.
ــ اي بنتي
ــ ماشاء الله الرب يحميها كثيغ حلوه
... تحجي موصلي وعربي مكسر
ــ ويحفظج خيه
ــ بس هاذي بنتكي
ــ لا بعد عني ولد اكبر منها
ــ ذاك الغجال الي كان معكون
ــ ايي ابني حيدر
ــ اصلكُم موصليين كلامكم مو موصلي
ــ لا خيه اني اصلي بغداديه وزوجي بصراوي بس من سكنا الموصل من زمان بس بقينه ع لهجتنه
ــ اهاا ربي يحفظكم
.. يسمعتي انو في مجموعه غياجيل يدعون الاسلام وينشغونه بين اهالي الموصل
ــ ايي والله خيه يحجي بيهم ابو حيدر مدري ذوله منو طلعولنه تالي وكت
ــ ايي والله يقولون انو رح يفرضون الحجاب والخمار والكفوف ع النساء ويكرهون الايزيدين ويدعون ع الشيعه الروافض وكفره مو اسلام الله ينتقم منهم
ــ استغفر آلَلَهّ وهمه منو يدعون هشي لا حوله ولا قوه الا بالله خيه منين تسمعين هيج شي
ــ والله ابني بداخليه وهوه يجيبلنه الإخبار
ــ والله شنكول غير الله يبعد ويلادنه وبناتنه منهم ويبعدهم منا
ــ امين
دنيا:- كاعده واسمع كل الكلام الدار بين ماما والمره ونفسه يحجون بجامعه وعساس راح يتوقف الدوام ويفرضون الحجاب والخمار
بس مانطيت اهميه للكلام دخلنه للدكتور ونفس الشي انطه علاج وكال لازم تستمر بي وهسه رجليها احسن من قبل يعني تمشي وتكول عادي بس باقي الم قليل
انطيت الكشفيه وطلعنه اجانه حيدر
حيدر:- ها شكال
دنيا:- يكول هسه احسن من قبل وكال تستمر ع العلاج وان شاء الله تصير احسن
ــ ان شاء الله
ــ هاذ العلاج اشتري
ــ تمام وكفت السياره كبال العياده روحو بس اشتري العلاج من الصيدليه واجي
ــ تمام رحنا اني وماما دا نمشي للسياره وفاتو من كدامنه زلم ثنين لابسين هيج دشاديش قصيره شلون ملابس الباكستان سود ولاحايه عدهم ووجهم ابد مو نوراني ومبينين مو عراقيين
باوعولي من فوك ليجوه ومشو
ام حيدر:- اعوذ بالله شنو ذوله شهل نضرات
ــ خيولون ماما عوفيهم رحنه وكفنه يم السياره شويه واجه حيدر
ــ يله صعدو
.. صعدنا وبسياره ماما كامت تسولف ل حيدر ع كلام المره بالعياده
ــ ايي يمه بس سمعت من جماعتي جايين يحررون العراق ويبعدون الطائفه من بينه
ــ يايمه من شنو يحررون العراق ليش شبي العراق
ــ چا يمه والسياسيين همه من يكولون يحررون مو معناهه العراق بي ارهاب او شي يحررون يعني يخلصون العراق من الفساد وذوله الي اكلو حگنا يعدلون انتخابات العراق راح يبنون العراق من جديد
ــ يمه اسكت اسكت لو تشوف العالم شدتحجي ولعد اذا يريدون يصلحون العراق ويطردون الفساد منه الحجاب والخمار شعلي وليش يسموون الشيعه روافض والايزيدين كفره
احنا العراق يايمه من يوم يومنه كلب ع كلب لا كلنه هاذ شيعي وذاك سني وذاك ايزيدي وصائبي والخ ابد مافرقنه بس شكلهم ذوله الي ميخافون من الله جايين يسوون تفرقه بين الناس ويكرهون واحد بثاني
