روايه:- احببت منقذي (داعش)
بقلمي(اساور احمد)
كَلنالك تحذّر ناوراك الذيب
داعيت الضواري وأمّنت بيهه
يمصدكَ الاوهام امن البخت حفّاظ
يا حظ يا بخت لو طركَ سركَيهه
عريان السيد خلف
____________________________________
مشهد من البارت السابق (للتذكير)
صرت ابجي واصيح على امي تجي تساعدني متت من الخوووووف :- يمهههههه وينججج ماما خايفهههه
ابجي واحجي وين جنت ويييين صرت يا الله ساعدنيييييي يا الله انقذنيييي والله مامسويه شي مو زين بحياتييي حتى هيج يصير بيهههه
حتى صوتي راح من البجي والصياح صرت ابجي بخنكه وبلعومي يوجعني احس تجرح من العياط
لامه نفسي وابجي وجان ينفتح الباب وضوه خفيف على وجهي صارر.
_____________________________________
بسم الله الرحمن الرحيم 🌹
لامه نفسي وابجي وجان ينفتح الباب وضوه خفيف على وجهي صارر غمضت عيوني وفتحتهم شويه اريد اشوف منو هاذ تقدم عليه
كلت:- منو منو هناااا منو انت
تقدم وهمس:- دنيا اني عذراء عذراء
كمت ع حيلي :: عذراء عذراء حضنتها قووي احس روحي صرت بأمان من اجت
عذرااااء خايفه اني خايفههه هنا شراح يسوون بيه وابجي وهيه حاضنتني
:: بس نتضري هل يومين والله ل اطلعج منا بس تحملي
بجي:- شلون اتحمل يومين ولج صارلي هنا يومين مادري شكد متت خوووف اتخيل اشكااال ضلمه كلشي ميبين ابجي واشهك
رجعت حضنتني وتبجي وياي:- حاسه بيج وااالله حاسه مريت بالي مريتي انتي بي وعد بس هل يومين وعدد لو ادري ننذبح بس اطلعج من هنا
:: عذراء ماسمعتيهم يردون ياخذوني راح يبيعوني مدري يكتلوني خاف يجون اليوم او باجر خايفههه اني
:: لاتخافين محد يجي اليوم يومين حرب صايره كومه قوات هاجمه عليهم وكومه تذبحو منهم عساهم بالحرك ولو شوفين شكد جرحه جابو دواعش بس كلهم فطسو
:: يعني هسه ماكو احد هنا جوه الكاع كلهم راحو
:: لا بله شلون ماكو بس قليل اكو للحراسه والبقيه كلهم طلعوا بس انتظري
البارحه بليل راقبتهم طلعو والي هنا نصهم نامو والنص الآخر مجانو يم المخرج
:: ليش عرفتي المخرج منين؟
:: ايي يوم الي جابوج هنا اجتهم اخباريه الهجوم عليهم وكلها صارت تتراكض وشايلين اسلحه واني مشيت وراهم بالختله وشفته
بس انتضري اذا شفت اليوم بليل ماكو احد راح اطلعج
:: وانتي؟
:: اني ماكدر بنت عمي ماكو مالكيت الها أثر وهاي اختها التوم مانطلع اذا مو اختها وياهه
:: زين شمدريجن هيه هنا يجوز ماخذيها ع غير مكان
:: ايي هيه مو هينه لئن هذا المكان كله اعرفه واعرف البنات البي بس البارحه جابو وجبه بنات من مكانهم الرئيسي الثاني وصرنه نسأل بيهن ع بنت عمي ووحده منهن كالت هناك جانت وراح يجيبوهن بعد يومين ويه الوجبه الثانيه لئن صار هجوم ع ذاك المكان وكلها تطلع تقاتل ويخافون لايشردن وجابوهن هنا
:: الله ينتقم منهم
:: امين
الا صدك يوم الي جابوج هنا وطلعو بليل بس بقو كم واحد جوه بغرفه التعذيب يعذبون بالسجناء وردت اطلعج منا واكول لذول العساكر الجانو وياج بالغرفه هم يطلعون الوطن محتاجهم ومدام هسه ملتهين يكدرون ينهزمون بس رحت يمهم ماكدرو يكومون هذا المصاب برجله والمصاب بصفحته من جروحهم ماكدرو لهيج ماكدرت اجيج واطلعج
بس منا لباجر أو عكبه أن شاء الله يصيرون زينين وتطلعون
:: والعسكري ثامر شلون صار
دنكت وكالت :: الله يرحمه
