روايه احببت منقذي (داعش)⭐
(بقلم) : اساور احمد
حبايب تصويت ع البارت ومتابعه للحساب وتعليقاتكم الحلوه ع كل فقره 🖤
....................................
يا هنيّ و يا شوگ روحي
و يا عزيز و يا مزار
يطفح بچفي حنينيّ
و من حَنيني إعليك أغار
......................................
مشهد من البارت السابق (للتذكير)
فتحت عيني وشفت عباس يخليلي كمادات وأبو جمره واكف يمه ويباوع شافني كعدت صار يسئل بيه :- ولج شلونج شلون صرتي شتحسين بعلي كلت ماتت الفرخه خلص
يحجي وأبو جمره ماسوه ردت فعل بس يباوع كلت اني بالكوه احجي:- را..راسي راسي موتني
كلت هيج وغمضت ومافتحت عيني الا واحس شي بارد نزل على راسي صرت ارجفف برد ومجليه ونابته اضافري مادري بشنو من البرد واسمع احد يكلي :- اششش اششش
________
بسم الله الرحمن الرحيم 🌹
دنيا:- احس شي بارت ينزل ع راسي لزمتني رجفه واني مجلبه بمادري منو ونابته اضافري اريد اوخر من المي اسمع يكلي:- اشش اششش اهدي حرارتج مرتفعه
حجيت واني ارجف ومغمضه عيوني حييل:- اش اششح با..بارده بارده..فد..فدو..ه بارده
خلا ايده ع وجهي بكل هدوء وسحب راسي ع صدره وهمس :- اشش بعد ابوج ماكو شي بس شويه حرارتج تخف اطلعج اهدي
اني ماسمعه صرت ابجي ونابته اضافري حيل بمكان بجسمه مادري وين وارجف صار يهمسلي بهدووء وحنيه حتى افتح عيوني:- دنيا باباتي فتحي عيونج
3
مجاوبت رد همس:- دنيتي الحلوه افتحي يلا بابا لاضلين مغمضه فتحي
مابيه اجاوب احس بس اريد انام عيوني ماكدر افتحهم وهوه مستمر يحاول افتح عيني صار يضرب ع وجهي راشديات خفيفه حتى افتح عيني:- صحصحي لوزايه فتحي عيونج دنياا شو شو شوفيني عيونج شو
فتحت بالكوه واني ارجف وابجي افتح واغمض وهوه يكلي فتحي ولاتغمضين فتحت زين واوضحت الرؤيه عندي شفت نفسي بالحمام
وألمي يجري ع راسي وأبو جمره كبالي ساندني وحاضني ع صدره وألمي يجري علينه
شفت نابته اضافري بعضلات ايده الا داخلات باللحم صرت ابجي واكله:- كافي كافي بارده خلي اطلع باردهه بارده
ارجف خله ايده ع كصتي وراها ع ركبتي كال:- شويه بس
ضلينه هيج واني ماكو بس ارجف وابجي شلون عبالك مخليني بمجمده وفوك هاذا صار نحول بجسمي وراسي موتني هم صار يوجعني
شويه وحسيت المي انسد كال:- يلا هسه تمام تعالي
شالني بحضنه وطلع بيه للغرفه خلاني بالكاع سحبت البطانيه وتلفلفت بيها من البرد وارجف شفته وكف كبالي ويباوعلي ملابسه مبلله جان لابس فانيلا تعلاكه سوده وبجامه عسكريه
تستمر القصة أدناه
بالاثناء دخل عباس وكاله ابو جمره:- ها لكيت
-اي اي جبت شلون صارت
-احسن نزلت حرارتها من فتحت الماي البارد على رأسها
رد باوعلي وكال:- ملابسها مبللات راح تتمرض زايد لازم تبدل
اني ارجف ومااحجي شي ولافه روحي كامل بالبطانيه وهمه كبالي يحجون ويكولون لازم ابدل كال ابو جمره:- بابا لازم تغيرين ملابسج مو زين
تكدرين لو اساعدج
رفعت راسي اله وخزرته ضحكو همه وكال:- لاتفهميني غلط بويه مو قصدي بس ادري بيج ماتكدرين ولازم تغيرين
- أن.. اني اني اغير بس اريد اروح لل..للغرفه
- تمام تعالي
اجه شالني اني وبطانيتي ملفوفه وعباس يضحك ويحمحم اخذني للغرفه البيها كنتور خلاني بالكاع وكال:- ادورلج ملابس خاف ماتكدرين
- لا لا روح هسه اني ادور روح
- على راحتج
طلع وسد الباب واني ارجف رحت اسحب واسحل بروحي للكنتور سحبت الملابس وكعن كلهن صرت ادور من بينهن ع لبس بحبشت وبالاخير لكيت دشداشه عنبيه حلو لونها ومبينه ع كدي كمت كوه سندت جسمي ع الكنتور وصرت انزع بملابسي واني دايخه لبست الدشداشه شويه طويله عليه بس ميخالف احسن من ماكو
