(Unicode)(Part 3)
ခွန်းဆက် မိုးထက်တို့နှင့် ချိန်းထားသော bar သို့ရောက်သောအခါ သကောင့်သားများက လူတောင်စုံနေကြပြီ ဖြစ်သည်။ ထို့ကြောင့်သူလည်း သူငယ်ချင်းများရှိရာ စားပွဲဝိုင်းဆီကိုသာ သွားလိုက်တော့သည်။ မိုးထက်က သူ့ကိုမြင်တော့ ပြုံးစိစိမျက်နှာဖြင့် ရှေ့တွင်ချထားသော ဘီယာခွက်ကို ကောက်ကိုင်လိုက်ကာ
"ယောက်ကျားရသွားတဲ့ ငါတို့သူငယ်ချင်း straight ကြီးအတွက် ချီးယားစ်"
မိုးထက်ကြောင့် ကျန်နှစ်ယောက်ကလည်း ရယ်မောကာ သူ့အားကြည့်လာကြသည်။
"ယောက်ကျားရသွားတဲ့ ခံစားချက်လေးပြောပါအုံး "
မိုးထက်က လက်သီးကို မိုက်ပုံစံဟန်လုပ်ပြီး ခွန်းဆက်ရှေ့ထိုးပေးကာအရွှန်းဖောက်သည်။ ကောင်းထက်နှင့် မင်းမြတ်ကတော့ မိုးထက်လုပ်ပုံကို ကြည့်၍ ရယ်နေရုံသာရယ်၍ ဘာမှပြောမလာ။ခွန်းဆက်ရောင်နီ မိုးထက်အား စိတ်လေသည့်ပုံစံဖြင့် ကြည့်၍ မည်သည့်စကားမှမဆိုပဲ မင်းမြတ်ဘေးရှိ နေရာလွတ်တွင်ဝင် ထိုင်လိုက်သည်။ မိုးထက်မှာ သူစနောက်နေသည်ကို ဘာမှတ်ချက်မှ ပြုမလာသည်ကြောင့် ခေါင်းတခါခါဖြစ်နေသည်။ မင်းမြတ်ကလည်း ခွန်းဆက်အား ဘီယာခွက်ကမ်းပေးရင်း
"မင်းကလဲ ပျော်ပျော်နေစမ်းပါ...ယောက်ကျားပဲရတာ သေသွားတာမှမဟုတ်တာ...လဒရုပ်လို မှိုင်တွေမနေနဲ့"
"အေးလေ ဟုတ်သားပဲ...မင်းရထားတဲ့ဟာက ရှားပါးပစ္စည်း ဖြူဖြူနုနု အုစုခရုလေးနော်...ဒီလိုအလှလေးမျိုး ရဖို့မလွယ်ဘူး...လှတပတလေး ရထားပြီး မှိုင်တွေနေတာ မင်းတစ်ယောက်ပဲရှိတယ်"
မိုးထက်၏ အပြောကြောင့် ခွန်းဆက် မိုးထက်အား စိုက်ကြည့်လိုက်သည်။
"အဲ့ဒါဆို မင်းယူလိုက်လေ"
မိုးထက်ကလည်း အပြောမခံ။ ပြီတီတီရုပ်နှင့် ခွန်းဆက်အား ပြန်ပြောလေသည်။
"ယူချင်တာပေါ့ဟ...သူမှ ငါ့ကိုမယူတာ"
ထိုအခါမှ တစ်ချိန်လုံး ပွဲကြည့်ပရိသတ်လုပ်နေပါသော ကောင်းထက်က မိုးထက်ခေါင်းလေးအား ဖွဖွပုတ်ကာ နူးညံ့သော အသံဖြင့် စွဲမယ်ဖွယ်ကောင်းစွာပြောလာသည်။
YOU ARE READING
အမုန်းမှသည်...ချစ်ခြင်းဆီသို့(နာကျည်းချက်များနှင့် အချစ်ကိုဖန်ဆင်းမည်)
RomanceStart Date-1.11.2023 End Date-27.5.2024 မိဘတွေမတရားခံရမှုအတွက် ကလဲ့စားချေမယ့်ကောင်လေးတစ်ယောက် အမုန်းတရားတွေကနေလွတ်မြောက်နိုင်ပြီး ချစ်ခြင်းကိုရှာဖွေတွေ့ရှိနိုင်မလား..... မိဘေတြမတရားခံရမွုအတြက္ ကလဲ့စားေခ်မယ့္ေကာင္ေလးတစ္ေယာက္ အမုန္းတရားေတြကေနလြတ္ေျမာက...
