روايه احببت منقذي (داعش)
(بقلم) : اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
......................
والعزيز الـ يبتعد تكثر معزته
أبعد شما تبتعد تبقى انتَ انتَه
_________
مشهد من البارت السابق (للتذكير)
_________
بسم الله الرحمن الرحيم 🌹
زهور:- وره ما كشفو نبراسو وبرد كلبي من كتلوها راهب وعباس البربوك نوب سحوره شكد ينزلن المستوى دنيئ على مود الزلم وإذا احبه ميخالف هو مايريدني وتزوج واستقر أنا افرح من اشوفه استقر وشاف حياته وفرحان مو يكولون فرحته اهم من كلشي بس هاي مايهم فرحته او شي المهم يصير الها وملكها
بس خوش من انكتلت وبرد كلبي جانت فرحانه من طلعت دنيا من البيت وماتعرف الحفره الحفرتها راح توكع بيها
طلعنه من عدهم اني وفاطمه نمشي كلت:- منين جبتي الفيديو
باوعتلي:- لاتكولين لأحد سهام انطتني إياه
-صدك عفيه عليها اصيله ماقبلت على الغلط
-اي هاي مو مثل نبراس الحيه هاي طيبه وتكول من سمعت تريد تسحر دنيا واطفالها بالموت ماتحملت ولازم اخبركم بس خوش برد كلبي بيها
- هي هاي خالتها الاجت كلتي تشبهه بالتصرفات حتى انطي شبه بالشكل الها
-اي هاي واستغفر الله سمعتها مو زينه بس مادري اذا تسوي سحوره بس ماشفتي بأخذ الفيديو كالت اجيب خالتي ونجي عليج الكح**ب
-الله يبعدنا المهم خلصنه منهن
-الحمدلله وراح اوصي دنيا تدير بالها ع نفسها أكثر وتعلك هذا الحرز الانطاه الها السيد يحميها كلشي يصير
كالتها ومشينى بين سوالف عباس وتحشيشاته وفرحه راهب بدنيا واطفاله رجعنه للبيت لليل كاعدين اني وعباس بالغرفه وكال:- مسترجلتي شوكت تجيبين چنچ طولتي چثير أنا منتضر على نار بنيتي شبيج
-ههههههه صارلي يومين داخله بشهري وماتدري بأي لحظه اجيب
-جا أنا شرايد استعجلي
ضحكت وتمددت خليت راسي بحظنه دنك بوسني وخلاه ايده ع ركبتي ويمشيها بهدوء كلت:- لعد والغرفه الاختاريناها لسيدرا شوكت توصل؟
- باجر دكو عليه وكالو نجيبها ويشدونها جا هذي بنت عبيس مو ياهو الجان هي مايكون الها غرفه خاصه والعار قرودته عدهم يخسون
ضحكت:- تدري اليوم بردت كلبي بنبراس الكح** صدك طلعت بلا اخلاق
-خليها تولي الچلبه وعلي خالي عبد الكريم خوش رجال بس حرامات هذي طالعه من ضهره وحده سزز وبربوك نوب تريد تسحر زمزمي وقرودتها بالموت غير اشيلها وارگعها بالكاع
-ههههههه ماقصرت من صدك جنزتوها ودزيتوها للمستشفى زين هسه هيه شلونها
-شمدريني بس يمكن سمعت بعدها بالمستشفى وراح يبيتونها خليها لو ميته ودافنينها احسن الكح المني بنت الخوش اوادم انعل ساسها لابو تربيتها السگط تربيه برابيچ
-ههههههه شبيك انفتكت اسكت هسه بنتك تتعلم الفاظك
كالها تقرب بأس بطني وعضها دفعته كال:- بعد روحي هذي بنيتي أنا ادللها واعلمها تصجم بولد العار حتى يتخبلون عليها ويحبونها ويتعاركون التوم على اميرتي وانا احش بيهم وشويه اوكف ويه هذا وشويه ويه ذاك وافرق بيناتهم اي والله شنسوي الحمدلله
