روايه احببت منقذي (داعش) للكاتبه:- اساور احمد
تدني
او على اعناد الحزن
يا زين اغنّي
حته اصيحن يا حسرتي اتباعدي
او يا بسمتي الضاعت تدنّي
عريان السيد خلف
_____________________________________
مشهد من البارت السابق
بقيت ابجي اجت عذراء يمي ولزمت ايدي وهم تبجي هاذ الولد لمن شافنه نبجي سكت بس مبين شكد متأثر بالاستشهدو ويحجي بحركه دم شلون ميأثر لعد قليله مجرد تفكير بأهله المنتضرينه وشراح يصير بحالتهم من يسمعون يخلي دمك يغلي
ردله هاذ الجان يحشش:- الله كريم لاتفكر هواي هم السابقون ونحن الاحقون
_____________________________________
بسم الله الرحمن الرحيم 🌹
دنيا :- العسكري الي اسمه ثامر هو راسه وغمض عينه وذاك الآخر ابد مافتح عيونه وهاذ الجان يحشش بقه يباوع شويه علينه وشويه يصفن يعني حتى يحيرون الواحد تشوفيهم مثل الحايرين واكو حجي وكلام براسهم ويفكرون كل واحد وتايهه ويفكر بدنيته والمستقبل شضامله
صفنت اني هم ع صفنتهم عذراء كالت اروح كبل لايستفقدوني ويلحكونني هنا ويشوفوني بعد ميخلوني اجي كتلها تمام بس تعالي لتبقيني وحدي
_ تمام يله اني رايحه نامي ولاتخافين قريبه من هاي الغرفه
_ تمام راحت عذراء واباوعلهم الثلاث مغمضين الا ذاك الجان مغمض وأبد ماحجه بس ويه العسكري ثامر وراهه غمض عيونه وبعد ابد مافتح عينه حتى ساعه ماكو يعني ک الوقت الي حدده عقلي تقريبا ساعه ونص مرت وذول نايمين واني متت عطش وأيدي الوجع من عند زندي يعني من معصم ايدي وجوه اكدر احرك لكن مااكدر ارفعه من زندي وارم
شويه وسمعت العسكري الجان يحشش كال:: ابو جمره الامانه البقاهه محمد يمك ابو جمره تسمعني سيدي
دنيا:- اباوعله يحجي ويا من مكانه ومايرد بقه يكله:- سيدي ابو جمره تسمعني رد عليه
وذاك مايرد مغمض وهاذ العسكري بقى يناديله بخوف وكم مره حاول يكوم لاكن اصابته بصفحته ومانعته حتى يكوم باوعلي وكال:- بس اذا تكدرين كومي وشوفي شبي ليش مايرد عليه انه ماكدر اكوم من جرحي
باوعتله ورديت باوعت لذاك النايم رد صاح:- كوووومي شتنتضررررين صاح بصوت ناصي وهوه كاز على سنونه عيونه نطن يمه خوفني واني لو ماايدي جان كمت اشوفه قبل مايكول بس من كالي باوعت علي وعساس ردت اكوم بس استعجل وصاح عليه عباله ماكوم
كمت بالكوه وايدي توجعني ونزلت من الجربايه رحت امشي يمه وكفت فوك راسه واباوعله والله ملامحه حلوه
كالي ذاك:- شدحكيله شوفي حرارته حركي صخمي شوفي ليش مايصحى
دنيا:- حركته ماكو لزمت ايده نار وحطيت ايدي ع كصته كذالك جمر كتله مصخن حيل
_ داوي شتنتضرين
_ بس اني ماعرف
_ خرا بال** ماكو شي وصله وماي سويله كمادات
_ خل اشوف دورت ماكو وصله اكو من الجرجف بس ماي ماكو
كتله ماكو كالي:- تعرفين تشديله مغذي
_ لا والله ماعرف
_ چا شتعرفين يحضي شوفي اكو بيده المنغاد كانونه
رحت شفت اي اكو بيده كلته:- اي اكو بيها
_ جيد شوفي روحي دوري ع مغذي بين الادويه
_ تمام رحت ادور ماكو هيج وهيج اروح وماكو اجيت اكله ماكو جان يكلي:- رحمه للكعبه بس استعجلي وامشي سريع لاضلين فاهيه راح يموت
