روايه احببت منقذي (داعش)
(بقلم) : اساور احمـد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
.......................
كالو طاح
كتلهم فلايرتاح
وماترتاح
لأن سدَّيت اذانك من ضميرك صاح
_________
مشهد من البارت السابق (للتذكير)
ابتسمت واني اباوع ع عيونه شلون يلمعن ومركزات بعيوني واشوف صدق حبه الي بعيونه كالها وقرب باسني غمضت وهوه صار يتفنن بالبوسه من شافني غمضت ومتقبله
وهو جاي يبوسني جان نسمع:- خررررررب عينكمممممم ولكممممم ادبسززززززيه
_________
بسم الله الرحمن الرحيم 🌹
دنيا:- من سمعت الصوت فتحت عيوني ع وسعهن وعيوني بعيون راهب كلبي وكف بعدت بحركه سريعه واني اباوع لراهب وخايفه ومتفشله اباوع للباب يارب شهالموقف كال عباس:- ولكممم ادري ماتتحملووون فضحتوووونه خزيتوووونه بنص مستشفى تتمرتكووون وانتتتتتتِ شكلتلج
دنيا:- اباوع للكاع واريدها تنشك وتبلعني مالي وجهه اباوع علي من كال هالكلام ماتحملت دارت الدنيا بيها وتخربطت بعد ما حسيت ع شي
ما كعدت الا ع أحد يرش مي ع وجهي شفت مكعديني ع كرسي بالغرفه وفاطمه ترش ع وجهي مي وكلهم ملتمين فتحت عيوني وكلها صارت تسالني شلون صرتي وليش تخربطتي واني ما اجاوب احس دايخه لو ميته ولا هالموقف كالت خالتي:- يمه شجاج كل ساع ومتخربطه
رفعت راسي شفت عباس كبالي ويباوعلي عقجت وجهي من الفشله كالت خالتي:- شبيج يمه اكو شي يوجعج ليش تخربطتي
هزيت راسي:- لا خاله ما بيه شي هيج ماعرف شصارلي ودخت
كلتها وعباس سوه صوت مثل الضحك رفعت راسي الا واكف ومكتف ادي باوعلي ونزل راسه وبس كتافه تهتز من الضحك
متت بدمي تمنيت لو ما مخليته يبوسني ولا هالفشله باوعت لراهب بمكانه متمدد وعيونه بيه هم ابتسم وكالي:- شلون صرتي ؟
هزيت راسي:- زينه
من كلتها كال ابو راهب:- يلا بويه مدام كعدت خلونا نروح عشاكم جاهز
ابو احمد:- لا والله ابو راهب هم انتو تعبانين اهم احنه نروح نرتاح
- لا ابو احمد ناذر أنا من يكعد اسوي عشه هنا واعزم تجون هسه ويانه هم ماضل وكت دنيا مغرب
ضلو مصرين وعمو قبل كالو يلا نروح زوج فاطمه كال عندي شغله اروح اسويها واجي كالت فاطمه:- جا انتضرك هنا اخذني وراح تبقى دنيا وياي نجي انا وياهه
كالتها وباوعت لخالتي:- اكيد ماعندج مانع ام احمد هسه أنا وياهه نجي
ام احمد:- لا يمه ميخالف خليها وتعالو سويه
كالتها وكالو يلا طلعو كلهم حتى فاطمه وعباس طلعو وراهم بقينه اني وراهب رجعت راسي وره وغمضت عيوني واحس كلبي يوجعني وعندي مغص من الموقف فتحت عيوني ع ضحكت راهب باوعتله بخزره ضحك اكثر واشرلي:- تعال صغيروُني
كمت يمه معصبه لا اكدر اضربه ع صدره أو كتفه كلها جروح ومكان طلقات ولا اكدر ابقى هيج اريد اطلع حركه كلبي بي كله من وراه خلاني بهذا الوضععع والموقف المخزي
وكفت يم راسه يضحك سحب ايدي وباس بطنها وصونده الاوكسجين بخشمه لحد هسه كال:- لا تفكرين حبيبي خلي يولي والله خلي اوكف ع رجلي شوفي شسوي بي وإذا حاجاج اذبحه هههههههههه
استفزني أكثر بضحكته اي ليش لا مايهمه والفشله كلها الي جان لازم ايدي رفعت ايده الي وعضيته قووي اريد اطلع حركه كلبي هوه صاح:- خرب يومج ولج شكووو؟
ما جاوبت مجلبه واعض بكل قوتي وهوه فرفح ويصيح:- ولج الفاهيه شبييج انچلبتي جا أنا شدخلني روحي على ذاك الما يخليني اتهنى بشي اخخ ولج الفاهيه عوفي مررررريض
كالها وسحب ايده رغم عضيته بس مابرد كلبي هوه سحب ايده وصار يفرك بيها وكال:- مو سنون سجاجين خرب روحج شجااج
كتله والدمعه بطارف عيني:- كله من ورااك كله كتلك هسه احد يدددخل بس انته شلووون اليشووفك يكول محرووم صارلك سنوات خليتني بهذا الموقف كبال عباس اكرهكككككك
:- هههههههه يولي أنا شعليه رجال وحال الضيم حالي مريض وكعدت من غيبوبه بس ردت اضل وحدي ويه مرتي مشتاكلها شمدريني العار راح يدخل والله ابد ما يعوفني ابد شوكت اخلص منه مادري يمكن حتى ليله عرسي يضل فوك راسي
فتحت عيوني ع وسعهن وضربته ع ايده وكلت:- اشش اسكت اسكتتت صوووتك ما اسمعه كرررهتك كررررهتك اااااااااخ
- ههههههههه ولك جويسم الصغيروني حسك فضحتنه شبيك منفعل وتصيح ماصار شي روُح روُحي عادي ما مسوين شي غلط انا حلالك وانت وحلالي شبيك خلي يولي ذاك عار
باوعتله ودرت وجهي ومعصبه صحت:- اسكت اسكت كوه متحمله ونبي هسه اخنكك بصونده السيروم اسكتت و اشكر ربك مريض جان عرفت شسويلك
