روايه احببت منقذي (داعش)
(بقلم) : اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
......................
لا تلگيتة
ابسلام أحباب ومحاضن حظنتة
ولا بچيت لحالتة ولا نشفت بيدك دمعتة
وطردت الظايع طردتة
ولا نشدتة يا ندمتة
__________
مشهد من البارت السابق (للتذكير)
الا ما بيوم وره اليومين كال عكب باجر الصبح حظري ضروحج نروح لبغداد كلت تمام وفرحانه ح اشوف زهور ثاني يوم كعدت الصبح ع صداع يذبح وراهب نايم بصفي والبارحه اجه بوقت متأخر حتى نمت ما انتضرته كد ماصايره انام وراسي يوجعني كعدت الصبح ع صداع يذبح وعيني مغوشه صرتهابجي وعاصره ع راسي ماتحملت واحس روحي جاي تطلع ونفس وجع قبل لا التقي براهب وعباس عصرت ع راسي وماتحملت صحت:- اااخخخخخخخخ رااااااهب
__________
بسم الله الرحمن الرحيم 🌹
دنيا:- ذبحني الالم يزيد أكثر من صحت كعد راهب ومفزوع:- هااا ولج دنيا شكووو
جلبت بي :- راهب راسي راسي موتني ساعدني الله عليك راهب
كلتها وابجي دخلو علينه عمو وخالتي وساره
ابو راهب:- شبيها بويه دنيا شبيج
ما جاوب ويسألون واني ابجي وعاصره ع راسي راهب صاح ساره تجيبلي العلاج وهوه لامني بيده واني عاصره ع راسي جابته شربني لكن ماكو فايده والوجع يزيد راهب صاح:- يمممه لبسيها بس ابدل اخذها للمستشفى
كالها وراح اخذ ملابس ودخل للحمام واني ابجي خالتي كوه لبستني شي فوك ملابسي التراك وخلت الشال ع راسي وكومتني طلع راهب يسد بدكم قميصه وعمو نزل يشغله السيارة اجه اخذني بين ايدي ويمشي بيه واني راسي يوجعني ودايخه متت وكوه امشي هوه ماصرفله الوضع ومشيي البطيئ شالني ونزل ع الدرج سريع وبيبي تلكتنا وتريد تعرف شبيه ساره لزمتها وتحجيلها طلع خلاني بالسياره وره وصعد وعمو وخالتي صعدو ويانه واني اصيح من راسي صداع قاتل صابني راسي يريد ينفجر وراهب متخبل ويصيح وعمو يكله شجاهه وراهب يرده:- اناااا جنت ناايم وفزيت على صياحهااا شبيها مااادري
وعمو يهدي بي وخالتي تفرك براسي ماكو دقائق وغبت عن الوعي مافتحت عيني الا واني بالمستشفى فتحت شفت خالتي وفاطمه وعمتي ام عباس يمي من شافوني كعدت صارو يسألوني شلون صرت واني دايخه كوه اجاوبهم اجت خالتي باستني وعمتي هم فاطمه حضنتني:- ولج موتينه عليج شجاج من كعدتي وصابج صداع
حجيت وكوه:- م مادري مادري كعدت راسي يأذيني اريد مي
كلتها شربتني ورجعت راسي وره وخالتي تحجي وياي كلت:- وين راهب
فاطمه:- برا طلع ويه الدكتور هسه اصيحه
كالتها وطلعت واني بقيت لازمه ايد خالتي وهيه تمسح ع راسي وتبوس براسي وعمتي كذالك هم شويه ودخلت فاطمه وياهه راهب وعباس وعمو وزوج فاطمه وعمو ابو نبراس واركان اجه راهب باس راسي:- الحمدلله على السلامه روُحي
ما جاوبت وجلبت بيده ماريد يعوفني اجو عمامي باسو راسي وتحمدولي وزوج فاطمه هم تحمدلي اجه عباس هم باس راسي وكال:- ولج زمزميي بعلي انجلطت وحييت كلت خسرت الفاهيات ثنينهن شجااا صماخج كل يوم مريضض جا فلوسنه الانطيناهه لابو بنطرون ناصل وين راحن كله خلا بجيبى وعلي باجر لاروح اورم جلده بجفجيرج بعد روحي أنتِ
ابتسمت بتعب ومنا راهب لازم ايدي ومنا عباس ويحجون ويكولون ليش هيج رجعلج الصداع وكالت خالتي:- شو من يوم الاجيتي وماكلتي راسي يوجعني ولا صابج صداع الا من كبل جم يوم وكلتي ادوخ وندلكلج راسج مو وجع
دنيا:- ماعرف خاله هوه هل كم يوم اكو وجع براسي قوي
راهب:- چا مادام اكو وجع قوي ليش ماتكولين ماتحجين حتى اخذج لبغداد
- جنت مشغول هواي وماريد اشغل بالك وهم اني عبالي من الحمل هيج عندي وجع راس واليوم كعدت ع وجع قوي
راهب:- انعلللل ابو الشغلل چا اسألج كل هالايام تكليلي دوخه عاديه ليش ماتحجين يعني لو عندي شغل اعوفج هيج بوجعج صحتج اهم من الشغل
ما جاوبت كال عباس:- اهدء ما صار شي وباجر ناخذها لطبيبها الاصلع ونشوف شبي صماخها هالفاهيه من يوم اللكيناهه وكلها امراض وجهه الجوب
راهب خزره بس اني مدري شو ضحكت على هذا كلامه باوعلي راهب وكال:- الدكتور كال طلعوها روحو انتو وانا بس يخلص المغذي اجيبها واجي وراكم
كالو تمام وعباس ماقبل وكال ابقى ارجع وياكم سحبته فاطمه وامه واني اضحك بتعب طلعو وسدو الباب وراهم درت وجهي ع راهب يباوعلي مسح وجهه وكأنه ماكل هبطه سحب الكرسي وكعد يمي دنك بأس خدي:- شلونج هسه دنيتي
- زينه
كلتها تقدم بأس طارف شفتي خفيف وكال وهوه شفته بطارف شفتي:- هديتي حيلي ومحمد كلت راح اخسرهم
من كال هيج تذكرت الطفل لزمت بطني:- راهب الطفل بي شي فدوه
باس ايدي وبطني ع كيف وكال:- لا الحمدلله بخير بس جان ٥٠٪ مهدد يوكع لاسامح الله من الضغط الصار عليج بس بس عدت سلامات
كالها وهوه مخلي ايده ع بطني ويمسح عليها ع كيف ابتسمت وصرت العب براسه وشعره:- احبك راهبي
- أنا عاشگ كل شبر بيج
كالها واجه بوسني ضحك وكال:- شو اشتاقيتلج هسه وهالغرفه وحدنا كاعدين بيها شرايج نسوي سوالف مزوجين هنا
ضربته ودفعته مني واضحك وهوه هم رفع ايدي وصار يبوس بيها ويخليها ع خده وعيونه شويه وخلص السيروم فتحه وكومني وشال العلاج وسندي طلعنه من المستشفى وبالطريق يحجي وياي كتله:- راهبي مشتهيه تُكي وسماگ هيج كون حامض هسه اريد
