روايه احببت منقذي (داعش)
(بقلم) : اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
،،،،،،،،،،،،،،،،،،،،،،،،،،،،،،،،،،،،
بهيدة يا نسمة ويَّ خصلات الحرير
يطير گلبي وي الشعر لمن يطير
گلي لو تجبر خواطرنا .. شيصير
و عالطواري عيونة التسهر تنام
___________
مشهد من البارت السابق (للتذكير)
هزيت راسي والله اني هم محتاجتلي انام شي نص ساعه لئن عيوني بعد ماكدر افتحهن كتلها تمام طلعت وسدت الباب نوبه الغرفه بارده تشهي النوب وهاي الفصعونه دندون نامت كمت طفيت الضوه وبس التيبلام مشتغل نزعت حجابي وفليت شعري لئن ماكدر انام بالقراصه وخليت الشال بس هيج ع راسي كلشي يصير يجوز احد يدخل بالغلط ورحت نمت بصف دنيا وتغطيت من غمضت كبل غفيت
________
بسم الله الرحمن الرحيم 🌹
دنيا:- غمضت كبل غفيت ومدري وره شكد فتحت عيوني والغرفه لهسه ضلمه وبس التيبلام مشتغل حسيت ع بطني اكو ثكل ونفس حار يم اذني درت وجهي شفته راهب مغمض فتحت عيوني ع وسعهن من شفته وصرت ابعد بيده ومايحركها ابد صرت اهزها وهيه فوك بطني واكول:- عززززة عززززة بعيني راهب شسوي هنااا كل عقلك وخررر كووم الله عليك كومم اطلع هسه احد يدخل والله انفضح راااهب كوووم
من صحت شال ايده وخلاها ع حلكي وهمس:- خرب روحج الفرخه نايمه حسج
بعدت ايده وكمت كعدت وهوه نايم بصفي ومنا دنيا من كمت لزم شعري وسحبني من شعري رجعني بس سحبني اله صرت فوك صدره وهوه لازمني من شعري حيل وماكدر اكوم ويباوعلي ومبتسم كال:- أنا لو كل يوم انام واكعد ع هالوجه بعد شريد من الدنيا
باوعتله وكلبي يدك الف متوتره حيل وقبل التوتر خايفه لا احد يدخل علينه أو ساره تدخل امبين هاذ مايهمه بس اني انفضح كتله:- عوفني الله عليك راهب هسه يدخلون ويشوفونه
من كلتها خلا ايده ع خدي وكال بهدوء:- ارحمي بحالي لوزايتي خمس سنوات يالكعبه ماشايفج خليني اشبع منج مشتاگلج بكد الدنيا
من كالها عاف شعري ولف ايده ع ضهري وحظني وقربني اله كتله واني خايفه والدمعه بطارف عيني:- مااا ماعليه راهب كووم اطلع الله عليك هسه احد يدخل وانفضح اني انت ولد ميهمك بس اني والله انفظج
- محد يدخل لاتخافين و اليدخل شحده يحجي اكص اللسانه
باوعتله وصرت ادفع بصدره حتى يعوفني واكوم وكتله:- خووش حجي استاذ هسه كوم يلاااا
من كتله ابتسم وكال:- اخ الله لو تدرين شكثر حابج لج انتي متربعه بگلبي منين الله جابج عليه منين
- ادري تحبي ادري بس كووم وبعدين شجابك هنا منو كالك اني موجوده هنا
- محد بس انا شفت ذيج ام راس ساره ماكو جوه وردتها على مود شغله واجيت ويه مافتحت شفت حلات الدنيا هنا وشلون جاهلين نايمات يخبلن وانا منا شلون تعبان صارلي أكثر من ثلاث اشهر ما داخل البيت وفوكاها شفت بنت كلبي الفاهيه ولا ونايمه كبال عيني اجيت ودحست روحي وراج ونمت قابل اجرمت
- لا لا ابد ما اجرمت راهب ونبي ترا بعد ماحجي وياك والله
- بكيفج اكسر راسج حتى يلا لكيتج وتريد تتزعلي انوب هوه أنا بيه حال مراضاه
- ماعليه اني كتلك ونبي إذا ماكمت طلعت بعد لااعرفك ولاتعرفني الله عليك كووم ونبي هسه اختك تدخل وتشوفنه إذا ماخايف على نفسك خاف عليه وع سمعتي راهب اذا تحبني من صدك اطلع من الغرفه
بقى يباوعلي وهوه مبتسم ويباوع لكل مكان بوجهي ومن احجي مركز بحلكي كال :- اطلع بس عندي شرطين لازم توافقين على واحد منهن
باوعتله وهوه حاضني ووجهي صاير فوكاه وشعري متكوم فوك صدره واحاول اكوم مايخلي وكتله:- شنو شرطين
- اول شرط تجين وياي للغرفه تحضريلي لبس ومحمد تعبان ومابيه اسوي شي صارلي سبوع مانايم تعبان حيل وادري مايهون عليج تشوفيني تعبان مو
باوعتله:- لا والله خاف ماتقبل وانوب لغرفته والله مااجي وكوم يله اطلع
- لاتخافين ماسوي شي جا تذكرين بالموصل من تغسلين ملابسي وتنامين وياي بنفس الغرفه بس متغيره ومحمد مغيرينج حيل أنا أريد دنيتي الاعرفه جيبيها
ابتسمت بيأس:- يبوووو راهب كووم كوووم اطلع لخاطري
- جا اكلج شرطي الثاني وهاذ حيل سهل ماياخذ دقيقه واكوم اطلع
-اي شنو هوه
من كلتها رفع ايده مبتسم خلا اصبعه ع شفتي وكال:- خليني اضوگهن واطلع
