روايه احببت مُنقذي (داعش)
بقلم: اساور احمد
و اتحمل تعَب گلبكّ.
ولا فَديوم أمِل منّك اظنّ تِدري .
و فَرفحْ رُوحي هَم أقبل .
مَا اگلك دكافِي و عيَب .
أنتَ وليِدي المدَلل .♥
نكول سلاممم عليكم ونرجعلكم ببرتوت خفيف ضريف ع القلب🥹
من روايتنه المفضله (احببت مُنقذي (داعش)
نبلش ونكول بسم الله الرحمن الرحيم
لاتنسون التصويت ومتابعه للحساب حبايبي
.............
- يابه انا كتلك اخر كلامي السالفه تنسدَ
- بويه جاي اكلك والله العظيم وربي شاهد على كلامي بس اسبوعين اسبوعين فقط سبوعين وتنهي كلشي
- هي انا ماراضي على السالفه كلها من الاول ورافضها لكن
نجي على بنت اخوك شتكللها؟؟
- انا ادري دُنيا عقلها جبير ومتفهمه وانا احاجيها وافهمها
-انت تحجيلها وتحرجها توافق وراهه شيصير راهب اليطيح بيها اصلا انا ما اقبلها بنفسي يايوم قبلت حتى هسه اقبل
- بويه الهدايه مو مثل الدخيله هذي اجتني دخيله هي وخالتها وكالت بس سبوعين خلوها عدكم لبين ما يدبر خالها جيته من الخارج ويحل المشكله وياخذها يتيمه بويه بدون اب وام
- دنيا هم يتيمه تريدني احرگ كلبها؟ وهي تتخبل ولا تشوفني بالغلط مخلي عيني على غيرها بويه ابلي غيري بهل بلوه يرحم والديك
- شلون يا يابه چا عليش سلمتك المشيخه وتصير من بعدي
فركت وجهي واستغفرت وكلت:- شوف يابه هي المشيخه بكبرها انا ما جنت رايدها بس الخاطرك قبلت واستلمتها هاي اولا ثانيه من المستحيل اخرب بيتي واقهر مرتي على حساب غيرها
- بس هذهِ بين الحياة والموت هادرين دمها بويه وخالتها حجتلي كلشي وكالت عمامها كارهينها من يوم التوفو اهلها وتهموها حتى يذبحونها
-بيتي مفتوح خيري موجود تجي اخليها ع الراس والعين معززه مكرمه لبين ما يجي خالها وهالشارب ازينه لو خليت احد يمسها وانعل ابو اليگربها بعد عليش لازم الا عقد
- بويه ما يصير لا تغشم نفسك شلون بنت غريبه تعيش ويانه وماتكربلنه هسه احنه ماعلينه هم شلون يقبلونها بنتهم تعيش ببيت لايكربونها ولا تكربهم جاي اكلك اعقد عليها مؤقت ومن يسألون نكول مرته ومحد يحقله ياخذها ومن يجي خالها طلكها وتروح ويا ليش مصعبها
كمت:- شوف يابه انت وكلامك على راسي واذا ناسي اذكرك بالسنين المرت شكد رفضت ولغيت وخلي احجيها الك بدون احراجات كلها على مود منو؟ على مود دنيا
والحمدلله لكيتها وعايش وياهه تريدني هسه بوجودها وحياتنه الهاديه هاي اخربها بيوم وليله ابدد بويه ابددد انسى السالفه وانطيتك كلام لو تخليها عليه اتصرف بطريقتي اخليهم يمشون ويحاجون نفسهم وراس جهاليي واخليهم ينسون البنت من ساسها
- ذول قانون مايمشي وياهم شغله عشائريه لاتسود وجهي كبال الناس ويكولون دخلتله بنت وطلعت خايبه ماصارت ولا تصير احد يدخل بيت الشيخ جواد دخيل ويطلب مساعده ويطلع بلا ما محلوله شغلته
