روايه احببت منقذي (داعش)
(بقلم) : اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
..................
تشرب معافي
حناني و لهفتي
و تسكر بدمي
و تنتشي ابغيّ الشذر
و تتعزّل اعزال من أجرك
________
مشهد من البارت السابق (للتذكير)
تنهد وكال:- اليحجي يتهمج ويطعن بيج مو؟
نزلن دموعي وكتله:- ابشع وابشع اسمع راهب كلام مايدخل العقل ليش هيج وحتى إذا مليت من كلامي لأن كاعده احجيلك واشكيلك واطلعلك الي بكلبي كول عادي متعوده كلي اذا تريد اغير السالفه هيج مواضيع صارت عاديه بالنسبه الي
حسيته يشرب جكاير سحب نفس ونفخ الدخان وكال :- حضري روحج الجمعه جاي اخطبج
________
بسم الله الرحمن الرحيم 🌹
دنيا:- من كالها سكتت وهوه سكت لشويه ونفخ دخان وكال:- اي دَنيتَي راح ادز يجون لخطبتج أنا رايدج بعد ماكدر اريدج يمي كبال عيني تكونين اطمن عليج بكل وكت اريدج ام بيتي وام جهالي بالمستقبل مارايد غيرج بس انتٍ تكونين مرتي
كتله:- راهب تريد تزوجني بس حتى تسكت العالم وتسد حلوكهم من السوالف؟
- منو يكول ؟ هوه أنا مو من يوم الشفتج بالعرس وكتلج يجي يوم اجيبج مره لهنا ترا طول هالخمس سنين أنا بأنتضارج حرمت على روحي غيرج ولغيت موضوع الزواج والاستقرار من راسي خلاص رغم ملحتهم حتى ازوج بس جنت رافض ماريد الزواج والاستقرار إذا مايكون ويه دنيتي
ماجاوبت رد كال:- والله لندمهم على كل دمعه نزلوها من عيونج على كل تهمه خلو كلبج يحترك بس كليلي اسمهم بس اسمهم وانا اعرف تصرفي
ماعاش ولا راح يعيش اليبجي دنيتي من اليوم ورايح رجعت وشحده اليمسج بشعره وحده ومحمد يحسب امه ماجابته مسحي دموعج روحي انتٍ محد يسوه وانا باجر جاي عليج
يحجي واني امسح دموعي على السكت رجع كال:- رايد اسئلج سوال وجاوبي علي بصراحه دندون
-اي
- الحجه عليج منو وغيره وغيره منو همه ماسوي شي بس اريد يكون عندي علم
- بنات خالتي الاكبار الاثنين وبعض بنات عمهن جانن يطعنن بيه زينب الاخذتوها وزهراء الجبيره وصراحه اليوم حيل هضمتني بكلامها
كال:- شبلاج يحضي تضلين فاهيه اللزمها وأحط النعال بحلكها واكص اللسانها اخ لو ما بنيه جان عرفت شسوي
ابتسمت:- مايفيد والله مره من كلامهن اجتني الحاله واني من تجيني افقد ونبي كتلتهن والا دخلتهن مستشفى وزهراء شكيت راسها
-حيل وأبو زايد كفو من لوزايتي الفاهيه
- بس رغم هالشي مايفيد حتى اليوم زهور كالت لعمو واحمد ولازمها احمد مكسرها من الضرب لأن حاجيه عليه بس رغم هالشي مراح يفيد ترجع وتحجي
- لايهمج الجلب العضج ترجعين تعضي؟
-لا
- جا لاتهتمين بويه مغضوطين ومحمد يشوفونج تخطيتي كلشي وصرتي اهم منهم وحققتي الي بالج ف مايكدرون يسوون شي عاد يحجن اللبسيهن ولايهمج كلامهن
- عادي متعوده طول هالخمس سنوات اسمع واعبر بس راهب تجي اوقات اكون بيها نفسيتي زفت وعاد هالكلام يأثر مثل اليوم نزلت واني فرحانه حيل لان لكيتكم وتلكتني بسوالفها وتهمها
- اشگ حلكها وأحط رجلي بي لاعليج هاي وحده كح***
فتحت عيوني:- راااهب شنووو هالكلام كبالي يااا وترا شما صار تبقى بنت خالتي لاتحجي هيج والله اقفل الخط بوجهك
- سويها وانا اعملج لجيج طاير لبغداد بعدين خليها تولي هالساقطه بجت دنيتي وانضافت لقائمه المحظورين عندي واكيد لو عادتها الها عقاب يمي ماعاش اليبجيج وانا يمج
ابتسمت رد كال:- والله لخليج اميره على راسهم واعيشج بحنان الاب لبنته اخلي الجان يحجي عليج يتمنى عيشتج وكولي راهب ماكال
