روايه احببت منقذي (داعش)
بقلمي: اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
....................
انعم الله اعله الوكف
والماوكف بالضيج
هن ايام يكضن والقصص تبقى
_________
مشهد من البارت السابق (للتذكير)
كلتها وكلبي يدك ونغزه صارت بكلبي وعيوني امتلت دموع صارلي شكد ما سمعانه اسمه رغم هو بالي واريد اعرف اخباره بس من شفت راهب ما يجاوب عفت السالفه بس ابد ما نسيته واريد اعرف بيا حال هوه هسه ووين عايش ميت مسجون حر رغم السواه بيه بس من اسمع اسمه واذكر ايامي ويا قبل داعش اشتاق كلش اشتاق وبس هوه بقالي من ريحه اهلي وحتى لو رجع ما اسامحه بس احظنه اشم ريحه امي وأبوي واطرده وبعد ما اريد اشوفه من وراه ابتعدت من اهلي وماتو
كلت وصوتي كوه طلع من الغصه:- احجي راهب وينه حيدر لكيته ؟؟
________
بسم الله الرحمن الرحيم 🌹
دنيا:- من كلتها باوعلي وحسن بحظني وحسين بحظن عباس وكلهم مركزين ع راهب ورايدين يحجي شنو السالفه وشبي حيدر جان كاعد كبالي ع تخم كام واجه عليه اخذ حسن مني وانطاه الزهور وكنبص كبالي لزم اديه ثنينهم عصر عليهم ويباوعلي بكل حب عيوني غوشن من الدموع كتله:- احجي راهب
سحب ايدي باسها بهدوء وكلها تترقب الصمت العام المكان ومنتضرين راهب ينطق كال بهمس :- حبيبي انتِ مكانج بكلبي اضل احبج للموت
بلعت ريكي وغمضت عيوني وفتحتهن واحس بلعومي ناار كتله:- اني هم احبك... فدوه بس احجي بطني صارت توجعني من الخوف حيدر شبي ؟؟ ووي وينه!
كلهم موجودين عمامي نسوانهم بناتهم ولدهم كلها موجوده الديوانيه يغص ويبلع وكلها ساكته منتضرين راهب يحجي كاعده ع التخم ومنا زهور وبصفي خالتي وراهب مكنبص كبالي ع تك رجل ولازم اديه ويترقب تفاصيل وجهي وتعابيره..
كوه حجيت واحس حلكي تشنج وبلعومي نار وابلع بريكي وماعرف احس ماعرف شراح اسمع منه كتله كوه:- احجي ولاتعذبني اكثر راح اموت
من كلتها دار ع زهور:- جيبيلها ماي
كامت واني بعدني اباوع ومنتضره يحجي لحظه تشلع الكلب احس بطني صارت توجعني كلبي ينغزني جابت مي زهور اخذه منها وشربني شربته كله وايدي ترجف رجعت بلعت ريگ ونزلن دموعي:- احجييي فدوه كول شي لاتبقى ساكت
هز راسه وكال:- هالسالفه صارلها من قبل خمس سنوات تقريبا أنا من اختفيتي مو بس عليج دورت لا دورت على اخوج حيدر هم بالاسم بس جنت اعرفه اسمه حيدر حسن لا شايفه ولا اعرفه ماخليت سجن ساجنين بي دواعش ما رحتله وطلبت كل واحد اسمه حيدر حتى لو ما اسم ابو حسن بوكتها وصلت شكيت يجوز أنتِ ما انطيتيني اسم ابوج الحقيقي وخفتي منا وكلت حقج...ومن جنت اطلب الاشخاص الي بأسم حيدر اكعد استجوبهم واسألهم على منطقتهم واهلهم وصلت بيه اسألهم واحد واحد بايع اختك منطي اختك الداعش يعني بوكتها تسودنت بس حتى الكيج
والكه حيدر وعن طريقه اوصلج... هالكلام مايهم هسه وكلتلج ما خليت سجن بي دواعش ما دورت على اسم حيدر وما سألت حتى اوصلج لكن ابد ما لكيته اسم حيدر حسن مالكيت اكوو جثير دواعش شردو واكو يفترون ورجعو الحياتهم الطبيعيه رحت البيتكم بالموصل أكثر من مره اشوفه ع نفس حاله لا احد جايله ولا احد داخله
وما مليت ادور على حيدر لحد ما لكيتج وطلبتي ادورله وزاد اهتمامي بموضوعه وعباس وياي اكيد تالي ما تالي عن طريق داعشي مسجون بأحد سجون بغداد سألته طلع يعرف اخوج كعدت استجوبته كال ب 2015 شردو هوه وكم واحد من التنظيم وأكثر الدواعش من شافو الوضع هيج شردو للحدود ويطلعون الغير دول ويخلصون لان لايكدرون يبقون بالتنظيم يتذبحون اول تالي ولا يكدرون يسلمون نفسهم خاف ينسجنون مأبد .
