روايه احببت منقذي (داعش)
(بقلم) : اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
.......................
على طولك اشعلني
وصيح بيه الصوت
انه بطرك النفس بين الحياة والموت
________
مشهد من البارت السابق (للتذكير)
زهور:- احم انت راهب
- اي أنا راهب منو حضرتج
- اني اصير بنت خالت دنيا زهور
- اهلا وسهلا بس أن شاء الله ماكو شي دنيا بيها شي؟
- اي رايده اكلك
___ ________
بسم الله الرحمن الرحيم 🌹
كالتها واني كاتمه صوتي وابجي واتوسللها بعيوني واهز راسي حتى ماتحجي هيه تباوعلي رد راهب كرر السؤال:- خويه احجي دنيا شبيها؟ انتو بيكم شي
ماجاوبت وبس تباوعلي واني اتوسللها رد كال راهب:- الو وين رحتي خويه انطيني دنيا بلا زحمه عليج
كتمت الصوت كلتلها واني ابجي:- ابوس ايدج زهور لاتكليله ونبي تصير مشكله ومحد الينضر غيري والله ما راح اقبل على مرتضى اني من اول مره خطب وماقبلت وانتضرت راهب هسه تريدين بعد السواه وراهب موجود اقبل بي ونبي ارفضه بس لاتكليله الله عليج
بقت تباوعلي وراهب يحجي ويكللها صاير شي على دنيا اسمي ماوكع من لسانه فتحت الكتم وكالت:- ها خويه اسفه شويه النت ضعيف عدنه
راهب:- كولي بعد اخوج محتاجه شي و اول شي طمنيني على دنيا خو ما بيها شي
- ماتقصر خويه ودنيا لا مابيها شي بس نامت وطلبت مني اتصل عليك واكلك إذا اسوارتها واكعه يمك بالسياره أو بالبيت ذكره من امها الله يرحمها وغاليه عليها
- متأكدا هاذ هوه الموضوع الاتصلتي بي عليه
- اي هاذ واتمنى إذا لكيته تضمه يمك وبعدين تنطي الها
- تمام تدللن أنا ادورلها لو لكيتها اخليها يمي وبعدين انطيها لدنيا
- تمام مشكور خويه ماتقصر
- بس اذا دنيا كاعده ممكن تنطيها التلفون
دنيا:- باوعتلها ومسحت عيوني واشرتلها لا كولي نايمه نوب هسه يسمعني ويعرف باجيه وتعال اليقنعه كالتله زهور:- لا خويه نايمه من تكعد اكللها
-تمام اخذي راحتج
-الله وياك
كالتها وسدته كعدت ع التخم من الهبطه كلتلها:- كل عقلج تريدين تكولين لراهب وتصير مشكله
زهور:- هسه ماكلت بس وربج ما امشيها على هالساقط أني من ذاك اليوم وحلفت الا اكول لراهب على السواه ويجي يوم واكله
- زهور ماعليج عوفي السالفه اني بنفسي نسيتها خلي يولي والله حتى لو كلتيله وكتله أو سواله شي مراح تستفادين يمكن مرتضى من يعرف احنه الكلنه لراهب يسوي الأكبر وياي ماريد مالي خلكهم ثنينهم
- شنو يسوي الاكبر حتى اشك امه وربي بعد عيوني راهب رجع راهب وشحده اليلمسج وهوه موجود خلي يجي يخطبج عود بوكتها خلي يضل لازكلج حتى يكسره
بقيت كاعده واباوعله وأيدي لحد الان ترجف من الهبطه والخوفه خاف تكله وتصير مشكله كالت:- يلا كليبي كبالي تنزلين على ابوي تكليله ماريد مرتضى الخ** الا هسه ارجع نوب اتصل بي وهالمره لو تذبحين روحج الا اكله
محست وجهي بيدي وهزيت راسي وكمت نزلت وهيه نزلت وياي شفتهم ع كعدتهم شافتني خالتي كالت:- تعالي يمه اكعدي يمي شبيج وجهج ليش احمر
