احببت منقذي (داعش)
(بقلم) : اساور احمد
٠٠قمرات تصويت ع البارت ومتابعه للحساب وتعليقاتكم الحلوه ع كل فقره 🖤
...................
ضاحك والدموع بداخلي تسيل
وغنيتك گبل كل المواويل
لگيت عيونك الحلوات حلوات
واني بوجهي ماضلت تفاصيل
شحلاتك لابس اسود وانت جمار
تين وسعرك اغلى من المحاصيل
رحت وكت الظهر وانگلبت غروب
درت وتزاحمن مكفاك والليل
_________
مشهد من البارت السابق (للتذكير)
نص ساعه واحنا كاعدين ابو جمره يدخن وصافن واني اباوع للمكان وشويه نحجي وشويه نسكت درت وجهي شفت عيون أبو جمره متشكلات بعيوني حيل توترت هالمره نضرته غير كل مره ماكدرت افسرها كال وهوه يباوع لعيوني:- دنيا اريد اكلج شي بس لاتفهميني غلط باباتي
- اي كول
- أنا
توه يريد يحجي جان نسمع صوت عباس صاح:- هاااااا ولكم
دنيا:- توه يريد يحجي جان نسمع صوت عباس صاح:- هاااا ولكمم
سمعت ابو جمره همس:-استغفر الله واتوب إليه وكتك هسه خرب شرفك
اجه عباس يمشي من بعيد ويفر بركبته وبيده سبحه شايل ايده ويفر بيها متت ضحك اجه كال:- ها ولكم شجنتو تسوون من وراي
باوعله ابو جمره بأستهزاء اخذ نفس ودار وجهه ويدخن كاله عباس:- هاا يول شبيك
ماجاوبه رد كالي:- زمزم شبيها جمانه
-ههههههه مادري
أبو جمره:- ومحمد بس اكوم تدري شسوي بيك ترا واصله لهين منك
-يول شبيك جا مو كبل شويه أنا وياك صحبان وكاعدين عين الله علينا شبيك انكلبت
باوعلي وكال:- خاف حسدتينه ولج
- ها والله اني شعليه اصلا جنه نحجي وانته اجيت
- شتحجون بدوني
- كلشي بس ابو جمره مادري شراد يكول وانته اجيت
-ها يول شردت تكللها خاف قاطعتك عن شي مهم مثل الاحم يحتاج اروح وتكمل سالفتك لو لا
-انجب واكعد
شو ماحس غير عباس سحبني من ايدي :- اخ شنووو
عباس :- يول كومي خلي ندبج
ابو جمره لزم ايدي الازمها عباس وكاله:- عوفها عباس
-دكومو عليكم الله خلي ندبج
دنيا:- ما والله اني ماريد عوفني
عاف ايدي وكال:- دكومو خلي ندبج بروح ابوكم
ابو جمره:- روح انته والولد الخبول مثلك اشبعو جوبي
- افا وعلي توني هديت الراووس واجيتكم كلت اونسكم جويسم يدكلنه ويغني واحنا نركص وندبج
دنيا:- هههههه صدك عود
- اي وعلي شنسوي نونس روحنه ضايجين
يلا هسه كومو
-اني ماعرف ماريد
-وانت
- انجب
- اي طبكم طوب انا راح ادبجلكم شويه واروح
لزم السبحه يفر بيها متت ضحك علي ويغني ويدبج وعلى ضحكتي أبو جمره يضحك موتنه تموت
عباس:- على راسي لمن سلمتي بيدج..كثر الخلك والله الكلوب اتريدج..كلبي يحبج يم كذلتل ملويه هلاااا هلاااا هلاااا
بالآخر من صار يكول هلااا يفر ركبه متت ضحك كتله:- هاي منين جبتها مسامعتها ابد
عباس:- من تآليف وانتاج واخراج وكلمات عباس المطرب ابو الطلايب
- هههههههه
- اسمعي هاي الثانيه جان جويسم يدكها
احمم...طكن جيلات البرنو والهاون دار هبت موصل وديالى وأهل الانبار
طكن جيلات البرنو والهاون دار هبت موصل وديالى وأهل الانبار وياهم البصره طره طره
