روايه احببت منقذي (داعش)
(بقلم) : اساور احمد
لا تنسون تصويت ع البارت ومتابعه للحساب وتعليقاتكم الحلوه ع كل فقره 🖤 قمراتي
......................
بالصدفة
ذوبت روحي بخزرتك
والروح كلش ترفة
حتى المفاصل و الضلوع
أتناوبن بالرجفة
___________
مشهد من البارت السابق (للتذكير)
رجع دنك بأس خدي قريب من يم شفتي ويمسح بأصابعه دموعي سحبني كعدني ع كرسي وكنبص كبالي ودنك خلا راسه ع رجلي واني ابجي واباوعله بقى هيج بالنص ساعه وماعرف شيهمس ويه روحه واني ابجي واباوعله نفسى عالي واحسه كوه يجر النفس
خليت ايدي ع شعره واني ابجي كتله:- راهب
همس بصوت هااادي وحنين:- روحه
كالها ورفع راسه باوعلي عيونه حمر دم كال :- وينج عني لج وينج شيبتيني وعلي شيبتيني
____-_______
بسم الله الرحمن الرحيم 🌹
دنيا :- كالها ورجع دنك خلا راسه ع رجلي واني زدت بجي دموعي تكت وهوه مدنك تلفونه صار يرن وهوه مامهتمله رن عدت مرات وهوه ع نفس حالته كتله:- راهب ارفع راسك
ماجاوبني خليت ايدي ع راسه ورفعت راسه بيدي جان مغمض فتح عيونه حمر دم غمض عصرهن ورد فتحهن واني ارجف ولازمه وجهه بثنين اديه من فتح عيونه ابتسم بتعب اباوع لوجهه متعوب دنكت بسته من كصته وكلت واني ابجي:- الف الف الحمدلله من شفتكم الف الحمدلله راهب ماتعرف الفرحه الي بداخلي شكبرها
عصر عيونه بأصابعه وكال وهوه مكنبص كبالي حجه بهدووء :- دنيتي فراكج آذاني وعلي آذاني
من كال هيج دموعي تكت خلا ايده ووكعت دمعه بيده كال:- غاليات لاتنزليهن حيل غاليات عليه
قددم ايده ومسحهن لزم اديه الاثنين صار يبوس ويشم بيهن كال:-هديتي حيلي ومحمد هديتي حيلي بفراكج وينج عني شيب طلع براسي ببعدج عني
رفعت ايده وهوه لازم اديه بستهم:- ونبي ونبي راهب لحد هسه ممصدكه ممصدكه انت كبالي لحد هسه يمكن اني بحلم والله
كال وهوه يباوع لعيوني:- انا الي بحلم ومحمد مامصدك وإذا حلم ماريد اصحى منه ابد
- خمس سنوات ع انتضاركم كلت نسوني راهب كل مره يجيني تفكير اكول نساني وارجع اقنع روحي وأمل نفسي اكول لا ماناسي يجي يوم واشوفه وهاي اجه اليوم راهب مامصدكه مامصدكه
كلتها ودنكت ابجي كال:- شايفه واحد ينسى روحه
رفعت راسي اباوعله وعيوني مغوركه بالدموع كال:- انتٍ روحي انتٍ كلبي انتٍ عمري انتٍ الدنيا ومابيها انتٍ النفس اليصعد وينزل انتٍ دنيتي انتٍ لوزايتي الفاهيه شلون انساج لج كل يوم يمر عليه كل يوم احبج أكثر اتعب اكثر رحتي واخذتي روحي وياج اخذتي عافيتي وحيلي وياج راهب بلياج ولاشي ومحمد ولا شي
يحجي ومكنبص كبالي ويباوع لعيوني واني كلبي وجسمي يرجفن ولازم اديه رد كال بصوت هادئ وحنين :- احبج دنيتي احبج حيل
ماجاوبت بس ابجي ومادري ليش ابجي كال:- ليش هالبجي يروحي انتٍ
مسحت عيوني بحركه سريعه وكلت:- مادري بس فرحانه ومامصدكه
ابتسم وكرص خدي وكال:- لساعج ع نفس عادتج جنج جاهل من ينهضم
ابتسمت كام وكف رفعني وكفت باوعلي من فوك ليجوه كال:- الادري بي الناس كل ماتكبر تطول شو انتي تكصرين صايره جنج سنفور
