روايه احببت منقذي (داعش)
(بقلم) : اساور احمد
قمرات لاتنسون التصويت ومتابعه للحساب وتعليقاتكم الحلوه ع كل فقره
..............
واضح بعد ما يحتاج تتعذر
من نشفت الشفه
ولونهه تغيرر
عريان السيد خلف
________
مشهد من البارت السابق (للتذكير)
متت لمن هيج كال ونبي صدك مخبل وبي حاله نفسيه هوه مو جان نايم دموعي صارت تكت واني اكله:- فدوه وخر من شعري اريد اكوم الله عليك
من هيج كلت اني صايره يم راسه رفع راسه وهوه نايم صفح باوعلي بعين وحده وثانيه مغمضها من هيج رفع راسه صار مجال اسحب شعري سحبته من جوه راسه حيل توني اريد اكوم جان يلزم شعري ولفه ع ايده بيد وحده وسحبني من شعري بخفه رجع راسي للمخده ونفسه يضرب بوجهي عصرت عيوني واني ابجي
فتحتهن باوعت بوجهه يباوعلي ماحس غير خله اصبعه الابهام ع شفتي
_________
بسم الله الرحمن الرحيم 🌹
دنيا:- خلا اصبعه الابهام ع شفتي واني دموعي تنزل شفته عكد حاجبه ومسح شفتي بأصبعه وكال:- شنو هاذ الدم حلكج وخشمج كلهن دم
كالها وكام كعد كعدت اني وخر المخده وتقرب يمي كال شبي حلكج ماجاوبت بس ابجي
كال:- شبيج لخاطر محمد بس لو ادري ليش تبجين كل ماحجيت وياج جان ارتاحيت
كتله:- مابيه شي مابيه فدوه بس لاتقربلي ماريدك تقربلي
صفن وكال:- ليش ؟
ماجاوبت رد كال:- ابويه حاسه أنه متعدي حدودي وياج ؟
كتله واني ابجي:- لا لا والله مو هيج بس بعد لاتحجي وياي والله اخاف
- تخافين من شنو تخافين
ماجاوبت واحس الدم ينزل لحنجي من حلكي كال :- شو كومي كومي خل اغسلج حلكج وكوليلي شبي ينزف
كام ووكفني واني أتوسل بي يتركني وأجر ايدي منه:- الله عليك عوفني اني اروح بس اطلع ماريد اشوفك والله مااسامحك والله
خزرني وكال:- عسى لاسامحتي امشي خلي اغسلج وتكعدين تحجيلي كلشي والا وعلي اعلكج بالبنكه
لمن هيج كال انصدمت يعني حجي عباس وتفكيري ١٠٠٪صح انلصمت من الصدمه وبعد ماحجيت سحبني للحمام فتح المي ودنك صار يغسلي حلكي بيده طلع جاب بطل مي كال موصي حلكج صرت اشرب واتفل المي كله دم بقيت هيج لحد ما انقطع النزيف
طلعني من الحمام وجاب خاوليه الصغير وصار يمسح بوجهي وحلكي وركبتي ويرجع شعري ليوره
كعدني وكال:- يلا هسه احجي
سحبت الشال خليته ع راسي والخوف ماكلني رد كال:- هسه عوفينه من خوفج كوليلي حلكج وخشمج شبيهن ليش ينزفن
ماجاوبت كال:- احجي حلكج مجروح
هزيت راسي لا
- سنج يوجع
هزيت راسي لا
- واكعه على حلكج
رجعت هزيت راسي لا
كال:- هسه غير تحجيي احجي باباتي انتي احجي شبيج
خفت منه وكتله:- مو اول مره هيج
- يعني قصدج من الولاده حلكج وخشمج ينزفن
- لا من اجيت هنا مرتين نزف وهاي ثالث مره فجأه
- ومحمد دخت بيج ضغط
- لا
- حسيتي يجوز من الخوف صار بيج ضغط حاسه
- هوه شلون يحس اليصير بي ضغط
رفع راسه وضحك:- هههههههههه بويه ألفهاوه ضلي هين رايح اشوف جهاز الضغط ضال بالسياره لو مسلفينه الولد جان عدنه واحد
هزيت راسي كام راح دموعي طاحن وادعي يارب صبرني قويني كباله يارب لاتخلي يسويلي شي والله مامسويه شي بدنيتي حتى اتعلك بالبنكه وينك عباس وين تعال الله عليك
