روايه احببت منقذي (داعش)
(بقلم) : اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
............................
أدري بيّه الشوك مطفي وآدري مثل البيّه بيك
أدري شموصّيني جرحي
أدري لكن مدري يا شيطان بيّه اليشتهيك
_________
مشهد من البارت السابق (للتذكير)
عبالهم ماعرف عباس وخباله ابتسم راهب وكال لابو:- كمل بويه كاطعناك
ابو راهب:- اي يا بويه والحسين اغلى من ابوج ماكو ومن طرده ابوي من العشيره لا عبالج عفناه لا احنا
_________
بسم الله الرحمن الرحيم 🌹
ابو راهب:- اي بويه وحق هوه رب العالمين وهاي كلها شاهده على كلامي من امي اخواني اخواتي ما ابريلج ابوي الله يرحمه صح شوفي بوكتها حسن الله يرحمه جان يدرس وهو الولد الجبير لأبوي واكيد الشيخ من بعد ابوي
بس ابوج جان يدرس وكال ما ازوج واستقر لحد ما اكمل كامل وكمت أنا تزوجت صار عندي ولد وهو راهب وعشنه حياتنا ابوج جان بالشهر جم مره يجينه للبصره ويكول دراسته زينه وأبوي جان فرحان بي ويحجي ابني ببغداد ويدرس جان بس هو الشاطر ويحب الدراسه احنا ولا واحد طلعنه مثله كامت صارت سالفه ويه بيت عمي ابنه متكاون
ويه مادري منو وتدرين كبل كله كعدات وعمي متنخي ابوي على مود السالفه ومن رايحين للكعده وطبعا بيومها أنا جنت وياهم جان ابوي ياخذني ويا بكل كعده وفصل ومن حلينه السالفه بيومها عمي هده ابوي بنته لأخوي حسن ابوي ماكدر يرفض چي انهدت بديوان زلم وكلها موجوده وقبلها ابوي بدون لا يدري ابوج
وجانه حسن وأبوي ماخلا احد يكله ويكول لاتشغلون باله خلي يكمل دراسه ببال صافي والله مرت ايام وشهور وصار سنه ونص وابوج مايدري بالسالفه مال بنت عمي بشهر حسن جانه وكال نهايه الشهر استلم النتيجه واشوف المعدل واجيكم وهمين كال كال عندي وياكم سالفه هم والله بيوم الاجه ونباركله وفرحانين بي وأبوي جان مقرر يزوجه ويسلمه المشيخه من كاله خطبت بنت عمك انتفض ابوج وصار يحجي ويا ابوي وأبوي كاله هداها الك عمك ولازم تأخذها ابوج ماقبل تعارك وكال عندي وحده احبها ببغداد وانا اجيت انطيكم خبر حتى نخطبها
كلهم عارضو واولهم ابوي والله يرحمه الله يرحمه الجان يحرضه عمي وتعمد ينطي بنته چي يدري المشيخه لحسن وجان يعبي براس ابوي على حسن حتى يأخذ بنته وأبوي انطه مهله لحسن شهر ويقرر ويزوج بنت عمه حسن ماضل طلع وبعدين الي عرفته طلع بر ضل شهر ونص تقريبا ماكو
اجا بعد ما اجه ومقرر وحاسم السالفه وأبوي كعد وكاله شني القررته ابوج كال انت على عيني وراسي وكلامك عگال فوك راسي بس انا رايدها الي ببغداد وعاشگها وماكدر ازوج غيرها اعذرني.. ابوي تعصب وحسه كام وكال تكسر چلمه ابوك على مود مره وانا خذيتها من عمك بديوان حسن لا تسود وجهي بويه بس ابوج مارضى وكال انا هم ماكدر بويه كلبي يحبها ماكدر اعوفها
تالي ابوي من شاف ماكو فايده من كلامه ومصر على بنت بغداد كاله روح بس بعد تنسى عندك أهل تنسى عندك عشيره حكك سكطه والورث اهيج مالك منو دام تكسمر چلمه ابوك لخاطر مره روح وبعد لاتشوفني وجهك
عارضنه احنه الإخوان بس جان ما بيدنه كله بيد ابوي وانا جنت الوره حسن وعمري جان بالعشرينات رحنه أنا وأمي تنخينه عمامنه الآخر يهدون ابوي ومايطرد اخوي واجو علي وصارو يحجون ويا وكاللهم الي يريد حسن يروح ويا ولايشوفني وجهه وعمامي من شافو هذا كلامه كالو احنه شنكدر نسوي اخونا الشيخ على راسنه وحاسم الموضوع تريديون يتبرا منه همين
كالوها وانسحبو من السالفه وضل حسن هيج شكد ردنه سوينه ابوي ماتراجع وكله چي كسر چلمته وهوه لو يريد جان بدون ماتدري العشيره كعد اخو وسدو سالفه الهديه بس عمي الله يرحمه هو الحرض ابوي على اخوي وكاله اطرده من العشيره وهو يرضه وكله بس علمود حسن يصير الشيخ من بعد ابوي ويريد ينطي بنته ويصير كلشي بيده من كلمه كعده بديوان الا ابوي لو يريد كبل يلغي كلشي ويحب حسن چي اول ولد بس الترس عقله وحرضه على ابنه عمي مانكدر نكول شي لكن الله يرحمهم
دنيا :- يحجي ومركزه بكلامه وكلهم ساكتين وبس هوه يحجي عيوني غوركت واني اسمع شلون بابا جان يحب ماما وعاف اهله وناسه بس حتى يأخذ امي ويوفي بحبه ووعده الا
