روايه احببت منقذي (داعش)
(بقلم) أ :اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
..............……...
مرتاح شفتك كلت مو مشكله
بعيونه يمكن غير واحد حله
بلعافيه
وذاك السهر ولتعب
جنت ادري راح يضيع من اوله
__________
مشهد من البارت السابق (للتذكير)
بيوم الحنه الليل كله نحجي كعدت ثاني يوم خبصه والبيت يغص ويبلع عمامهم وعمات زهور كلهن موجودات وراهب واهله يجون الضهر وهمه هسه ببيتهم ببغداد وهم كلها جايه البنات وبنات عمامي وعماتي وخاله ام راهب وعماتي ونسوان عمامي كلها وباقين الكبار هناك والزلم
__________
بسم الله الرحمن الرحيم 🌹
غسلت وجهي ونزلت زهور ماكو بالغرفه وجوه اصوات وهوسه نزلت الدرج شفت عمات زهور ونسوان عمامها كلهن موجودات وبنات عمامها نزلت البعض باركلي والبعض لا طلعت زهور وبيدها لفه تاكلها كالت:- يلاااا عروستنه عيني تعاي تريكي نروح للصالون ماضل وقت ساعه راح تصير بالعشره
ابتسمت ورحت للصاله سلمت ع النسوان عماتهم ونسوان عمامهم حتى نهله جايه سلمت عليها ردتلي من وره خشمها رحت يم خالتي بست ايدها وراسه باستني وكالت:- جعل محد غيرج تصير عاروس يا بعد كلبي الناعمه اليوم مضويه
ابتسمت:- يا عمري خاله امي الثانيه
خالتي:- اروحلج فدوه كومي يلا تريكي وبدلي وروحي للصالون هم ماضل وكت اليوم حنتج
هزيت راسي وكمت رحت ويه زهور للمطبخ كلهن موجودات وزهراء مشكله جيشها و واكفه ع صفحه ويتبسبسن ما همني صبحت على نور وكعدت زهور صبتلي جاي وخلت كبالي الاكل ماكدرت اكل بس شربت الجاي وصارن يلحن زهور ونور بس مادري اليوم يومين شهيتي مسدوده وكل ما يجيبن طاري العرس وتحضيراته يصير عندي مغص قوي واختنك
حتى راهب انتبه مو ع بعضي وسئل من كتله هيج وهيج يصير عندي مغص وما شتهي الاكل صار يضحك وارزله واكله اسكت فوك خوفي نوب تضحك والله اطلك منك ومانسوي عرس وهوه يضحك تالي ضجت من صدك وردت اسده كال:- يا روحي أنتِ ولج لوزه گلبي ومحمد ماكو شي لاتخافين وأبد لاتفكرين انسي وبس اهتمي بنفسج وتحظيراتج واتذكري هو العرس يوم واحد ما راح نسوي كل يوم انسي ولاتخافين كله على هدوئج ومرامج أنتِ ابد لاتفكرين ماكو شي
واني ع كلامه شويه اطمن بس من اسده يرجع التفكير والقلق اليه واني كاعده ع الطاوله وكبالي زهور كاعده واسئلها ع الجنطه إذا ما ناقصه شي وهيه تجاوب واحنا جاي نحجي اجت زهراء كعدت بصفي كالت:- اييي يا دنيا راح تزوجين ولا عشيقج الي جنتي ويا بالموصل ووحدكم ببيت
باوعتلها وخزرتها ردت كالت:- طلع ابن عمج وعمامج شيوخ وذول عاداتهم اويلي كله غسل عار وماعرف شنو وانتي جنتي عند داعش شهر كامل ماعرف شهرين والله الاعلم كم واحد لعب بيج وما كايلتله
زهور:- زهرررراء كصي لسانج لا اكصه الج تربيه سزز
ماردت زهور ردت كملت واني احس مشتعله نار بكلبي:- اني اكلج كليله يمكن يطلع خوش آدمي ويغطي عليج ويلغي العرس الا يوم العرس لو شافج مو بنيه وعلي يذبحج ومايرفله جفن هوه ضابط وابن شيوخ كلشي ولا هيج شغله كبل طلقه براسج ويكولون غسلنه عارها
اجيت احجي وعيوني انكلبن حمر كالت قبل لا احجي:- اووووو يطلع من جنتو هناك وانعجب بيج وهوه رجال واكيد مايتحمل يشوف بنت كباله وما يلمسها يمكن شافج هناك انتي مو بنيه واستمر وياج لحد ما طلعج وهسه رجع وشرطتي علي يزوجج حتى تبقون ع علاقه ولأن طلع ابن عمج قبل ياخذج بس اكيد بس حتى يلعب عليج وتشبعين رغبته هوه وصديقه الي يصير ابن عمممتج تلكين ثنينهم جانو يلعبون عليج بالموصل
من كالت هيج احس دين مابقى براسي كمت ولزمتها من شعرها وضربتها راشدي من قوته صوته ملا المطبخ كلتلها واني لازمتها من شعرها احس نار تطلع من عيني:- حلككككككج اشككه وأحط رجلللي بي انييييي موووو زهررراء الذبحت روووحي على رجاااال وزووواج السااانج اكصه ونبي كللللبه
