روايه احببت منقذي (داعش)
(بقلم) : اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
.......................
انته يالصحوات الاوله من السكاره
انت شيطانك
اذنوب ابليس ماترهمله جارة
واني عابد واعرف الله
وعيني ماتعله المناره
__________
مشهد من البارت السابق (للتذكير)
وكملنه كامل شويه وسمعنه صوت الزفه اجت وكفت بوسطى الصالون ومنتضره زوجي وشريك عمري وحياتي يجي وياخذني وكلبي يدك حيل وأيدي ترجف وانتضر دخلت راهب بفارغ الصبر وكلبي نبضاته تنسمع واحس نقطع النفس هاللحظه مادري شلون اوصفها فاطمه كالت اجه ديري وجهج درت وجهي وانطيته ضهري ومبتسمه ومغمضه
__________
بسم الله الرحمن الرحيم 🌹
دنيا:- لازمه المسكه وعاصره عليها بيدي ومتوتره وحسيته وكف ورايه وكبالي زهور والبنات واكفات ندس جتفي وكال:- دنيتي ديري وجهج
ضحكت وغمضت خجلانه والبنات يأشرن ما ادير خلا ايده ع خصري ومشاها بهدوء ع بطني مغصتني بطني لزمت ايده وخجلانه هواي دارني علي واني مدنكه ومبتسمه وكلبي نبضاته تنسمع رفع راسي بأيده وباس راسي فتحت عيوني واني اباوعله صافن بوجهي ومبتسم وعيونه تدور ع ملامح وجهي واني خجلانه ومنزله عيوني مسح بأصبعه ع خدي وبعد كذلتي من عيوني دنك بأس عيوني وهمس :- نٓعمه من ربي رزقني بيج
ابتسمت ورفعت عيوني اباوعله لابس ومتأنق مثل أي عريس كالي :- الف مبروك روحي
كوه نطقت وخجلانه:- الله يبارك بيك
كال :- غطي روحج حتى نطلع عمري
هزيت راسي واجت فاطمه لبستني البرنص وخلته ع راسي هوه حتى ع وجهي نزله واحجي واكله:- ايييي راهب ششوف راح اوكع اختنكت وبعدين اريد اشوف السيارات والناس هاي شبيك
-انجبي أنا امشيج ما توكعين
حاولت ماقبل لزم ايدي وطلعنه ويه طلعتنه كبال الصالون هوه شابك ايده بأيدي قرب عليه:- أنا يمج روحي لاتخافين ابد أنا يمج
هزيت راسي وصارو يرمون عصرت ايد راهب واحاول اهدي روحي رمو كم طلقه ووكفهم راهب مشى ومشاني للسياره صعدت ومشت السيارات ومشغل اغاني وذنيج الاجواء الماتنسي وراهب فرحان ومشغل اغنيه (راح اركص واصيح بعلو حسي خلي الناس تدري اليوم عرسي)
فرحان ويردد ويه الاغنيه واني اركص ويا ودخلت بالجو نسيت القلق والتوتر وكومه سيارات حشد ويانه وعساكر اصدقاء راهب كلهم موجودين واي سيطره نفوتها يبقون يرمون ويعرفون عرس راهب واني لان راهب يمي وصوت اغاني كل مايرمون يلزم ايدي ويمسح عليها ويكلي لاتخافين واني من صدك ماعرف من اكون ويه راهب ما اخاف من شي ومن رمو لأن لزم ايدي حاولت اهدي روحي واضيع مسمعي وبس اندمج ويه راهب وعباس صاعد ويه شباب ربع راهب وطلع من جامه السياره هوه وواحد ويا ويركص ولازم السلاح ويرمي لعب جوله احلى زفه صارت ولحظات من العمر متنسي وصلنه
الاستديو التصوير رجع نزل البرنص ع راسي ودخلنه اخذنه كومه لقطات وكل لقطه احلى من الثانيه وحتى لقطات جريئه واني خجلانه وارفض وهوه ولا باله والمصوره تكلي لاتخجلين عادي كملنه لقطات الخاصه وصارت العائله تدخل الياخذ ويانه صور
