روايه احببت منقذي (داعش)
(بقلم) :اسارو احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
..........................
وشعجب شحن مكاتيبه علي
ومابعد للحب اثر
الگلب ااه الگلب
شتله بجزيرة يحلم بمزنة مطر
__________
مشهد من البارت السابق(للتذكير)
صرت اركص وياهن موتنه روحنه بالركص وفرحانين والهلاهل وكذالك كالعاده راهب ما قبل وعلي صوت الاغاني هواي وخاله ام راهب مجلبه بدنيا وتمنعها تركص وذيج احتركت تريد تركص ونضحك عليها
شويه وكالو راح يدخل العريس البنات غيرن الاغنيه
_________
بسم الله الرحمن الرحيم 🌹
دنيا:- بعد ما اخذني راهب لبيت خالتي شكد تونست وياهم كل الايام مشت بونسه وفرح وضحك وهمه متونسين على جيتي ما اكول زهراء ماتسمعني كلام لا تمسعني ومطنشه ليش الكلام شيأثر بس أغث نفسي ع الفاظي واعرض روحي واطفالي للخطر
وصرت من اكعد بمكان وتسمعني كلام اكوم واخليها هم عماتها ونسوان عمامها ماقصرن ومن كالن حامل قبل زواجج شكد انهضمت والدمعه صارت بطارف عيني يتهمن بدون لايعرفن بس قبل لايكملن تهمهن وذمهن زهور جاوبتهن وسدت حلكهن
مرت الايام ونطلع اني وزهور وخالتي وزهراء نجهز الزهور وعباس هم اتصل بيه ويكلي اشتريلها كلشي بنفسها لاتكول استحي لو عيب خلي تشتري
واني مثل ما وصاني اخويه اشتري من كلشي الها وراهب كل يوم ع اتصال وياي ليل ونهار ويسأل اذا مرتاحه أو اذا زهراء تسمعني كلام واني اكله لا وبيوم رحنه للصالون حفتلي ونضفت وجهي وكعدن يصبغن شكد بنفسي اصبغ شعري بس مايقبل كالت زهور كليله رحت اتصلت بي رد:- الو
-راهبي
-روح روحه
-حبيبي طلب صغير وبس بلسانك توافق علي وكافي
-اي روحي كولي
-شسمه البنات كلهن يصبغن شعرهن واني بنفسي اصبغ واغير من لونه شويه شنو رائيك ؟
- ممنوع اولا ماتصبغينه ثانيه مو زين عليج ومو حلو
- عوفنا هسه يعني لو اريد اصبغه شي يوم حتى لو وره ولادتي راح تخليني؟
- اكيد لا
-ليش؟؟ ادري شعرك لو شعري
-شعرج بس ملكي أنا أحبه هيج وماقبل تصبغينه وياج وبالج تعاندين و تصبغينه تتعاقبين
- شنو يعني شعري وماعندي حريه بي ماعليه اصلا تريد اكلك حتى صبغته بس كلت انطيك علم
من كلت هيج ماحس غير عصب ويصيح:- دنيااا اندمج ومحمد لاتعاندين وتسوين شي ما رايده كايلج بطلي عناد وإذا صابغته ترجعين يم الصبغته الج وتخلينه تخليلج شي وتوخر الصبغ ومحمد لو رجعت وشفت الصبغ بعده اندمج واندم الصبغته الج خووش
غثني سديت التلفون بوجهه ادري لو احجي اكبر المشكله هم راح اسويلي زعله شنو هوه شعلي مو هاي نور جاي تصبغ شعرها واحمد مايكول شي ..رجعت يمهن وزهور تضحك عليه كلتلها وكالت لاتصبغي وشعرج حلو كعدت ع صفحه ومطنكره دقايق واتصل ما جاوبت نوب دز مسج كاتب جاوبي ورد اتصل رفعت التلفون ورحت اجاوب فتحت خط وبقيت ساكته:- صغيروُني
-خيرر؟
-احبچ ولج الفاهيه
-اني ماحبك يلا روح زعلت
-بوويه كلشي ولا زعل فاهيتي أنا ماكدر احمله احسى ثكيل على كلبي يا روحي أنتِ غير ما اخليج لأن شعرج حلو وعاجبني ولونه يموت ليش تخليله صبغ وكيميائيات ويتضرر شعرج ومحمد ماكو احلى من شعرج
- عجبتني كومه اصباغ وتمنيت اصبغ
- روحي أنتِ شفايده تغيرين لونه ويتضرر ذني كلهن بيهن مادات كميائيه وضررهن جبير على راسج عوفيهن خل يولن أنا احب شعرج مثل ما هوه
- هيج برائيك ؟
- اي عمري وروحي أنتِ احبچ نَعمتي
-ههههههههه فدوه شكد احبك من تكول نَعمتي
- صدك نعمتي أنتِ نعمه من ربي انطاج الي ولازم استعز بيج واحبج لأن نعمه ربي
-ههههههه احبك هواي هواي تعرف شلون تراضيني
- افااا مو بالحيف انا رجل الفاهيه وماعرف اراضيج
ضحكت وضل يحجي ويتغزل وفكيت زعلتي شويه وترخص وكال عندي شغل من افضى احجي وياج رجعت يم البنات خلصنا وطلعنا ولكينه زوج زهراء و يا زوجته زهراء هجمت علي موقف يكسر الكلب من صدك دموعي صارت تنزل بدون ما احس
