روايه احببت منقذي (داعش)
(بقلم) : اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
........................
جبتهن بالتدرج هاي تدفع هاي
ومسايس عمر يا هاديَ اتهدّي
الم بيهن سنة وتفلت سنة من الخيط
طشة وما نفعها اتبلبسي وشدّي
___________
مشهد من البارت السابق (للتذكير)
صرت امسح بدموعي:- مادري خاله مادري دخت بس من كلامج كرهته لجدي وعمامي كلهم جنت متلهفه قبل واسئل ابوي عليهم بس مادريت همه هيج ماريدهم بعد ولا اريد ادور عليهم ماريدهم حركو كلب بابا الله ياخذهم
- لا ولج لاتكولين هيج
__________
بسم الله الرحمن الرحيم 🌹
دنيا:- وره ماكلت هيج كالت خالتي :- لا ولج لاتكولين هيج يضلون عمامج وحگهم يمه حگهم وحگ ابوج اني ماكدر اوكف ويه ثنينهم بس اكلج الغلط من الطرفين
مسحت عيوني وكلتلها:- حتى لو كان بابا غلطان غلطه شنو والله لئن حب بنت ووفالها بحبه هاي حسبوها غلط ابوي لو ما وفي ويوفي بكلامه جان ماهيج سوه وعاف اهله واجه وفه بوعده لماما واخذها يرحوله فدوه كلهم
مات مذبوح مات وهوه متحسر يشم ريحه أمه ويشوف اخوانه الي مايعرف شلونهم منو العاش بيهم منو المات مات واشوف ال حسره بعيونه وشوقه ل اهلها
خاله حتى جان يحجيلنه اني وحيدر انو شكد يحب أمه وأبو واخوانه وحتى جان يكول انو عنده اخت عافها جان عمرها سنتين ونص وكل مره يكول هسه كبرت ومادري شلون شكلها صار جان يتحسر خاله يتحسر ع شوفهم
كلتها وصرت ابجي هيه صارت تهدي بيه وانو الفات مات ومادري شنو بس خلاص مدام هيج مسووين ببابا بعد لا اريدهم ولا اريد اشوفهم كل مره جنت اتلهف اشوفهم ع كلام بابا الهم والشاهد الله ماجان يحجي الا بالزين عليهم ابد مجان يحجي انو ابو طرده لئن حب ماما
بس خلاص من اليوم ورايح لا اريدهم ولا اسئل عنهم اني ماعندي عمام لو يحبونه جان اجو ع بابا كل هل سنين هوه عايش وحده لا اخ لا اخت لا أهل يعني اني بنته لو اروحلهم هم يطردوني مثل بابا
كمت رحت للغرفه والليل كله ابجي واتذكر قبل بابا وماما وحياتنه وشلون اسئل بابا ع عمامي جان يسكت لو يصير يحجي عنهم و ع زينهم ما دريتهم هيج سوو بي
مرت الايام عاديه واني ع انتضار عباس وراهب
والموبايل رجعت علي مثل اول والهي روحي بي وكت ماعندي دروس حتى لا اصفن واتخبل ونزلت الانستا وفيس رجعت لحياتي الطبيعيه حتى صرت ابحث بالفيس والانستا بلكت الكه راهب وعباس الگه حساباتهم راهب مااعرف بس اسمه ولقبه وعباس اخلي اسمه ماكو اخلي ضباط برتبه نقيب هم يطلعولي كومه وادور إلا أموت وماالكاهم حرت
يجوز ناسيني كلشي يصير يمكن نسوني بس اني ماريد شي بس اريد اشوفهم
ومرت ايامي عادي وخالتي مثل قبل اهتمام تجي كل يومين تسألني إذا محتاجه شي لبس حاجه من السوك حتى تاخذني او شي لدراستي حيل ابد ابد مااوفيهم حقهم صارلي ثلاث سنوات يمهم وما يوم سمعت سالفه من عمو لو احمد لو خالتي ولا زهور ولا نور صح بس زينب وزهراء وذني حتى مامخليتلهن وجود ولا يهمني
مرتضى بقى لازكلي وكل فتره يجي يرجع يخطبني وحتى خالتي كالت ليش مااقبل بي خوش ولد حتى جاي يبني بيت كايل مااكعد ويه اهلي بس اني رافضه واكيد تهديدات زهور تخوفني وتخليني ارفض اكثر
واني تورطت كلتلها اربعه وعشرين ساعه تناديني دنيتي وباباتي ولوزايتي
واني اضحك عليها تكلي لو اشوفج صرتي عجوز هم مااخليج تزوجين تنتضرين رويهب واني صح ع انتضاره
ومر الوقت هيج وصرت دكتوره تعينت بالمستشفى طبقت عند دكتوره نسائيه اسمها منى فد بنت حبابه دكتوره هيه وبقيت اداوم بالمستشفى وراتب واستقريت
