روايه احببت منقذي (داعش)
(بقلم) :- اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
..........................
اختاريت ضلمة وهوة
واعبر انة وناكتي ال يلحكني موعاقل
والعطش يبقة عطش
يردوني اكولن نهر لو اموت ماجامل
__________
مشهد من البارت السابق (للتذكير)
- بلا ما افهمج ما ابقى عنده يجوون ياخذووني اني مو بنتهم يجووني باجر
كالتها وهيه تشهك بالبجي تخبلت واريد افهم منها...
__________
بسم الله الرحمن الرحيم 🌹
زهور:- بس فهميني شكو شصاير ليش كل هالبجي وماتبقين عند منو؟
-ا اكو غيره راهب
- هسه بدون بجي فدوه الج واحجيلي شبيج وشصاير بينكم وصلت تريدين تجينه
-هوه...
......
دنيا:-جنت منتضره راهب يجي واحجي ويا بموضوع دخل واني كاعده اجه عليه باسني وراح للحمام حضرتله ملابس طلع لبسهم وصار ينشف شعره بخاولي صغير كبال المرايه باوعلي:- لوزايتي وحافضج بلسانج حجي غردي اسمع
ذبيتله بوسه بالهوه:- احب الحافظيني ويفهموني
ضحك نشف شعره واجه كعد بصفي رفعني وكعدني بحظنه دنك بأس بطني :- احجي لوزه اسمعج
صرت امشي اصبعي ع مكان لحيته سحب اصبعي وعضه و كال:- لاتتحرشين واحجي كوه كاض روحي
-ادبسزز
ضحك كتله:- شوف راهب مو راح تلتحقون ومن تنزلون عباس مثل ماسوينه عرسنه وره يومين يسوي عرس؟
-اي
- واني كتلك انو زهور رايده اكون وياهه بالتحضيرات والصح اني هم حابه اكون وياهه بكل خطوه نفس ما جانت هيه ويايه وماعافتني ولا لحظه
-شوفي روحي اولا أنتِ حبله ومداريج بماي عيوني حتى تضلين بخير لحد ماتجيبين وبيت خالتج بنت خالتج موجوده زهراء وزينب هم تروح تضل اختها زين ذنيج هناك اليكرهنج لو سولج شي أنا بوكتها شسوي؟؟
-شبيك ما يسون شي شحدهن عمو واحمد يذبحونهم
- هي مو يكتلنج أو شي لايروحن يسمعنج كلام وتضوجين وسمعتي الدكتور شكال على الخطوره التصير على حياتج وحياة الجنين من تجيج الحاله وهسه أنتِ بداخلج روحين منتضرين يجون للدنيا وأنتِ امهم لازم ادارين روحج وتنتبهين زين على نفسج حتى يجون بخير وسلامه خايف عليج منهن وماريدج تروحين
- ماعليه اروح انته مو كتلي بالخطبه قبل العرس اجيبج تحظرين وياهه ماعليه اني اريد اروح
- يا عمري لاتعاندين جاي اكلج يسمعنج كلام وتجيج الحاله غير لو صارلج شي أنا أموت التحق ومن اجي اوديج عليها
- راهب تلتحق بعد كم يوم وسبوعين تنزلون اني البارحه عباس كالي أنزل ماكو يومين واسوي العرس تريد بهاي اليومين نحضر ونجهز لزهور وين نلحك واني وعدتها ولاتنسى زهور سندي بغيابكم وشكد وكفت وياي ضد اخواتها الي من لحمها ودمها هسه بأجمل ايامها ماتريدني اكون وياهه وهيه بكل خطوه ويايه والله بالخطبه تكول احس ناقصه لان انتي ماجنتي وياي بالتحظيرات
- افتهمج لو ما حامل أنا امنعج لا اخذج بيدي تغيرين جو يمها تحضرين وياهه بس افتهمي خايف عليج ينجمعن ثنينهن ومحمد لو اذنج غير اكلب الدنيا على راسهن بس هسه اسمعي الكلام ولاتعاندين وانا من نرجع اخذج يمها هي هم تعذرج حالتج ماتسمح انو تروحين يمها
كمت من حظنه و كفت كباله:- بس اني اريد اروح راهب انته وعدتني وجاي اكلك على مسؤوليتي اصلا ولا اتقرب منهن ولا اكعد وياهن والله ما عليه تاخذني قبل لاتلتحق اريد اجهز وياهه ومن تزل ميخالف تعال اخذني
- دنيا لاتعاندين روحه ماكو انسي
- شنو ماكو اني اريد اروح ماتمنعيني من عرسنا مره وحده بس رحتلهم من جنه ببغداد بقيت يمهم يومين زهور اختي وتؤم روحي شلون ما اكون وياهه بهيج ايام وهيه بكل لحظه ويايه جانت تاخذني قبل لاتلتحق وهمه مو كلهم أعدائي ترا خالتي وعمو علي اب وام الي جانو ولحد هسه همه هيج
