احببت منقذي (داعش)
(بقلم) : اساور احمد
قمرات لاتنسون التصويت ومتابعه للحساب وتعليقاتكم الحلوه ع كل فقره 🖤
..............
عيش وي الناس يومك
بوسهم
بلل گلبهم
وضحكلهم
وحته لو زيت السفن صك عله گلبك ضل نضيف
_____ _ ___
مشهد من البارت السابق (للتذكير)
أبو جمره شال القناص وثبته علي وسحب اقسام كال:- هسه افرغه براسك اطلع
- يول اهدااااا شبيك تخبللللت أنا عبيس طااالع طالع
ضحكت طلع عباس وأبو جمره باوعلي وكال:- ديري بالج على نفسج ولاتكومين لاتنصابين
هزيت راسي طلع ويه ماطلع صار انفجار قوووي من قوته احسه بنص البيت شباك الغرفه البصف هاي الغرفه اله انفجر وصوت الكسر عالي من صار الانفجار عطت ووكعت بالكاع وغطيت اذاني....
________
بسم الله الرحمن الرحيم 🌹
دنيا:- من صار صوت الانفجار عاليي حيللل يمكن كبال البيت وكعت بالكاع وعطت وسمعت صوت كزاز انكسر بصوت عالي تخبلت بالكاع ومغطيه راسي بديه وابجي واصيح ومن صار الانفجار سمعت اصوات عاليه:- اااااالله اكبرررررر
متت صار رمي وقصف وانفجارات انفجار وره انفجار والرمي والقصف واني مستمره اعيط وابجي:- راااااااااااهب راااااااااهب وينكككككك تعاااااال عباااااااااس ياااااااالله عبااااااااس وينكمممم شصااااار
اعيط واصيح اكيددددد صارلهمممم شي اكيددددد لاااااا لااااا
راااااااهبببب عباااااس فدووووه تعااالو وينكمممم
منزله راسي ومخليه اديه فوك راسي ونايمه بالكاع من صوت الرمي والقصف واصواتت كووومه وكل ساع احس طلق يجي بحياطين البيت واتخبل واصيح أكثر وماكدر اكوم كالي لاتطلعين خطررر يااااربي يااااربي احميييهم يااارب احميهممم
مر ساعتين واني ع هالحاله والرمي والانفجارات ابدد ابدد ماوكفت ولا احد منهم اجه تخبلت اريد اطلع خايفه بنفس الوقت واسمع اصووتهم هاذ يصيح تعال جاي وذاك يصيح رووح على ذاك الطرف وحتى صرت اسمع يكولون:- يااااااولد ملازم وليد استشهددددد
ونوب يصيحون:- العسكررري احمددد انصاب الحكوووو
متت وكلت اكيد راهب وعباس بيهم شي اكيدددد ليششش مااجوو ويعرفوون اني اخااااف يعرفوووون راههههههبببببب وينكك راااااااهب يااااااالله اخخخخخ
وابجي واصيح بخبال عقل مااابقه براااسسي متعجبه شلوون عايشه لحد الااااان بهااذ الخووف متعججبه بنفسي
صارو كل ساع يصيحون فلان عسكري استشهد فلان ضابط تصااوب فلان ضابط استشهددد واني ادعييي لااسمع اسم واحد منهممم ابجي وادعيي ماريد اسمع اسم واحد منهم ابددد
مرت ساعتين انوب واني ع نفس الحاله احس اختنكتت بعد ماكدر اتنفس وريحه الباارود قوويه وتلعبب النفس بين الرمي والضرب والانفجارات جان اسمع صوت ابو جمره يصيح:- عباااااس يااااااولد عبااااس تصااااوب الحكووو
تخبلت من هيج سمعت صرتت الطم واضرب على وجهي واصيح :- عبااااااس لا لا عبااااس لا دخيلك لاااا يااااالله عبااااااس ياااارب احميييي لاتخليي يصيرله شي لااااا عبااااس
اجاني صوت ثاني صاح:- سيدي ابو جمره عبااااس استشهدددد
