روايه احببت منقذي (داعش)
(بقلم) اساور احمد
والنظرة متاهة
وخوف يرضع خوف
من يهتز قفُل حسبالهم شاجور
_____________________________________
مشهد من البارت السابق (للتذكير)
شالني بيدي الاثنين جلبت بركبته ويمشي هم مركزين بالطريق وكل ساع الضابط يكله إذا تعبت جيبها خل اساعدك وهوه يكله لا لانوكف امشي والله غصون ساعتين ووصلنه ع بيت شكله مهجور
من برا بس جبير وأبو جمره كال واخيرا وصلنه
بس ماكو لا شرطه لاجيش مو كالو نروح يم الجيش
فتح الباب ودخلنه بيت كامل من جوه فتح الباب وغرفه كبالنه دخلنه ومابيها فراش راح الضابط جاب وفرشه بالكاع وأبو جمره نزلني ع الفراش
ردت احجي واكله وين الجيش اجه الضابط وبيده
_____________________________________
بسم الله الرحمن الرحيم 🌹
دنيا:- ردت احجي واكله وين الجيش اجه الضابط وبيده لاسلكي ويشغل بي
كاله أبو جمره:- شغله واتواصل وياهم كللهم احنه طلعنه وانطيهم مكانه خل يجون
- لحضه بس اشغله
شغله وصار يحجي. (D..H..S هل يتم التوصيل
جاوبه اعلم سيدي من جاوبه صار يحجي وياهم بصوت عالي ويدليهم ع المكان
اني كاعده بمكاني ولازمه رجلي كعد كبالي ابو جمره ع الكاع وانتجه ضهره ع الحايط وصفط رجل ومدد رجل اخذ الاشماغ من ركبته وشدها ع فخذه برجله المددهه يمكن هاي الجانت مصابه وصار يشدها قوي ع رجله
بقه مددها خله راسه ع الحايط وغمض عيونه اباوعله لئن كاعد كبالي ذاك الغثيث كمل كلامه وكال :- هاااا يول نمتتتتت
صاح صيحه ابو جمره فز من مكانه وكاله :- ابن الكلب هوه هيج اليصيح بس اكوم احد القندرااا بحلكك اكعد وانجببب
كاله:- هااا اهااا كعدت وانجبيت ارجعو نامو واني احرسكم صاير الحارس مالكم
ابو جمره رجع راسه ع الحايط وغمض هذا شافه غمض ضربه ع زنده قوي وصاح:- كمممم لا صدكت نفسك وجهه المطي
فتح عينه ابو جمره وكاله بنفاذ صبر:- هسه والحلل
- أنه أكلك الحل تعال حبيب قلبي خل انمدد أنا وياك ونام
وانتي شسمج هييي ززززمن موو
باوعتله صفح :- دنياا
- ماكو فرق الزمن والدنيا نفس الشي وطايح حضنه بيهن المهم كومي واحرسينه نريد نام شويه
بقيت اباوعله زكح:- كووومي لا نمتيلج خمس ساعات وشبعتي نوم ووراهه حتى مشي مامشيتي جبناجه شيل خاااتون
باوعله ابو جمره:- منو الشالها وجابها؟!
-اكيد انته بس أنه التعبت أنه وياك روح وحده انته التشيل وأنه الاتعب
- تدري انك تافهه وكلامك مابي اي معنى
- أنه ادري بروحي مايحتاج تكول المهم هسه شلووووووون ماانططمررر نعسااااااان نعسااااان تعباااان صااير مطييي من العتببب
- لاصيييح
- والله العظيم انه رايح انطمر وعسى لاصحيت وشفت هل شكول الزفره وابقو انته وياهه عسى ما ناركم تاكل حطبكم
تمسون عالخير
مدد وانطمر ولا فوكاهه يحجي كال أبو جمره:- لاتاخذين الكلمه بخاطرج ترا يقصد عليه بس هوه شويه لغوجي
هزيت راسي وماحجيت شي رجعت راسي ع الحايط وغمضت نعسانه وتعبانه وجسمي يوجعني بس ماكدر انام مادري ليش بقيت بس مغمضه وكل ساع اباوع الهم أبو جمره كاعد ومنتجي ضهره ع الحايط وغافي ومدد رجل ورجل الثاني صافطها وذاك الخ الغثيث مخلي راسه ع رجل ابو جمره السافطها ومدد ونايم بسابع نومه حتى يشخر