طلعو للحدود بأتجاهه البحر حتى يشردون ويكول واصلتهم اخباريه للجيش الي موجودين على الحدود انو دواعش شتردين هاجمين عليهم ورامين عليهم كلها منصابه ونصهم ميتين وبس ثنين شاردين من بينهم
دنيا:- من كالها احس انقبض صدري وروحي توجعني كلش احساس بداخلي اول مره احسه بحياتي هيج اتمنى اموت وما يكمل عصررت ع ايدي حيل ومغمضه
كمل:- والي مصابين كلهم ميتين واخذت تأكيد على الكلام ضل بالي يم ذول الاثنين كلت يجوز واحد منهم اخوج حيدر رجعت للداعشي الكالي عليهم سألته واستجوبته شلون اكدر اوصل لهذول الاثنين الشردو ومنو يعرف وين شردو طلب يكلي بس بشرط أطلق صراحه واطلعه من السجن خليته بغرفه التعذيب عذبته طلعت روحه وما حجه وماكو ع لسانه غير من اطلعني اكلك ثلاث ايام حارمه الاكل والشرب واعذنه ونتناوب علي أنا وعباس عسى يحجي تالي ما تحمل التعذيب وحجه كال بفلان سجن مادري اذا لحد هسه ضال لو منهزم لو منعدم بس بفلان سجن شخص جان مهم بالدوله اسمه فلان ولقبه فلان ذاك جان عنده معلومه منو ذوله الاثنين الشردو للخارج
رحنه أنا وعباس للسجن الكاللنه علي وطلبنا وكذالك استجوبنا ما سولف ولا انطه ونفس المنوال عذبنا لحد ما كال اسمهم وطلعو مو اخوج حيدر منهم كلت اسم اخوج كال من ضمن الي ماتو واكدلك الكلام لان شفت جثثهم مشموره بعيوني
عصر ايدي:- دنيا اخوج راح الدار حقه الي كلنا يجي يوم ونكون على هذا الطريق حيدر ميت من خمس سنوات
دنيا:- كال الجمله احس انضربت ع راسي ودموعي صارت تكت وهوه لازم اديه دنكت خليت راسي ع ادي وابجي بصوت عالي يبقى اخووي شما سوه بيناتنه صله دمم احن اله اذكر ايااامي مو قليله هو اخوي الوحيد وسبحانه الما يغلط ما اكول اكدر انسى السواه بيه بس ابقى احبه كونه اخوي الوحيد جنت اشتاقله وارجع اذكرر السواه بيه ارجع اكول يبقى بعيد مني ولا يجي ويذكرني بكلشي سواه يبقى بعيد بس اطمن هو عايش بخير ومادريت اخوي الوحيد صار خمس سنوات ميت يعني خلصو عائلتي كلهم راحوا عائله حسن بي دنيا بقت تشم الهوه كلهم توسدو التراب
