روايه احببت منقذي (داعش)
(بقلم) :-اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
..........................
وصوت النواعي يلوحني ويلتم باديّة
الصوت بي ريحة عيوني وبي هلي و وحشة مسية
هلي يامن ضيّعوني
___________
مشهد من البارت السابق (للتذكير)
دنك خلا وجهه بركبتي ويتنفس قوي ويشهك الهوه ويأخذ نفس ويشم بركبتي كأنو يريد يترس ريته
موتني واني مغمضه ودموعي بعيوني لزم اديه الاثنين وعاصر عليهن سحبت يدي ووخرته:- وخر راهب لا تجبرني ع شي ما رايدته
___________
بسم الله الرحمن الرحيم 🌹
دنيا:- من كلت هيج ابتعد وهوه يباوع لوجهي بتأمل كال:- ما رايد منج شي بس رايدج تكولين راهب مسامحتك وماشايله بكلبي عليك دنيتي باجر رايح كلشي يصير وماتخيل اطلع وأنتِ زعلانه
من كالها الدموع تجمعت بعيوني وهوه يباوعلي كال:- اتمنى كبل لا اروح باجر تسمعيني كلمه راهب مسامحتك وماشايله بكلبي عليك والله وياك
كالها ومشى اخذ ملابس ودخل للحمام واني واكفه احس كلامه عصر گلبي ودموعي صارت تنزل حيل طلعت من الغرفه واني ابجي والدنيا مغرب وعيوني ماشوف بيهن من الدموع ماكدر اشوفه هيج احس بنضرته اليوم شايل هموم الدنيا ع ضهره اعرفه يحبني وببعدي الا صاير بي هيج...
بقيت ابجي مسحت عيوني ونزلت شافني خالتي وبيبي وسألن شبيج كلت ماكو شي حظرنه العشه هوه اجه كعد اباوعله ولا رفع عينه ولا باوعلي كاعد بهدوء الا كل مره ابتساماته سوالفه وشقا ويه أفراد العائله
لوره العشه اجه عباس هم نفس سوالفه وحظني ويكلي:- زمزمييييييييييي بعد روووووووحي باجر ملتحقين اريدج شني تدعيلي ارجع بالسلامه حتى ازوج المسترجله واخلف منها فروخ
ابتسمت:- تروحون وترجعون بسلامه
كلتها وباوعت الراهب رفع راسه باوعلي ورد دار وجهه ع عمو لاشويه كامو للمضيف بعد ما عباس شبع الكل ضحك وهوه يتناكر ويه بيبي البارحه جانو اصدقاء ويسولفون اليوم رجع عباس لعاداته وبيبي طكت من وره وتصيح طلعو
وكل شويه ارفع راسي اشوف راهب يباوعلي ارد انزل عيوني طلعو وبقينه احنا شويه وصعدت فوك طلعت جنطه شغله خليت بيهم ملابسه وكل احتياجاته الي ياخذهم ويا من يلتحق بس البدله العسكريه ماخليتها ماعرف ياهي اليريد يلبسها
نزلت جوه شفت ماكو بالصاله ورحت شفت متحولين للديوانيه وساره مشغله التلفزيون عفتهم ورحت للمطبخ حظرت صينيه حبشكلات من فواكهه بيبسي وحلويات انواعها صار يومين يجيب مثل كل مره الي والساره واني اضوج وما اكل وكومه صايرات وخالتي مخليتهم بالثلاجه شوكت مانريد نجي ناخذهم
حضرت كومه بالصينيه وخصوصا نبر وان خمسه سته خليت مشتهيته الي يشوفني اكل حلو وحامض يكول حامل بولد وبنت بس السونار كال ولد ثنين
اخذت الصينيه وطلعت فوك لازم نتصالح اليوم احبه. ماكدر اخلي يطلع واني زعلانه منه وباله مشغول بيه وهوه لو مايخاف عليه ويريد مصلحتي ما يمنعني شو كل مره لو اكله شغله كبل يكول تم ومايرفض لدرجه ذاك اليوم كتله بالشقه اخذني لدبي يكلي تأمرين جيبي بخير وسلامه وخلي يصير جم شهر ويكبرون شويه أنا لو كدرت احصل اجازه اخذج وناخذ حسن وحسين ونروح
