روايه احببت مُنقذي (داعش)
(بقلم) : اساور احمد
حبايب قلبي لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
......................
الحزن لايگ يگلبي عليك
جرح شفه الضحك ياذيك
وانه اگدر يگلبي اچويك
لاجنك شمع ويريدك الشراي ماباچي
__________
مشهد من البارت السابق (للتذكير)
- ماشا الله طب شهالشطاره عمي وتدرسين طب
ماجاوبته رد كال:- والله اني بالي صغيره على كلامهن يكولن صغيره ومن شفتج هم صراحه عبالي متوسطه بعدج مامبين عليج
ابتسمت مجامله وماجاوبت يباوع كرصتني زهور وكالت
__________
بسم الله الرحمن الرحيم 🌹
دنيا:- من كرصتني زهور وجعتني درت عليها وكلت بهمس:- اخخخ شبيج تكرصين
همستلي:- تتبسمين عاجبج الوضع العايقه اشگ حلكج والله
- ياا وين مبتسمه والله مجامله وبعدين تعالي سحبتها من ايدها قربتها عليه واني امشي :- ها ولج تغارين مخليه عينج علي
شو ماحس غير صاحت:- عوووععع
من كالت هيج دارو عليها خالتي والولد كالتلها خالتي:- ها ولج شمالج شبيج
زهور:- ها يمه ماكو شي بس دنيا حجتلي على علاجها خلصان هاذ الريحته تلعب النفس ولئن نفسي تلعب منه هيج طلعت مني وناسيه احنه بالشارع
مصدومه بتأليفها شلون كدرت تألف هاي الجذبه باوعتلي خالتي:- صدك يمه جبتي غلاف العلاج داام اجينه اخذلج علي
- ها لا خاله بي بعد باقي بس شويه ونسيت اجيب الغلاف
- يلا لعد من يخلص اخلي احمد يجيبلج
كال الولد:- خير حجيه علاج شنو خوما بيها شي
- لا يمه ماكو شي بس صايبها وجع راس هاليومين والدكتور وصفلها علاج جاي تاخذه فتره وتطيب
- أن شاء الله ماعدها غير العافيه
بقو يمشون كبالي رجعت اني كرصت زهور:- خرب يومج فضحتينه الله يفضحج وبعدين تعالي كوليلي خاف تحبي للمحروس
همستلي:- للمره الثانيه عييع اني احبه شوفي هوه مابي شي والله فد حباب وكله يعتبرني اخته همه ولد عمامي كلهم حبابين بس اني مادري ع كرهه عماتهم وامهاتهم واخواتهم كرهت حتى ولدهم مادري ليش الا والله عقال وخلوقين
- طاح حضج وع هاي تكرصين وعوع وماعوع
- انجبي وشوفي اني هسه استنتجت شغله من كلامه ابتسامته وياج هاذ راح يخلي عينه علييج
همست:- شنوو
- اي مثل ماكلتلج ولد عمامي واعرفهم وبس ولج بس تفكرين بيها اشگج والله انتي دنيا ماانطيج الهم وتصيرين ويه ذني الحيايه انطيج لواحد يحبج ويدللج ويحطج بعيونه واهم شي يكونون أهله حبابين ماشي
ضحكت وكلت :- امشي لشوف امشي صدك لو كالت نور عايقه وادبسزز
- والله ماغيرج العايقه
صرنه نضحك ثنينه ونمشي وخالتي والولد كبالنه وصلنه للصيدليه جانو بيها ولد وبنت دخلنه وابن عم زهور هم ويانه والولد طلب يقيس ضغط خالتي وصدك صار يقيس بضغطها وكال شويه صاعد
كامت خالتي وصارت تحوص شلون تكول تريد تحليل حمل والولد ويانه واكف صارت تباوع للادويه كالت البنيه:- خاله محتاجه شي كولي اسمه واجيبه الج
- ااا تعالي يمه تعالي ع صفحه اريدج
اخذتها خاله ع صفحه والولد ابن عم زهور ثاولها وسوه روحه ماهتم ولا سمع وزهور لازمه ايدي وعاصره عليها وكوه لازمه ضحكتها واني ع هاذ تصرفها كوه لازمه ضحكتي البنيه انطت لخالتي التريده اجت خالتي رادت تدفع الولد ماخلاها وهوه انطى طلعنه من الصيدليه
ونمشي والولد وخالتي كبالي شفنه محل زهور شافته لو تخبلت:- اويلي ولج اريد حلويات اشتهيت ككو
ونوبه تحجي وع كلامها شهتني اني هم كتلها:- انجبي عيب من هاذ ابن عمج عود كولي لاحمد
يجيبلج من نروح للبيت
- هم صدك يلا مااكول
