثاني
وشغله وصار يتواصل ويحجي:- الى جميع الدورياااات (D.H.S) تسمعني
ردله:- نعم اعللم سيدي
- تم الهجووم لنقطه ال*** ومحاصره قوات ال*** دزوووو مساعدهه للمقر حاله الولد بحاله يرثه الها وطاحوو شهدااء حااااله اطلبوو مساعده تم محاصرتهم
-تممممم سيدي
- تم السيطره على منطقه ال*** من قبل قوات ال**** دزوو المساعده لهنا
- تمم سيدي خلال ساعه توصل المساعده
- استعجلووو
سده وشلون عبالك انضرب ع راسه داخ ومايدري شيسوي يروح هيج ويجي هيج تخبل وشايل نفس الجهاز الحجه ويه ابو جمره بي ويحاول يتصل ويصيح:- رحمه لبوووووك رد لا ياااااالكعبه انه ادرررريبك بطل مايصيبك شيييي ابوو جمره جااااااوب
خفت كلش معقوله ابو جمره صار بي شي لا يا الله والله بس هاذ اثق بي ياخذني ل اهلي فدوه ياربي ساعدهم كتله بخوف:- شبييي ابو جمره فدوه
صد عليه وعيونه حمرر من العصبيه كال وهوه يباوعلي:- بسس ادعيله كون ماصايبه شي والشباب بخيررر
- يا الله أن شاء الله مابيهم شي أن شاء الله يكونون بخير ويطلع كذب ماهاجمين عليهم ياااارب كون ويااااهم يا الله
ضل يروح ويجي ويحاول يتواصل هم بالجهاز وهم بالاسلكي
لنص ساعه وجان نسمع صوت همرات وسيارات
الضابط طلع مستعجل برا واني من التوتر صرت اكل بأضافيري ومنتضره جيته ع نار شويه ودخل الضابط مستعجل لبس الحزام ع صدره مال الطلق ولبس خوذه مالت جيش وشال السلاح جبير ع جتفه وكالي:- شوفي ضليين هين ولاتتحركين احنه رايحين محتاجينه أن عشنه نتشاوف وان استشهدنا ادعيلنه بالرحمه والله راح يكون موجود وياج لاتخافين ادعيلنه يلا اودعناج
- الله ينصركم طلع واني دموعي تكت يارب يا الله كون وياهم ورجعهم بخير وسلامه يا الله ماعندي غيرهم ويه ماطلع وصار صووت ضرب ورمي وانفجارات قوي وكلش قريب عبالك بالمنطقه
كعدت بزاويه الحايط واني ميته خوف وادعيي ربي كمت اكمز يم الشباك واشوف همر واكف بصف البيت ووراه كومه عساكر ويرمون تخبلت من المنضر شلون عبالك فلم اجنبي وكله معارك وهمرات وقنابل
كعدت جوه الشباك وساده اذني وابجي صوت الرمي والانفجارات ممرعب للحظه وكأنو وكع هاون فوك السطح عطت بكل قووتي :- يااااااااا الله ساااعدهم يمهههههههه باباااااا وينك
والبيت كل ساع يطلع صوت وكأنو تجي طلقه ع الحايط متت واريد اطلع بس الباب قفله
واسمع يصيحون:- يااااااااولد كوووووولو يااااااا اللله وتقدمووووو
وتحركت الهمر والكاع يهتز وييياها ومشو شويه ووراح صوت الهمر
وصاح صوت الضابط:- شباااااب احنهههه بررررايه العباااااس الولدددد بحاجتنه ارمووووو
