روايه احببت منقذي (داعش)
(بقلم): اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
.......................
جم حريمه ويا حريمه
نباكت سوالفنه القديمه
جنه نضحك لحد ميخلص حجينه
_______
مشهد من البارت السابق (للتذكير)
خزرني حيل خلا ايده ع ركبتي بس ما خنگني خلاها بخفه ايده ضحك ضحكه طويله وكال:- ههههههههههههههههه تذكرين دنيا من جنت بين الحجايه والثانيه اكلج خايف احبج وتملين من حبي الج وتبتعدين وهاي جاي اشوف كلامي يتحقق كبال عيني كارهتني مو على راحتج اكرهي بكيفج لكن ضل خيط صغير ولو انگطع تكونين انتهيتي بالنسبه الي وكل كلامج هسه ما انساه وينطبع براسي وراح أطبق مقوله ( المره ماتكسر عينها الازمره ثانيه) وبعد أنتِ تفهمينها يا دكتوره دنيا مليتي وكارهتني موو!!! اكرهي بس تذكري لاكرهج بروحج
________
بسم الله الرحمن الرحيم 🌹
زهور :- بعد ما نزل راهب وكال دنيا صحت وهسه رجعت نامت فرحنه حيل يعني الله يعينها محد بقالها من اهلها بس راهب موجود ويعوض مكانهم بحياتها
كعدو وواحد صافن بالآخر وراهب كاعد بس مبين علي القهر وهوه يشوف دنيا هيج وعباس يحاجي كاعده اجت كعدت بصفي زينب بعد ما جانت كاعده ويه نبراس ومدري نبراس شتهمس الها كعدت اخذت منها بنتها رغم هيه اكبر من توم دنيا بأربع اشهر بس الي يشوفهم يكول همه اكبر ما شاء الله سمان ومدنفشين وبنت زينب مريضه ووجهه اصفر وضعيفه اخذتها ومسميتها ملاك حلوه صرت ابوس بيها كلتلها:- ليش هاي بنتج كل ما جاي تكبر تصغر ووجهه اصفر
زينب:- لج والله مريضه هاي من يوم الصارت احنا نفترق بيها اطباء وماكو يوم عن يوم تسوء حالتها وميته قهر والله وماكو الها علاج وصغيره للعمليه الا من يصير عمرها 18
- أن شاء الله تتشافه صغيره وما تستاهل كل الي جاي يصير بيها وهيج متأذايه عمت عيني
-الله يسمع منج گلبي تعب والله واني اشوفها هيج وابوها هم
بقت تحجي وياي وتسألني ع حملي واني اجاوب لليل كلها راحت وبس احنا بقينه نزل راهب من غرفته كاله عباس:- ها شلونه زمن كعدت
راهب:- بعدها نايمه وحالتها احسن
كالها وكال عباس:- چا يلا يمه نروح هم ماضل وكت وابو جمره لو احتاجيت شي اتصل بيه موجود أنا
راهب:- أن شاء الله ما تقصر
كالها وكمنه وقبل لا نروح صعدت يم دنيا سوده عليه غاطه بنومها ووجهه ذبلان هيه هيج لو تبجي ربع ساعه يبين ع وجهه يذبل ويتعب بست راسها غطيتها وطلعت نزلت بوست التوم ودعناهم ورجعنه للبيت وصدك شكد جان عدنه واهس من رحنه بس ع موقف دنيا وموت اخوها موتنه قهر
للفجر فزيت ع عباس يحجي بالتلفون شفت وقت صلاة كمت توضيت وصليت اجيت كعدت يمه ويحجي بأسم دنيا كمل سده كلت:- هذا راهب
-اي
- شيكول دنيا ما صحت اكلت شي؟
- لا يكول بنص الليل كعدت تبجي كوه شربتها ماي ونومتها وما قبلت تاكل
خليت راسي ع كتفه:- من صدك دنيا تكسر الكلب يعني صعبه مجرد اتخيل حالها انجن صعبه ما بقى احد من اهلها بس هيه ما اكول انتو عمامها وراهب عوضها بس شما صار تبقى غصه بكلبها اهلها تبقى تتحسر من تشوف الي ينادون امهم وابوهم وهيه تتحسر على كلمه ماما وبابا حتى شفت وقت عمليتها اول الاشخاص رادتهم هيه امها عباس مادري اذا للشاب صعب أو لا بس كلش صعب للبنت انو ما يكون عدها أهل من تشوف الناس تحجي بالاهل والاخوه وهيه متكدر تحجي بأهلها لأن ميتين
وتعرف اشكر رب العالمين الف مره انو رزقها براهب صارلها أهل لو غير شخص وما بكلبه رحمه جان حسبها ماعدها غيره بالدنيا ويجرح ويعذب بيها ع كيفه لان ماكو احد بضهرها يحمونها لا أهل ولا اخ بس راهب حابها ومقدرها وحاسبلها الف حساب وما يأذيها وبس هذا يخليني اطمن وانته هم بين الحجايه والثانيه تكول الله عوضني بعباس أعظم اخ بالدنيا
