روايه احببت منقذي (داعش)
(بقلم) أساور احمد
لو ذيج الليالي تعود
ولو شطنه الجزر يومين خنياب
ويرد صيهود
جنت اصرخ
يهل غراف ماتغسل گلوب السود
_____________________________________
مشهد من البارت السابق (للتذكير)
هنا من صدك الله ذب عليه ضحك صرت اضحك واكح وابو جمره هم يضحك ذاك طلع وساعدني ابو جمره وكعدني عدلت كعدتي
- شلون صرتي
-احس احسن وحرارتي هم زينه
مد ايده لكصتي:- اي نازله حرارتج
سوالي لفه وانطاهه بيدي وصرت اكل بيها وهوه ع نفس كعدته كبالي وبيده جهاز مثل الاسلكي يفتح مدري يصلح بي واني اكل اندك الباب
صاحو:-سيددي ابوو جمره..
_____________________________________
بسم الله الرحمن الرحيم 🌹
دنيا:-جاي اكل وهوه مدري شيسوي بيده جهاز مثل الاسلكي يفتح بس اندك الباب وواحد صاحوو سيدي ابو جمررره كام ابو جمره ع سريع وطلعو اسمع كلامهم بس ماافهم بقيت اكل لما شبعت وبقه من الاكل رجعت ضهري للحايط واني كاعده وافكر بهاي الدنيا وهل ضروف الوصلتني هنا
دخل الضابط سريع وفات من الباب الثاني جوه للبيت واسمع يضرب ويحاول يفتح بشي حديد صاح ابو جمره:- يلاااا حاول تفتحه
ويردله:- مجلب ماينفتح طعجته ومانفتح لازم يدخلون من باب المدخل
وأبو جمره يكله حاول نوب وهوه يضرب ومادري شنو مايكدر يفتحه وكاله والله ماينفتح دخل أبو جمره باوعلي وكال:- تكدرين تكومين تروحين
-وين ؟
- للمطبخ بس شويه يريدون يدخلون الولد عدنه كم شغله بالغرفه نريد نطلعهن
كتله تمام هوه صار يحجي بالاسلكي ويكول:- راح نطلعهن ونجيبهن بدينه شي ساعه ونكون يمكم ماشي
- بس سيدي استعجلو مابقه عدنه راح يحاصرونه
صاح:- كتلللك ساااااعه ونكون يمكمممم حاولو لاتررمون جثيرر ويروح خسارات احنه راح نجيبهن وباجر الصبح راح توصلنه مساعده وجبه جبيرره فهمتت ساعه بس ونكون يمكمم
- حاضر سيادتك منتضريكم
- تمام
نزل الاسلكي من يم حلكه وباوعلي واني لسه احاول اللزم الحايط واكوم بس عاجزه رجلي ماكدر احركها من الخياط توجع وجع دمار
هوه شافني وكال:- بابا ماتكدري توكفين وحدج ماجان تكولين تحاولين ادوسين على رجلج المخيوطه منو يكول ماانفتك الخيط
يحجي بعصبيه وانزعاج ماجاوبت نزلت راسي اخذ نفس وتقدم مدلي ايده:- تعالي شوو تعالي خليني اعاونج واوصلج
لزمت ايده وخله ايده الثانيه ع ضهري ورفعني وكفني شطوله وكال:- امشي على كيفج ورجلج لادوسين عليها لاينفتك الخياط
- تمام
صار يمشيني على كيف واني لازمه ايده وصلنه للباب اليفوت ع البيت طلع بوجهنه الغثيث
هم ابتسم وكال:- احم اححم
مدري شماله
ردله ابو جمره بعصبيه وخزره:- وسسسم روح كوللهم خل يدخلون يطلعون الغراض راح ادخلها اكعدها بالمطبخ لبين ماتخلصون
ذاك ضحك وكال:- امرررك سيددي
فات من صف ابو جمره باوعله وكاله:- ثولل
هم رد ضحك وطلع حتى اذا احد يغلط علي يضحك شكد غبي مشاني دخلني للمطبخ جان كرسي واكع عدله وكعدني وكال:- شوفي عدنه كم شغله نطلعهن والشباب راح يفوتون انتي ضلي هين بس شي نص ساعه من نخلص ارجعج لمكانج تمام
- تمام طلع ورد الباب ورا اسمع اصواتهم ومشيهم وضرب رجليهم بالكاع وهمه لابسين احذيه حشد الباب عالي شويه من جوه واكو مسافه كلش جبيره اشوف رجلين تطلع وتدخل ونبره صوتهم العالي واصوات هيج حدايد
صار عندي فضول اشوف شيطلعون كمت ع كيف اكمز رحت يم الباب وكفت ع صفحه حتى لايشوفون رجلي من جوه الباب فتحته ع كيف وبعيين وحده اباوعلهم اشوف يطلعون اسلحه كومه من الغرفه البيها زوالي وثلاث لابسين ملابس عسكريه طلعو شايلين زوليه ملفوفه ع كتافهم
واحد منهم كال :- سيدي القنابل والهاونات
ردله الضابط:- هاونات ضال يمكن جم وحده باجر راح يوصل الدعم بس القنابل تلكاهم بصف المجمده لو بطنها مدري وين خلوهن الولد
طلعو شايلين قنابل وهاونات ضلو رايحين جايين يطلعون اسلحه وبالاخر طلعو ثنين شايلين قناص شكبررره اسود حتى شكله يخووف مثل ذني البلافلام
بعد مادخلو يمكن خلصو رجعت لمكاني واني اكمز لايجي ابو جمره ويشوفني اباوعلهم بدون علمهم
ضليت كاعده وهمه ماكو بس اسمع اصواتهم برا بس بعيد تقريبا نص ساعه وفتح الباب الضابط
وكال:- هاا زمن يلا كومي ارجعج لمكانج احم ابو جمره مشغول دزني انه
- اسمي دنياا مو زمن
- خايبه انه اسمي ماذكره بالعباس تريدين اذكر اسمج بس اسم زمن احلى من دنيا خليني اشوف ابوج اكله غير اسمها وسميها زمن دنيا مو حلو الاسم ثكيل ويكولون لصاحبه دمه ثكيل
