روايه احببت منقذي (داعش)
(بقلم) : اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
......................
بإيديك
اجرح جروحك لو ردت تجرح
بإيديك
و لا بدين الغير جرح الغير ماينصح
________
مشهد من البارت السابق (للتذكير)
دنكت وماحجيت واني خجلانه نوبه كاعد كبالي بس بالفانيله التعلاكه ومنا هوه شضخمه وعضلات ايده وصدره طالعات صرت انكمش شوي شويه من الاكل لان اكلت ككو اواحس ملا معدتي
لشويه كملت وبقيت كاعده هوه كمل وكام يغسل شلت الصينيه اخذتها للمطبخ شلت الاكل وخليته بالثلاجه وخليت القوري ع الناس ووكفت اغسل بالمواعين كملت درت وجهي حتى احط المواعين بمكانهم شفت راهب ورايه
___________
بسم الله الرحمن الرحيم 🌹
دنيا:- درت وجهي شفته واكف ورايه ويباوعلي
كال:- لوزايتي كملتي؟
-بس اجيب الجاي واجي
هز راسه وجان اكو فوك الميز اوراق وجنطه سوده صغيره اخذهم وراح خليت كلاصين جاي ولو اني مااشربه بس احس اكو وجع براسي اخذت الجاي شفته كاعد بالكاع ومنتجي ضهره ع القنفه وماد رجلي يكلب بالفون وبصفه الاوراق مفروشات شافني خلا الفون ع صفحه انطيته وارشرلي اكعد بصفه كعدت شويه بعدين اخذ الجاي ومني وصار يشرب كال:- اي احجي
-شحجي؟
- مو جنتي دنيا حسن شو هسه دنيا علي؟
عدلت كعدتي وكلت:- ها تمام راح احجيلك
كعدت وحجيتله كلشي ع تغيير الاسم لاسم عمو علي كملت كال:- ومن هاذ من جنت ادورلج بأسم دنيا حسن ماالكاج كومه اكو اسم دنيا بس الاباء اسمائهم غير
- اي اني هسه معروفه بأسم دنيا علي بس رغم هاذ الشي اني اريد ارجع اسم بابا اخليله مكانه كلش عاليه بحياتي اريد ينادوني دنيا حسن وارفع راس بابا حسن
احجي ويباوعلي ومبتسم كال:- ويمته ترجعين اسمج لو مامسويته لحد الآن اروح لتكريت سبوعين واجيج أنا اخذج احول اسمج
- لا رحنه اني وأحمد وكملنه كامل وكالو شهر ونص تجون انوب يعني سبوع الجاي نروح
- أن شاء الله جا خلي تطلع كبل ماانزل حتى كبل اخذج واعقد محكمه وشهر الجاي العرس بعد مابيه حال انتضار عايش بالضيم
ماحجيت شي بس خجلانه كال:- ولو راح اتعبج بس تكدرين تروحين للثلاجه اجيبيلي حب وجع راسي انفجر من الوجع
- ادلل
كمت للمطبخ اخذت حبايه من الثلاجه وكلاص مي ورحت شفته يفرك براسه بأيدي انطيته شربها وبقه مدنك ويفرك براسه كعدت بمكاني خليت ايدي ع كتفه:- راهب بيك شي ؟؟
رفعلي راسه عيونه حمر ومبين نعسان ووجع راسه قوي كال:- لا مابيه بس وجع راس شويه يخف واكوم اخذج تكدرين تنتضرين ربع ساعه ماكدر اسوق وانا راسي يوجعني ودايخ
هزيت راسي:- ماكو مشكله
بقى ع كعدته ويفرك براسه ماكدرت هيج اشوفه كتله:- راهب تحتاج شي
-لا
- خلي اسويلك مساج حتى يخف الوجع
باوعلي وكال:- مايحتاج وانا وعدتج ما اللمسج هسه دقايق ويخف الوجع عادي
- عادي انته وعدت بس اني ماوعدتك ما اللمسك تعال راهب خلي اسويلك حتى يخف الوجع وتاخذني للبيت
