روايه احببت منقذي (داعش)
(بقلم) :اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
..................
وتدري
مـن تگبر على شـفافك ضحكتك
يكبر بگلبي آلهوى
___-_____
مشهد من البارت السابق (للتذكير)
باوعتله وخزرته وطلعت وبس اسمع ضحكته ورايه ياربي لو هسه حاجيه لأحد زين فاطمه وين صرت امشي والصاله الفوك مابيها احد وصلت للدرج وكفت فوك رفعت تلفوني اتصل بفاطمه حتى تجيني اني اتلبك فاهيه ع كوله عباس هيه تعرف شتحجي طلعت رقمها واجيت اتصل عليها وماحس غير احد دفعني من وره ووكعت من اخر درج
________
بسم الله الرحمن الرحيم 🌹
دنيا:- ويه ما رفعت التلفون حسيت ع أحد دفعني ووكعت ويه وكعتي صحت:- ررررررررراهب
وكعت والدرج عالي واصيح وادعبل من الدرج لنص الدرج وبعد فقدت مادري بالدنيا وما فتحت الا واني بالمستشفى فتحت عيوني شويه شويه واحس اكو الم بعيوني وبراسي وجع قاتل فتحت ووضحت الرؤيه عندي واول شخص شفت وجهه راهب صرت ابجي لزم ايدي كلهم موجودين وصارو يتحمدولي ويسألوني صارت تبجي خالتي وكالت:- شلون صرتي يمه كلبي راد يوكف شجاج شلون وكعتي
ابو احمد:- عدت على خير الف الحمدلله على سلامتج بويه الحمدلله ما صابج شي زينه انت
كلهم صارو يسألون عليه وعمو علي بأس راسي وتحمدلي بس اني راسي يوجعني هواي حتى عباس واكف تحمدلي من بعيد واشوف القلق بعيونه باوعت لراهب الواكف بصفي يم راسي اباوعله وجهه مدخن وعروكه طالعه تعودت علي من يعصب لو يقلق لو يخاف على شي هيج يصير شكله من باوعتله وابجي دنك بأس راسي وكال:- شلون صرتي
بجيت:- راسي يوجعني هواي راهب راسي موتني
راهب:- هسه شويه ويطيب على العلاج واطلعج من المستشفى بس تحملي شويه
كالها وخالتي صارت تمسح بدموعي واشوف راهب عيونه بيه ومن العصبيه والقلق عيونه حمرر وراسي لافينه بشاش مجروح من مكانين كالو وأيدي هم لافينها وماعرف إذا كسر أو رض وجروح صايره برجلي وايدي من الوكعه كلت :- اريد مي
من كلتها اخذ البطل راهب وكال:- شو باباتي خلي اساعدج اشربي
كالها وصار يخلي ايده ع كيف جوه راسي رفع راسي ع كيف شربت ورجع راسي يوجعني اقوه صرت ابجي أكثر واصيح من راسي عباس طلع يصيح الدكتور اجه وشافني وكال:- من الجروح ماهلكد يوجعهه اكو من قبل شي براسها أو وجع لو متعرضه لحادثه ومتأذي راسها
راهب:- اي دكتور اكو براسها عده مشاكل ومن بينهن الشقيقة وتشابك شرايين الراس وجاي تتعالج ع هالمشكله ويمكن من الوكعه هيج جاي تتأذه
الدكتور:- تشابك شرايين الراس ؟ من شوكت ولشنو متعرضه حتى صاير عدها تشابك بالشرايين
راهب:- متعرضه لصدمات دكتور من عده سنوات وما جان اكو الدكتور اليعرف يعالجها صح وحاليا جاي تتعالج عند دكتور وعرف شنو نوع مرضها وجاي تاخذ علاج
الدكتور كال:- خوش شرايين الراس مو شي سهل ويأدي للوفاة ولازم تتعالج صح وهسه ننطيها مسكن لبين ما يهدء الوجع ويروح
مكال شي صار يخلط بالابرة وضربها بالمغذي واني اباوع لخالتي وعمو علي مستغربين كلام راهب من طلع الدكتور جانو بس خالتي وفاطمه وام راهب وأبو وعمو علي وعباس كال عمو علي:- بويه من شوكت عرفتي صاير عندج تشابك بالشرايين؟ احنا اخذناج ولكومه دكاتره وماذكر فد يوم واحد منهم كال هالكلام
باوعتله وكوه احجي ردت ارد كال راهب:- أنا اخذتها ابو احمد حجتلي وره العقد وگبل لا اتصاوب اخذتها لدكتور اعرفه واختصاصا لهل امراض ومن سوالها التحاليل عرف هالمرض وجاي تاخذ علاج وتكول اكو فرق ع العلاج
كاله عمو علي:- بويه مادري شلون اشكرك والله ماخلينا دكتور ما اخذناها وأحمد هم ماخلا اي دكتور يكولون علي زين مادز تحاليلها بس جانو ينطونها علاج ولا يوم واحد منهم كال هالكلام
راهب:- لاتشكرني عمي هي مرتي ومن واجبي وانا هم من حجتلي الجاي تمر بي هم ضليت ابحث وادور ولكيت والدكتور وهو هم اول مره ما انطه ضمان لعلاجه وكاله ادزها للاردن بس على علاجه تكول احسن الحمدلله
- الحمدلله بويه الحمدلله احنا شنريد بس تتعافه والله العظيم كل ما يصير عدها صداع وتجيها الحاله يصعد عندي الضغط من اشوفها هيج وماكدر اسويلها شي لو الكيلها العلاج الزين
راهب:- سولفت وكالت ماخذينها على كومه أطباء وما كادرين يعالجونها أن شاء الله على هذا العلاج مايضل بيها شي
-ان شاء الله بويه أن شاء الله
كالها وطلع الدكتور وطلعو وراه عباس وراهب ووراهم طلعو عمو علي وعمو محمد ووياهم هم ولد ابن عمهم بقو يمي فاطمه وخالتي وام راهب واني متأذايه من راسي اجت فاطمه يمي:- شلون صرتي يروحي غير تنتبهين من تنزلين
نزلن دموعي من الالم وكلتلها:- احد دفعني من وره فاطمه
فاطمه:- شنوو منو دفعج؟
ام راهب:- شني يمه ياهو الدفعج ما شفتي
-مادري خاله مادري بس اني جنت واكفه واتصل حسيت ع أحد دفعني من وره والله
