روايه احببت منقذي (داعش)
(بقلم) : اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
.......................
ها ياحزن
دگيت بابي النوب مو زنجر سوادي
وبدّليت الثوب
__________
مشهد من البارت السابق (للتذكير)
واني جاي احظر اجت زهور شاورتني:- امشي اطفالج بيد نبراس ردت اخذهم منها ما انطتهم تكلي مادخلج
باوعتلها وعفت الي بيدي وطلعت شفتها واكفه ولازمتهم ثنينهم بحظنها وتباوعلهم مبتسمه واكفه ع صفحه وبصفها زينب بيدها بنتها
___________
بسم الله الرحمن الرحيم 🌹
دنيا:- من طلعت وشفت الاطفال بيد نبراس نغزني كلبي رحتلها وهيه شايلتهم بأديها الاثنين وتباوعلهم كلت:- انطيني الاطفال
رفعت راسها باوعتلي اخذت حسن صحت الساره انطيته الها ورجعت اخذت حسين منها كالت وهيه مبتسمه:- حلوين على ابوهم
خزرتها ورجعت ابتسمت:- اكيد حلوين ويخبلون ابوهم راهب وأمهم دنيا ف شلون يطلعون خلفتهم
من كلتها خزرتني مشيت وخليتها اباوعلهم نايمين صارو يبجون وصوت ضجه هواي كالت خالتي:- اخذيهم فوك نوميهم بغرفه الحجيه ماينامون من الصوت
هزيت راسي ودزيت ع زهور شلناهم وطلعنه فوك رضعتهم بوستهم وصرنه انومهم بحظنه اني وزهور كالت:- شعدها نبراس شايله اطفالج هلكد غاليين عليها صارو
- اي يمعوده عوفيها هاي هم مدري شتحس ياختي كرامه ماكو حاذفه الكرامه من حياتها شكد تفشلت شكد انهانت انكتلت بيد عباس وترجع تجي ولا كأن صاير شي
- اي والله فعلا كرامه ماكو بس انتي هم ديري بالج ع نفسج وجهالج منها كلشي تسوي الدفعتج من الدرج حتى تموتج والي انطتج رجلها حتى يموت الطفل ببطنج كلشي تسوي وتوقعي منها أي شي
- خليها تولي كلهم موجودين وراهب وعباس يمي شحدها تأذيني بشي اني او اطفالي
كلتها نومتهم خليتهم ع الجربايه واحد بصف اللاخ ومنا ومنا مخاد سدينه الباب ونزلنا جانت نبراس تباوعلي مانطيت اهميه بقينه نحظر حطينه غده وللعصر كلها فضت وحتى بيت خالتي راحو وخالتي صارلها من يوم الجبت هيه يمي ببغداد وبقو بس عماتي ونسوان عمامي واحنا كاعدين كالت أحد نسوان عمامي:- دنيا يعني من تحبلين مره ثانيه هم هيج يصير بيج لو بس اول مره ؟
- لا خاله هم يصير إذا ما اتعالج من هذا المرض والصداع كل ما احمل نفس الشي بس راهب رفض احمل مره ثانيه إذا ما يعالجني
- ها أن شاء الله تتعالجين وتجيبيله درزن جهال حلوين مثلج
ابتسمت وما جاوبت بقو كاعدين لنص ساعه صارو يروحون كلهم بقو بس بيت عمتي ام عباس صعدت فوك اشوف حسن وحسين شفت حسن فاتح عيونه وحسين نايم اخذته وصرت ابوس بي ويبتسملي:- حبيبي ابني الجبير فدوه من تكبرون راح تكول لاخوك اني اكبر منك بثلاث ساعات
احجي وهوه يبتسم فتحت الكماط وخليته ع الجربايه يلعب بأيده ورجلي كعد الثاني هم بوسته وفتحت الكماط لأن كل مره خالتي هيج تسوي العصر تفتحلهم واني مدنكه ابوس بيهم وبأديهم ورجليهم مكزكزه انفتح الباب درت وجهي شفته راهب:- هههههههههه حبيبي تعال شوفهم شكد حلوين واديهم ورجليهم صغار كلش
اجه كعد بصفي ومبتسم صار يبوس بيهم وكالعاده تنحسو من شواربه ولحيته الي طالعه جديد :- راااهب دتأذيهم بشواربك وراح يبجون شيسكتهم
باوعلي وخلا حسين بصف حسن وسحبني:- چا إذا يتنحسون من شواربي امهم ماتتنحس ومتعوده
-هههههههههه وخرر
كلتها سحبني وخلا وجهه بركبتي ويحك وجهه يدغدغني واني ميته ضحك وادفع بي مابتعد الا من سوالي ركبتي خريطه كام واخذ ملابسه حتى يسبح ويرجع يروح للمضيف نوب اني لحد هسه لا مغسله الحسن وحسين ولا مبدلتلهم ولا مكمطتهم اصلا ولا اعرف اكمط واخاف ابدللهم ويصيرون يبجون هاي كام يصير شهرين خالتي تسويلهم كلشي تسبحهم تغسللهم تبدللهم اني بس اسمي ام انطيهم حليب وابوس بيهم وانومهم وحتى اخاف الح عليهم بالبوس ويبجون لأن ثنينهم يبجون بنفس اللحظه وعباس شافني هيج كضاهه يروح ويجي ويكول ام جيس حب
حضرت ملابس راهب طلع من الحمام بالمنشفه باوع للملابس:- لا حبيبي طلعيلي بنطرون الاسود والتشيرت الاسود الي بي صوره نسر
