روايه احببت منقذي (داعش)
(بقلم): اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
........................
يبعد اسمي
يبعد اسمي
الغله مريود
وشمتك علىٰ ايدي
ولسه ماكاتب شعر لامي
اذا تكتلني استاهل ...
انه موصي
فلا يتلثم المطلوب من دمي
_________
مشهد من البارت السابق (للتذكير)
- شكو شبيج شغله شنو
- شغله تخص شخص قريب منج صراحه سمعت شي واريد اكلج ايا وافضفض الج مثل ماتفضفضيلي
- اي عمري احجي منو هذا القريب مني والشغله تخصه
- عباس
_________
بسم الله الرحمن الرحيم 🌹
دنيا:- عباس؟؟ ليش شبي شمسوي
- شوفي راح احجيلج من اول شي وكل الكلام
عدلت كعدتي:- اي زهورتي اسمعج احجي
ضحكت كتلها:- شكو؟
-هالاسم سمعته أكثر من مره
-هلوو هلو غيري يناديج بهذا الاسم واني ماعرفه كولي منو
-تمام
زهور:- من عرفتي عمامج أهل راهب وراهب ابن عمج وحالتج تدهورت ونقلناج للمستشفى
-اي
- اوي دنيا لا تقاطعيني خليني اندمج ومن اخلص احجي
-هههههههه يلا كلتها ورن تلفوني راهب فتحته وكتله:-راهب كاعده ويه زهور ماعرف شتريد تحجيلي بس اخلص اتصل بيك
راهب:- تمام صغيروني أخذي راحتج ومن تخلصين دكي عليه
- تمام حبيبي سديته وكلت يلا انتي احجي
زهور:- ومن نقلناج للمستشفى تعرفين صارت مشاكل وراهب وعباس تعاركو ويه الدكتور وضربو ضلينه وياج وانتي غايبه عن الوعي ضلينه اني وامي وياج بالمستشفى والله اول يوم لا ثاني يوم
زهور:- ثاني يوم كاعده بالغرفه ويه دنيا وحدي وامي طلعت مادري وين راحت كالت نص ساعه واجي واني لازمه ايد دنيا وابجي واتوسل تكعد مدنكه ع ايدها سمعت صوت من ورايه درت وجهي شفته عباس صديق راهب كالي:- ادعيلها زمزمي قويه وتكعد منها أن شاء الله البجي مايفيد
هزيت راسي كال:- شلون صارت اليوم الدكتور ما كال شي
- لا اجه بس شكللها مغذي وضربها ابرا وطلع
-الله كريم الله كريم
كالها واجه وكف على راس دنيا دنك بأس راسها وصار يحجي وياهه اشوف حنيته عليها وحبه اخوها الحقيقي مو هيج كاللها:- زمزمي اكعدي مو كافي بروح ابوج اكعدي وشوفي حال راهب وعلي انهد حيله عليج
نزلن دموعي واني اشوفه يحجي وياهه كال:- وانا وعلي الجلطه وصلت اذني هالليله لو ماكعدتي الا انجلط واموت والله حالف بس تكعدين الزمج ودك على ضهرج بالجفجير والله واحرمج من المصاصات بس لو ماكعدتي الفاهيه الثول
ابتسمت باوعلي ورد باوع لدنيا استمر يحجي وياهه واني لازمه ايدها والاوكسجين بخشمها ونايمه كال :- احمم احمم
رفعت راسي علي كال:- ولو تصير زحمه انطيني ماي من يمج
- لا ولو هاك
اخذ بطل مي وشرب بقى واكف وكأن مثل اليحوص ويريد يكول شي واني ع كعدتي يم دنيا لا حجيت شي ولا كلت كال:- احم اكدر اكو شي
باوعتله:- اي تفضل
-ولو مو وكته هسه وزمن هيج بس هيه سبعه وتكعد أن شاء الله وانا إذا ماكلتها اليوم يمكن ماتصحلي فرصه ثانيه مثل هاي دام ماكو احد وامج راحت للبيت احجي كبل لاتجي
- اي تفضل كول محتاج شي
-محتاجج
